ଭୁବନେଶ୍ୱର, ୧୪।୦୮ : ହୋଟେଲ ରୁମ୍‌ରେ ଚାଲିଥିଲା ରଙ୍ଗିଲା ସ୍ଵାମୀର ଚୋରା ପୀରତି। ରସିକିଆ ସ୍ୱାମୀକୁ ଧରାଇଦେଲା ସ୍ଵିଗି। ଭୁବନେଶ୍ଵର ଇନଫୋସିଟି ଥାନା ଅଞ୍ଚଳରେ ଘଟିଛି ଏଭଳି ଘଟଣା। କୌଶଳକ୍ରମେ ସ୍ଵାମୀର କଳାକାରନାମାର ପର୍ଦ୍ଦାଫାଶ କରିବାରେ ସଫଳ ହୋଇଛି ସ୍ତ୍ରୀ।

ସୂଚନାନୁଯାୟୀ, ଭୁବନେଶ୍ଵର ଇନଫୋସିଟି ଥାନା ଅଞ୍ଚଳରେ ଏକ ହୋଟେଲରେ ୩ଟି ରୁମ୍ ବୁକ୍ କରିଥିଲେ ଅଭିନବ ସିଂ ନାମକ ଜଣେ ବ୍ୟକ୍ତି। ସେ ଗୋଟିଏ ରୁମ୍‌ରେ ରହୁଥିବା ବେଳେ ଅନ୍ୟ ୨ଟି ରୁମ୍‌କୁ ଯାଉଥିଲା ସ୍ଵିଗିରୁ ଖାଇବା ପାର୍ସଲ। ଏଥିରେ ସନ୍ଦେହ ହେବାରୁ ପୋଲିସ ଧରି ହୋଟେଲ ଲୋକେଶନରେ ପହଞ୍ଚିଥିଲେ ସ୍ତ୍ରୀ। ଆଉ ଡୋର୍ ଖୋଲିବା ପରେ ଆପତ୍ତିଜନକ ଜିନିଷ ସହ ଦୁଇ ଯୁବତୀଙ୍କ ସହ ଅସଞ୍ଜତ ଅବସ୍ଥାରେ ଧରାପଡ଼ିଲେ ସ୍ଵାମୀ। ପରେ ହୋଟେଲରୁ ୩ ଯୁବତୀଙ୍କୁ ଉଦ୍ଧାର କରିବା ସହ ଅଭିନବ ଓ ତାଙ୍କ ପାଖ ରୁମ୍‌ରେ ଥିବା ୨ ସହଯୋଗୀଙ୍କୁ ଗିରଫ କରିଛି ପୋଲିସ। ସେପଟେ ସ୍ୱାମୀଙ୍କ ବିରୋଧରେ ସ୍ତ୍ରୀ ନିର୍ଯାତନା ଓ ମାରପିଟ୍ ଅଭିଯୋଗ କରିଥିବା ବେଳେ ଅଟକ ସ୍ୱାମୀ ଓ ତାଙ୍କ ସହଯୋଗୀଙ୍କୁ ଇନ୍ଫୋସିଟି ଥାନା ପୋଲିସ ଜେରା କରୁଛି।