ନୂଆଦିଲ୍ଲୀ,୧୩/୮: ରାଜସ୍ଥାନର ଶିପ୍ରାପଥ ଥାନା ଭିତରେ ତାତିଲେ ସୈନିକ କଲ୍ୟାଣ ମନ୍ତ୍ରୀ ରାଜ୍ୟବର୍ଦ୍ଧନ ସିଂ ରାଠୋର । ସେନା ଅଧିକାରୀଙ୍କୁ ଥାନାରେ ମାଡ ମାରିବା ଘଟଣାରେ ଏସିପି ସଞ୍ଜୟ ଶର୍ମାଙ୍କ ଉପରେ ବର୍ଷିଥିଲେ ମନ୍ତ୍ରୀ । 

ମନ୍ତ୍ରୀ କହିଛନ୍ତି ଯେ ‘‘ଆପଣ ସେନା ଯବାନଙ୍କୁ କାହିଁକି ଉଲ୍ଲଗ୍ନ କରି ମାଡ ମାରିଲେ ? ଯଦି ଯବାନଙ୍କ ସହ ଏଭଳି ବ୍ୟବହାର କରୁଛନ୍ତି ତେବେ ସାଧାରଣ ଜନତାଙ୍କ ସହ କିଭଳି ବ୍ୟବହାର କରୁଥିବେ? ମୁଁ ଆପଣଙ୍କ ସହ କଥା ହେଉଛି ହେଲେ ଆପଣ ସେଠାରେ କାହା ସହ କଥା ହେଉଛନ୍ତି ? ମୁଁ ଏଠାରେ ଧୈର୍ଯ୍ୟ ଧରି ବସିଛି  । ଯେତେବେଳେ ଆପଣଙ୍କ ସହ କଥା ହେଉଛି ଉତ୍ତର ଦିଅନ୍ତୁ ନଚେତ ସାବଧାନ ରୁହନ୍ତୁ । ସାଧାରଣ ଭଦ୍ରାମି ଆପଣ ଶିଖି ନାହାନ୍ତି ନା ବର୍ଦ୍ଦିର ଅଂହକାର ଦେଖାଉଛନ୍ତି  । ଏଠାରେ କୌଣସି ପ୍ରକାର ଦାଦାଗିରି ଚାଲିନି ତ ? ବୋଲି ପ୍ରଶ୍ନ କରିଥିଲେ ମନ୍ତ୍ରୀ । 

ତେବେ କିଛି ଦିନ ପୂର୍ବରୁ ଶିପ୍ରାପଥ ପୋଲିସ ଏକ ହୁକ୍କା ବାର୍‌ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା  । ଏହି ସମୟରେ ଜଣେ ଯବାନଙ୍କୁ ପୋଲିସ ଅଟକ ରଖିଥିଲା ।  ଏନେଇ ସେହି ଯବାନଙ୍କ ଜାମିନ ପାଇଁ ସେଠାରେ ପହଞ୍ଚିଥିବା କାଶ୍ମୀରର  ଯବାନ ଅରବିନ୍ଦ ସିଂଙ୍କୁ ପୋଲିସ ଉଲଗ୍ନ କରି ମାଡ ମରାଯାଇଥିଲା ବୋଲି ସୂଚନା ମିଳିଛି  ।