ପ୍ରମୁଖ ଖବର
  • ହିଞ୍ଜିଳି : ହିଞ୍ଜିଳିରୁ ଶଙ୍ଖନାଦ କଲେ ମୁଖ୍ୟମନ୍ତ୍ରୀ, କହିଲେ ଆରମ୍ଭ ହେଲା ବିଜେଡିର ବିଜୟ ଯାତ୍ରା
  • ||
  • ଭୁବନେଶ୍ୱର : ମସଲା ବ୍ୟାନ୍‌ ପ୍ରସଙ୍ଗ: ମସଲା ବ୍ୟାନ୍‌ର ମୂଳ କାରଣକୁ ଚିହ୍ନଟ କରାଯିବ
  • ||
  • ଭୁବନେଶ୍ୱର : ନକଲି ପୁଲିସ୍‌, ସିବିଆଇ ଅଧିକାରୀ କହି ଲୁଟୁଥିଲେ; ଇରାନୀ ମୁସଲିମ୍‌ ଗ୍ୟାଙ୍ଗ୍‌ର ୭ ଗିରଫ
  • ||
  • ଭୁବନେଶ୍ୱର : ଲିଭୁନି ଚନ୍ଦକା ନିଅ, ୧୨ ଘଣ୍ଟା ନାକେଦମ୍‌ ବନ କର୍ମଚାରୀ
  • ||
  • ଫୁଲବାଣୀ : ବାରହା ଆକ୍ରମଣରେ ମହିଳା ମୃତ
  • ||
  • ମାଲକାନଗିରି ଜିଲ୍ଲାରୁ ନଗଦ ୩୦ ଲକ୍ଷ ଜବତ, ୨ ଗିରଫ
  • ||
  • ଭୁବନେଶ୍ଵର : ମେ ୧ରେ ୪୮ ଡିଗ୍ରୀ ଛୁଇଁବ, ଆହୁରି ୬ ଡିଗ୍ରୀ ବଢ଼ିଯିବ ତାତି
  • ||

ସିରିଆର ଆଲେପ୍ପୋ ସହରରେ ଏୟାର ଷ୍ଟ୍ରାଇକ୍ କଲା ଇସ୍ରାଏଲ, ୩୮ ମୃତ

Image Courtesy: timesofindia

ଜେରୁସାଲେମ: ଇସ୍ରାଏଲ ସେନା ସିରିଆରେ ଭୀଷଣ ଆକ୍ରମଣ କରିଛି । ସିରିଆର ଉତ୍ତରରେ ଥିବା ସହର ଆଲେପ୍ପୋରେ ଶୁକ୍ରବାର ଇସ୍ରାଏଲ ପକ୍ଷରୁ ଏୟାର ଷ୍ଟ୍ରାଇକ୍‌ କରାଯାଇଛି । ଆଉ ଏହି ଆକ୍ରମଣରେ ୩୮ ଜଣ ପ୍ରାଣ ହରାଇଥିବା ବେଳେ ଅନେକ ଆହତ ହୋଇଥିବା ଜଣାପଡ଼ିଛି । ମୃତକଙ୍କ ମଧ୍ୟରେ ୫ ଜଣ ଆତଙ୍କବାଦୀ ସାମିଲ ଅଛନ୍ତି । ଏହା ସହ ସିରିଆରେ ଅନେକ ସଂପତ୍ତି ଧ୍ବଂସ ହୋଇଛି । ସେପଟେ ସିରିଆର ସରକାରୀ ମିଡିଆ ଦେଇଥିବା ତଥ୍ୟ ଅନୁସାରେ, ଇସ୍ରାଏଲ ଆଲେପ୍ପୋ ଏବଂ ଏହାର ଆଖାପାଖ ଜନବସତି ଉପରେ ଆକ୍ରମଣ କରିଛି । 

 ଯୁଦ୍ଧ ସ୍ଥିତି ଉପରେ ନଜର ରଖୁଥିବା ବ୍ରିଟେନ୍‌ର ଏକ ସଂସ୍ଥା ‘ସିରିଆ ଅବଜର୍ଭେଟୋରି ଫର ହ୍ୟୁମାନ୍‌ ରାଇଟସ୍‌’ ପକ୍ଷରୁ କୁହାଯାଇଛି, ଆଲେପ୍ପୋର ଦକ୍ଷିଣରେ ଥିବା ଏକ ଛୋଟ ସହରରେ ଲେବାନନ୍‌ର ହିଜବୁଲ୍ଲା ଆତଙ୍କବାଦୀ ସଂଗଠନର ଆଡ୍ଡା ଉପରେ ଏୟାର ଷ୍ଟ୍ରାଇକ୍‌ କରିଛି ଇସ୍ରାଏଲ । ଆକ୍ରମଣର ଦୁଇ ଘଣ୍ଟା ପରେ ବି ବିସ୍ଫୋରଣ ଶବ୍ଦ ଶୁଣିବାକୁ ମିଳିଥିଲା । ସେପଟେ ଆକ୍ରମଣକୁ ନେଇ ଇସ୍ରାଏଲ ପକ୍ଷରୁ କୌଣସି ସ୍ପଷ୍ଟୀକରଣ ଦିଆଯାଇ ନାହିଁ ।

 ଇସ୍ରାଏଲ ପ୍ରାୟତଃ ସିରିଆରେ ଥିବା ଇରାନ ସହ ସଂପର୍କିତ ଠିକଣା ଉପରେ ଆକ୍ରମଣ କରିଥାଏ । ହେଲେ ଏନେଇ ଇସ୍ରାଏଲ ସ୍ବୀକାର କରେ ନାହିଁ । ଏହା ପୂର୍ବରୁ ଗୁରୁବାର ସିରିଆର ରାଜଧାନୀରେ ଏୟାର ଷ୍ଟ୍ରାଇକରେ ଦୁଇ ଜଣ ନାଗରିକ ଆହତ ହୋଇଥିବା ନେଇ ଦେଶର ସରକାରୀ ମିଡିଆ ରିପୋର୍ଟ ପ୍ରକାଶ କରିଥିଲା । ଅନ୍ୟପଟେ ହିଜବୁଲ୍ଲା ସଂଗଠନର ସଶସ୍ତ୍ର ଆତଙ୍କବାଦୀ ସିରିଆରେ ନିଜର ଉପସ୍ଥିତି ଜାହିର କରିଆସିଛନ୍ତି । କାରଣ ଏମାନେ ସିରିଆ ସେନାକୁ ସହଯୋଗ କରୁଛନ୍ତି । 

 ସିରିଆର ସବୁଠୁ ବଡ଼ ସହର ତଥା କେବେ ଏହାର ବାଣିଜ୍ୟିକ କେନ୍ଦ୍ର ଥିବା ଆଲେପ୍ପୋରେ ପୂର୍ବରୁ ବହୁବାର ଆକ୍ରମଣ ହୋଇସାରିଛି । ପ୍ରାୟ ୫ ମାସ ହେଲା ଗାଜାରେ ଯୁଦ୍ଧ ଜାରି ରହିଥିବା ବେଳେ ଲେବାନନ ଇସ୍ରାଏଲ ସୀମାରେ ହିଜବୁଲ୍ଲା ଏବଂ ଇସ୍ରାଏଲ ସେନା ମଧ୍ୟରେ ସଂଘର୍ଷ ଲାଗି ରହିଛି । ଫଳରେ ସିରିଆରେ ମଧ୍ୟ ଆକ୍ରମଣର ମାତ୍ରା ବଢ଼ିଛି ।

 

  • Israel Hamas war
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.