ପ୍ରମୁଖ ଖବର
  • ନୀଳଗିରିରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ମାରାଥନ ପ୍ରଚାର
  • ||
  • ଚିଲିକାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ପୁରୀ ଲୋକସଭା ପ୍ରାର୍ଥୀଙ୍କ ପାଇଁ ଭୋଟ୍ ଅପିଲ୍ କଲେ
  • ||
  • ଟିମ୍‌ ଇଣ୍ଡିଆ ମୁଖ୍ୟ କୋଚ୍‌ ରେସ୍, ମାହେଲା ଜୟବର୍ଦ୍ଧନେଙ୍କୁ ବିସିସିଆଇର ପ୍ରସ୍ତାବ
  • ||
  • ଜୁଲାଇ ୪ରେ ବ୍ରିଟେନରେ ସାଧାରଣ ନିର୍ବାଚନ, ଆସନ୍ତା ସପ୍ତାହରେ ଭଙ୍ଗ ହେବ ସଂସଦ
  • ||
  • ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ କାଉଣ୍ଟଡାଉନ୍ ଆରମ୍ଭ: ଗୁରୁବର ସନ୍ଧ୍ୟା ସରିବ ପ୍ରଚାର, ଶନିବାର ୫୮ ଆସନରେ ମତଦାନ
  • ||
  • କଣାସରେ ଘର ଭିତରକୁ ପଶିଗଲା ଟ୍ରାକ୍ଟର, ଦୁର୍ଘଟଣାରେ ଚାଲିଗଲା ଚାଳକଙ୍କ ଜୀବନ
  • ||
  • ମେ’ ୨୯ରେ ପୁଣି ଓଡ଼ିଶା ଆସିବେ ମୋଦି, ୨୬ରେଭଦ୍ରକରେ ଭୋଟ୍‌ ମାଗିବେ ରାହୁଲ, ବାଲେଶ୍ୱରକୁ ଖଡ୍‌ଗେ
  • ||
  • ରଥ ଖଳା ହାଲ୍‌ଚାଲ୍‌...ରଥ ଗୁଜରେ ନୃସିଂହ ମୁଖ ଅଙ୍କନ, ରୂପକାରଙ୍କ କାର୍ଯ୍ୟାରମ୍ଭ, ଅର ଅନୁକୂଳ କଲେ ବିଶ୍ୱକର୍ମା
  • ||
  • ସନ୍ଧ୍ୟାରେ ସରିବ ତୃତୀୟ ପର୍ଯ୍ୟାୟ ଭୋଟ୍‌ ପ୍ରଚାର, ଶନିବାର ୬ ଲୋକସଭା, ୪୨ ବିଧାନସଭାରେ ଭୋଟ୍‌
  • ||
  • ବଙ୍ଗୋପସାଗରରେ ଲଘୁଚାପ ସକ୍ରିୟ: ୨୪ ସୁଦ୍ଧା ଅବପାତ, ୨୫ରେ ଗଭୀର ଅବପାତ ସମ୍ଭାବନା, ଭଦ୍ରକ ଏବଂ ବାଲେଶ୍ୱରରେ ବର୍ଷିବ
  • ||

ଇସ୍ରାଏଲ ଆକ୍ରମଣରେ ଜାତିସଂଘର ଭାରତୀୟ କର୍ମଚାରୀଙ୍କ ମୃତ୍ୟୁ

ନୂଆଦିଲ୍ଲୀ,୧୪/୫: ଇସ୍ରାଏଲ ଏବଂ ହମାସ୍ ମଧ୍ୟରେ ଚାଲିଥିବା ଯୁଦ୍ଧ ଥମିବାରେ ନାଁ ଧରୁନି । ବର୍ତ୍ତମାନ ଏହି ଯୁଦ୍ଧରେ ମିଳିତ ଜାତିସଂଘ କର୍ମଚାରୀଙ୍କ ଜୀବନ ମଧ୍ୟ ଯିବାରେ ଲାଗିଛି। ତେବେ ମିଳିତ ଜାତିସଂଘରେ କାମ କରୁଥିବା  ଜଣେ ଭାରତୀୟଙ୍କ ଏବେ ଏହି ଆକ୍ରମଣ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି।  ସୋମବାର ସକାଳେ ସେ ଗାଜା ସହରର ରାଫା ଅଞ୍ଚଳରେ ଯାତ୍ରା କରୁଥିବା ବେଳେ ତାଙ୍କ ଗାଡି ଉପରେ ଆକ୍ରମଣ ହୋଇଥିଲା।  ମୃତକ ଜାତିସଂଘର ସୁରକ୍ଷା ଓ ନିରାପତ୍ତା ବିଭାଗର କର୍ମଚାରୀ ଥିଲେ । ତାଙ୍କର ପରିଚୟ ସାର୍ବଜନୀନ କରାଯାଇନ ଥିବା ବେଳେ କେବଳ ସେ ଭାରତୀୟ ହୋଇଥିବା ଜଣାପଡିଛି ।

ସୂଚନା ମୁତାବକ, ଗତ ଅକ୍ଟୋବର ୭ରୁ ଇସ୍ରାଏଲ ଓ ହମାସ ମଧ୍ୟରେ ସଂଘର୍ଷ ପରଠୁ ରାଫାରେ ଏହି ଭାରତୀୟ କର୍ମଚାରୀଙ୍କ ମୃତ୍ୟୁ ପ୍ରଥମ  ଘଟଣା ଅଟେ । ଏହି ଆକ୍ରମଣରେ ଆଉ ଜଣେ ଡିଏସଏସ କର୍ମଚାରୀ ଆହତ ହୋଇଛନ୍ତି । ତେବେ ମିଳିତ ଜାତିସଂଘର ଏହି କର୍ମଚାରୀମାନେ ଗୋଟିଏ ଗାଡିରେ ରାଫା ସ୍ଥିତ ୟୁରୋପୀୟ ହସ୍ପିଟାଲକୁ ଯାଉଥିଲେ । ଏତିକି ବେଳେ ରାଫାରେ ଆକ୍ରମଣ ହୋଇଥିଲା ଫଳରେ ତାଙ୍କର ଗାଡି ଏହି ଆକ୍ରମଣର ଶିକାର ହୋଇଥିଲା ।

ତେବେ ଜାତିସଂଘର ମହାସଚିବ  ଏହି ଘଟଣାକୁ ନିନ୍ଦା କରିବା ସହ ଗଭୀର ଦୁଃଖ ପ୍ରକାଶ କରିଛନ୍ତି । ଏକ ବିବୃତ୍ତି ଜାରି କରି ଏହି ଆକ୍ରମଣର  ତଦନ୍ତ ନିର୍ଦ୍ଦେଶ ଦେଇଛନ୍ତି । ଗାଜାରେ ଜାରି ରହିଥିବା ଆକ୍ରମଣରେ କେବଳ ସାଧାରଣ ନାଗରିକଙ୍କ ଜୀବନ ଯାଉନି ବରଂ ଏଥିରେ ସେଠାରେ ମାନବୀୟ ସହାୟତା ଯୋଗାଇ ଦେଉଥିବା  କର୍ମଚାରୀଙ୍କ ମୃତ୍ୟୁ ହେଉଛି । ତେଣୁ ତୁରନ୍ତ ଗାଜାରେ ଅସ୍ତ୍ରବିରତି ଲାଗୁ କରି ବନ୍ଧକମାନଙ୍କୁ ମୁକ୍ତ କରିବାକୁ ଜାତିସଂଘ ମହାସଚିବ ଅପିଲ୍ କରିଛନ୍ତି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.