ନୂଆଦିଲ୍ଲୀ, ୨୫।୯: ଚଳିତ ଆର୍ଥିକବର୍ଷ ଭାରତର ମୋଟ ଘରୋଇ ଉତ୍ପାଦ(ଜିଡିପି) ୬.୮% ବଢ଼ିବ । ଏସ୍‌ ଆଣ୍ଡ୍‌ ପି ଗ୍ଲୋବାଲ ପକ୍ଷରୁ ଜାରି ଏକ ରିପୋର୍ଟରେ ଏହି ଅନୁମାନ କରାଯାଇଛି । ଅନ୍ୟପକ୍ଷରେ, ଚୀନ୍‌ର ଅଭିବୃଦ୍ଧି ଅନୁମାନକୁ ଖସାଇଛି ଏସ୍‌ ଆଣ୍ଡ୍‌ ପି । ଏହା ପ୍ରକାଶ କରିଛି ଯେ, ଚଳିତ କ୍ୟାଲେଣ୍ଡର ବର୍ଷରେ ଚୀନ୍‌ର ଅର୍ଥନୈତିକ ଅଭିବୃଦ୍ଧି ୪.୬% ରହିବ । ପୂର୍ବ ଅନୁମାନ ତୁଳନାରେ ଏହା ୦.୨% କମ୍‌ । ନିଜର ତ୍ରୟମାସିକ ଅର୍ଥନୈତିକ ଦୃଶ୍ୟପଟରେ ଏସ୍‌ ଆଣ୍ଡ୍‌ ପି ଗ୍ଲୋବାଲ କହିଛି ଯେ, ଚଳିତ ଆର୍ଥିକବର୍ଷ ଭାରତରେ ଅର୍ଥନୈତିକ ଅଭିବୃଦ୍ଧି ୬.୮% ରହିବ । 

ଭାରତର ଉନ୍ନତ ଅଭିବୃଦ୍ଧି ଯୋଗୁଁ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ମୁଦ୍ରାସ୍ଫୀତିକୁ ଏହାର ଧାର୍ଯ୍ୟ ଲକ୍ଷ୍ୟ ମଧ୍ୟରେ ରଖିବା ପାଇଁ ଫୋକସ୍‌ କରିପାରିବ । ୨୦୨୫-୨୬ ପାଇଁ ମଧ୍ୟ ଭାରତର ଅଭିବୃଦ୍ଧି ଅନୁମାନକୁ ୬.୯%ରେ ସ୍ଥିର ରଖିଛି ଏସ୍‌ ଆଣ୍ଡ୍‌ ପି ଗ୍ଳୋବାଲ । ୨୦୨୫ କ୍ୟାଲେଣ୍ଡର ବର୍ଷ ପାଇଁ ଏହା ଚୀନ୍‌ର ଅଭିବୃଦ୍ଧି ଅନୁମାନକୁ ୪.୩%କୁ ଖସାଇଛି ।