ନୂଆଦିଲ୍ଲୀ ୦୧/୦୯: ଲଣ୍ଡନରେ ପ୍ରାକୃତିକ ଇତିହାସ ସଂଗ୍ରହାଳୟ (NHM) ଦ୍ୱାରା ଆୟୋଜିତ ହୋଇଥିଲା ସମ୍ମାନଜନକ ୱାଇଲ୍ଡ ଲାଇଫ ଫଟୋଗ୍ରାଫର ଅଫ୍ ଦି ଇୟର ପ୍ରତିଯୋଗିତା। ଏଥିରେ ଜଣେ ନଅ ବର୍ଷର ଭାରତୀୟ ଝିଅକୁ ରନର୍ ଅପ୍ ଘୋଷିତ କରାଯାଇଛି। ଦିଲ୍ଲୀ ନିକଟ ଫରିଦାବାଦର ପଞ୍ଚମ ଶ୍ରେଣୀ ଛାତ୍ରୀ ଶ୍ରେୟୋଭି ମେହେଟ୍ଟା । ରାଜସ୍ଥାନର ଭରତପୁରର କେଓଲାଡେଓ ଜାତୀୟ ଉଦ୍ୟାନର ଜଙ୍ଗଲରେ ନିଜ ବାପାମାଆଙ୍କ ସହ ସକାଳେ ବୁଲିବା ସମୟରେ ଦୁଇଟି ମୟୂରର ଏକ ଚମତ୍କାର ଫଟୋ ଉଠାଇଥିଲେ।
ଶ୍ରେୟୋଭି ତାଙ୍କ ବାପାମାଆଙ୍କ ସହିତ ଜଙ୍ଗଲରେ ବୁଲୁଥିବା ବେଳେ ଦୁଇଟି ମୟୂରକୁ ଦେଖିଥିଲେ। ସେ ତାଙ୍କ ବାପାଙ୍କ ପାଖକୁ ଦୌଡି ଯାଇ କ୍ୟାମେରା ଆଣିଥିଲେ, ତା’ପରେ ଭୂମିରେ ବସି ଫଟୋ ଉଠାଇଥିଲେ। ଯାହା ବର୍ତ୍ତମାନ ସାରା ବିଶ୍ୱରେ ପ୍ରଶଂସିତ ହେଉଛି। "ଇନ୍ ଦି ସ୍ପଟ୍ ଲାଇଟ୍" ଶୀର୍ଷକ ଆକର୍ଷଣୀୟ ଏହି ଫଟୋରେ ଗଛ ତଳେ ଏକ ଯୁଗଳ ମୟୂର ବସିଥିବାର ଦେଖାଯାଇଛି।
ଶ୍ରେୟୋଭିଙ୍କୁ ବନ୍ୟଜନ୍ତୁ ଫଟୋଗ୍ରାଫିରେ ସମ୍ମାନଜନକ ପୁରସ୍କାରର ୬୦ ତମ ସଂସ୍କରଣର "୧୦ ବର୍ଷ ଏବଂ ତାହା ଠାରୁ କମ୍" ବର୍ଗରେ ରନର୍ ଅପ୍ ଘୋଷିତ କରାଯାଇଛି। ତାଙ୍କ ଫଟୋ ୧୧୭ ଦେଶ ଏବଂ କେନ୍ଦ୍ରଶାସିତ ଅଞ୍ଚଳରୁ ସମସ୍ତ ପ୍ରତିଯୋଗୀଙ୍କ ଠାରୁ ନିଆଯାଇଥିବା ପ୍ରାୟ ୬୦,୦୦୦ ଫଟୋ ମଧ୍ୟରୁ ଗୋଟିଏ ଥିଲା ।
ଶ୍ରେୟୋଭି ବାପା ବି ଜଣେ ଫଟୋଗ୍ରାଫର । ସେ ତାଙ୍କ ବାପା-ମା କାହିନୀ ଘୋଷ ଏବଂ ଶିବଙ୍ଗ ମେହେଟ୍ଟାଙ୍କୁ ଇନଷ୍ଟାଗ୍ରାମରେ ଧନ୍ୟବାଦ ଜଣାଇ ଲେଖିଛନ୍ତି, ‘ମୋର ହୃଦୟ ଖୁସି ଏବଂ କୃତଜ୍ଞତା ଭରି ରହିଛି’। ଏଥିସହିତ ସେ ସେହି ବାପାମାଙ୍କୁ ପ୍ରଶଂସା କରିଛନ୍ତି ଯେଉଁମାନେ ନିଜ ଝିଅମାନଙ୍କୁ ସେମାନଙ୍କର ସ୍ୱପ୍ନକୁ ସାକାର କରିବାକୁ ଉତ୍ସାହିତ କରୁଛନ୍ତି । ତେବେ ବନ୍ୟଜନ୍ତୁ ଫଟୋଗ୍ରାଫିରେ ଶ୍ରେୟୋଭିଙ୍କର ବଡ଼ ଲକ୍ଷ୍ୟ ହେଉଛି ୱାଇଲ୍ଡ ଲାଇଫ ଫଟୋଗ୍ରାଫର ଅଫ୍ ଦି ଇୟର ପ୍ରତିଯୋଗିତା ପରି ଏକ ବଡ ପ୍ଲାଟଫର୍ମରେ ଭାରତର ଜାତୀୟ ପଶୁ ବାଘକୁ ସ୍ୱୀକୃତି ଦେବା।
