ଚେନ୍ନାଇ, ୨୨/୦୩: ଇଣ୍ଡିଆନ୍ ପ୍ରିମିୟର୍ ଲିଗ- ୨୦୨୪ର ଉଦଘାଟନୀ ମ୍ୟାଚରେ ଚେନ୍ନାଇର ଏମ୍ଏ ଚିଦାମ୍ବରମ ଷ୍ଟାଡିୟମରେ ଆରସିବି ଓ ଚେନ୍ନାଇ ମଧ୍ୟରେ ମୁକାବିଲା ହୋଇଛି । ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା ରୟାଲ ଚ୍ୟାଲେଞ୍ଜର୍ସ ବେଙ୍ଗଲୁରୁ । ନିର୍ଦ୍ଧାରିତ ୨୦ ଓଭରରେ ଆରସିବି ୬ ୱିକେଟ୍ ହରାଇ ୧୭୩ ରନ୍ କରିଛି ।
ରୟାଲ୍ ଚ୍ୟାଲେଞ୍ଜର୍ସ ବେଙ୍ଗଲୁରୁ ପକ୍ଷରୁ ଅନୁଜ ରାୱତ ଭାବେ ସର୍ବାଧିକ ୪୮ ରନ୍ ସ୍କୋର୍ କରିଛନ୍ତି । ଦିନେକ କାର୍ତ୍ତିକ ଅପରାଜିତ ୧୭୪ ରନ୍ କରିଥିବା ବେଳେ ଫାଫ୍ ଡୁ ପ୍ଲେସିସ୍ ୩୫ ରନ୍ କରିଛନ୍ତି । ୧୭୪ ରନର ବିଜୟ ଲକ୍ଷ୍ୟ ନେଇ ବ୍ୟାଟିଂ କରିବାକୁ ଓହ୍ଲାଇବ ଚେନ୍ନାଇ ସୁପର କିଙ୍ଗ୍ସ ।
ଟସ୍ ଜିତି ପ୍ରଥମେ ବ୍ୟାଟିଂ ପାଇଁ ଓହ୍ଲାଇଥିବା ଆରସିବି ଦମଦାର ଆରମ୍ଭ କରିଥିଲା । ଦୁଇ ଓପନର ବିରାଟ କୋହଲି ଏବଂ ଫାଫ୍ ଡୁ ପ୍ଲେସିସ୍ ପ୍ରଥମ ୱିକେଟ୍ ପାଇଁ ୪୧ ରନର ଭାଗିଦାରୀ ସ୍କୋର କରିଥିଲେ । ୩୫ ରନର ବ୍ୟକ୍ତିଗତ ସ୍କୋରରେ ଫାଫ୍ ଆଉଟ୍ ହୋଇ ପାଭେଲିୟନ ଫେରିଥିଲେ । ଏହାପରେ କୋହଲି ୨୧ ରନ୍ କରି ଆଉଟ୍ ହୋଇଥିଲେ । କିନ୍ତୁ ଏହାପରେ ଟିମକୁ ଲଗାତର ଦୁଇଟି ଝଟକା ଲାଗିଥିଲା । ରଜତ ପାଟିଦାର ଏବଂ ଗ୍ଲେମ ମ୍ୟାକ୍ସୱେଲ କୌଣସି ରନ୍ ନକରି ଆଉଟ୍ ହୋଇଥିଲେ ।
ଟିମ୍ ୭୮ ରନରେ କ୍ୟାମେରନ୍ ଗ୍ରୀନଙ୍କ ରୂପରେ ପଞ୍ଚମ ୱିକେଟ୍ ହରାଇଥିଲା । ଶେଷରେ ଅନୁଜ ଏବଂ ଦିନେଶ କାର୍ତ୍ତିକଙ୍କ ମଧ୍ୟରେ ୬୬ ରନର ପାର୍ଟନରଶିପ୍ ହୋଇଥିଲା । ଅନୁଜ ୪୮ ରନ କରି ରନ୍ ଆଉଟ୍ ହୋଇଥିବା ବେଳେ କାର୍ତ୍ତିକ ଅପରାଜିତ ୩୮ ରନ୍ କରିଥିଲେ । ଚେନ୍ନାଇ ପାଇଁ ମୁସ୍ତାଫିଜୁର ରହମାନ ସର୍ବାଧିକ ୪ ୱିକେଟ୍ ନେଇଥିଲେ ।