ନୂଆଦିଲ୍ଲୀ: ପାକିସ୍ତାନର ଗୁପ୍ତଚର ଏଜେନ୍ସି ଆଇଏସଆଇ ପାଇଁ ଗୁପ୍ତଚର କାର୍ଯ୍ୟ କରିବା ଅଭିଯୋଗରେ ମସ୍କୋରେ ଥିବା ଭାରତୀୟ ଦୂତାବାସର ଜଣେ କର୍ମଚାରୀଙ୍କୁ ଉତ୍ତରପ୍ରଦେଶ ଆତଙ୍କବାଦ ବିରୋଧୀ ସ୍କ୍ବାଡ (ଏଟିଏସ) ଗିରଫ କରିଛି । ଗିରଫ କର୍ମଚାରୀ ସତେନ୍ଦ୍ର ସିୱାଲ ବୋଲି ଜଣାପଡିଛି । ସେ ବୈଦେଶିକ ବ୍ୟାପାର ମନ୍ତ୍ରଣାଳୟରେ ମଲ୍ଟି ଟାସ୍କିଂ ଷ୍ଟାଫ୍ (MTS) ଭାବରେ କାର୍ଯ୍ୟ କରୁଥିଲେ । 

ସୂଚନାନୁସାରେ, ଆଇଏସ୍ଆଇ ହ୍ୟାଣ୍ଡେଲର୍ସ ମାନେ ଭାରତୀୟ ସେନା ସହ ଜଡିତ ସମ୍ବେଦନଶୀଳ ସୂଚନା ବଦଳରେ ଆର୍ଥିକ ପ୍ରୋତ୍ସାହନ ଦେଇ ଭାରତୀୟ ବୈଦେଶିକ ମନ୍ତ୍ରଣାଳୟର କର୍ମଚାରୀ ମାନଙ୍କୁ ପ୍ରଲୋଭିତ କରୁଥିଲେ । ମିଳୁଥିବା ସୂଚନା ଭାରତର ଆଭ୍ୟନ୍ତରୀଣ ତଥା ବାହ୍ୟ ସୁରକ୍ଷା ପାଇଁ ଏକ ଗୁରୁତର ବିପଦ ।

ଏହି ଗୁପ୍ତଚର ନେଟୱାର୍କର ମୁଖ୍ୟ ଖେଳାଳି ଭାବରେ ହାପୁରର ଶାହାମହିଉଦ୍ଦିନପୁର ଗାଁର ବାସିନ୍ଦା ସତେନ୍ଦ୍ର ସିୱାଲଙ୍କୁ ଚିହ୍ନଟ କରାଯାଇଛି । ସେ ମସ୍କୋରେ ଥିବା ଭାରତୀୟ ଦୂତାବାସରେ ପଦବୀର ଲାଭ ଉଠାଉଥିବା ଅଭିଯୋଗ ହୋଇଥିଲା । ଟଙ୍କା ଲୋଭରେ ଉତ୍ସାହିତ ହୋଇ ଅଭିଯୁକ୍ତମାନେ ପ୍ରତିରକ୍ଷା ମନ୍ତ୍ରଣାଳୟ, ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ଭାରତୀୟ ସାମରିକ ପ୍ରତିଷ୍ଠାନଗୁଡ଼ିକର ରଣନୀତିକ କାର୍ଯ୍ୟକଳାପ ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି ସେ । ସେ ଗୁପ୍ତଚର କାର୍ଯ୍ୟକଳାପରେ ଜଡିତ ଥିବା ପୋଲିସ ଆଗରେ ସ୍ୱୀକାର କରିଛନ୍ତି । ସତେନ୍ଦ୍ର ସିୱାଲ ୨୦୨୧ ପରଠାରୁ ମସ୍କୋରେ ଥିବା ଭାରତୀୟ ଦୂତାବାସରେ ଭାରତ ଭିତ୍ତିକ ସୁରକ୍ଷା ସହାୟକ (ଆଇବିଏସଏ) ଭାବରେ କାର୍ଯ୍ୟ କରିଆସୁଛନ୍ତି ।