ନୂଆଦିଲ୍ଲୀ, ୨୫/୩ : କ୍ରିକେଟ ପ୍ରେମୀଙ୍କ ପାଇଁ ଖୁସି ଖବର । ଇଣ୍ଡିଆନ ପ୍ରିମିୟର ଲିଗର ୧୭ତମ ସିଜନ ଦେଶରେ ହିଁ ଖେଳାଯିବ । ପ୍ରକାଶ ଯେ, ଲୋକସଭା ନିର୍ବାଚନ ଲାଗି ବିସିସିଆଇ ପୂର୍ବରୁ କେବଳ ୭ଏପ୍ରିଲ ପର୍ଯ୍ୟନ୍ତ ମ୍ୟାଚର ସିଡ୍ୟୁଲ ଘୋଷଣା କରିଥିଲା। ମାତ୍ର ଏବେ ବାକି ମ୍ୟାଚ ଲାଗି ସିଡ୍ୟୁଲ ଘୋଷଣା କରିଦିଆଯାଇଛି ।
କ୍ରିକେଟ ଓ୍ବେବସାଇଟ କ୍ରିକବଜର ରିପୋର୍ଟ ଅନୁସାରେ ଆଇପିଏଲ୍ ୨୦୨୪ର ସମସ୍ତ ମ୍ୟାଚ୍ ଦେଶରେ ହିଁ ଖେଳାଯିବ । ଲିଗର ଫାଇନାଲ ମ୍ୟାଚ୍ ୨୬ମଇରେ ଚେନ୍ନାଇରେ ଖେଳାଯିବ । କ୍ବାଲିଫାୟର ମ୍ୟାଚ୍ ଅହମଦାବାଦ ଏବଂ ଚେନ୍ନାଇରେ ଖେଳାଯିବ । ଏହି ସିଜନର ସମସ୍ତ ୭୪ମ୍ୟାଚ୍ ଭାରତରେ ନିର୍ଦ୍ଧାରିତ କରାଯାଇଛି ।
ଆଇପିଏଲ୍ ୨୦୨୪ର କ୍ବାଲିଫାୟର ୧ ଏବଂ ଏଲିମିନେଟର ମୁକାବିଲା ୨୧ ଏବଂ ୨୨ମଇରେ ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ । ସେହିଭଳି କ୍ବାଇଲିଫାୟର ୨ ଏବଂ ଫାଇନାଲ ମୁକାବିଲା ୨୪ ଏବଂ ୨୬ମଇରେ ଚେନ୍ନାଇର ଚପକରେ ଖେଳାଯିବ ।
ଏହା ପୂର୍ବରୁ ରିପୋର୍ଟରେ ଦର୍ଶାଯାଇଥିଲା କି ଆଇପିଏଲ୍ ୨୦୨୪ର ଦ୍ବିତୀୟ ଲିଗ୍ ବିଦେଶରେ ଖେଳାଯିବ ନାହିଁ । ସମସ୍ତ ମ୍ୟାଚ୍ ଭାରତରେ ହିଁ ହେବ । ରିପୋର୍ଟରେ କୁହାଯାଇଥିଲା କି ବିସିସିଆଇ ସଚିବ ଜୟ ଶାହ ଆଇପିଏଲ ୨୦୨୪ର ଦ୍ବିତୀୟ ଲିଗକୁ ଦେଶ ବାହାରକୁ ଶିଫ୍ଟ କରିବାକୁ ମନା କରି ଦେଇଛନ୍ତି ।