ନୂଆଦିଲ୍ଲୀ,୧୦।୨: ଏନ୍ଡିଏ ଓ ଆରଏଲଡିର ମେଣ୍ଟର ଚର୍ଚ୍ଚା ଭିତରେ ରାଷ୍ଟ୍ରୀୟ ଲୋକଦଳ ମୁଖ୍ୟ ଜୟନ୍ତ ଚୌଧୁରୀ ସଂସଦର ବଜେଟ୍ ଅଧିବେଶନ ବେଳେ ଶନିବାର ସରକାରଙ୍କ ଗୋଷ୍ଠୀରେ ନଜର ଆଜିଛନ୍ତି। କେବଳ ସେତିକି ନୁହେଁ ପୂର୍ବତନ ପ୍ରଧାନମନ୍ତ୍ରୀ ଚୌଧୁରୀ ଚରଣ ସିଂହଙ୍କୁ ଭାରତ ରତ୍ନ ଦିଆଯିବାକୁ ନେଇ ବିଜେପି ସରକାର ଓ ପ୍ରଧାନମନ୍ତ୍ରୀଙ୍କୁ ଜୋରଦାର ପ୍ରଶଂସା କରିଛନ୍ତି। ଜୟନ୍ତ କହିଛନ୍ତି, ଆଜିର ସରକାରଙ୍କ କାର୍ଯ୍ୟ ଶୈଳିରେ ଚୌଧୁରୀ ଚରଣ ସିଂହଙ୍କ ଝଲକ ଦେଖିବାକୁ ମିଳୁଛି।
ଜୟନ୍ତ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଶଂସା କରି କହିଛନ୍ତି, ଯେତେବେଳେ ପ୍ରଧାନମନ୍ତ୍ରୀ ଗ୍ରାମୀଣ ଅଞ୍ଚଳରେ ଶୌଚ ବ୍ୟବସ୍ଥା ଉପରେ ନଜର ପକାନ୍ତି ଯେତେବେଳେ ମହିଳା ସଶକ୍ତିକରଣକୁ ସରକାର ନିଜର ପ୍ଲାଟଫର୍ମ ତିଆରି କରନ୍ତି ତେବେ ମୋତେ ଏଥିରେ ଚୌଧୁରୀ ଚରଣ ସିଂହଙ୍କ କଥା ମନେପଡିଥାଏ। ଜୟନ୍ତ କହିଛନ୍ତି, ଆଜି ଆମେ ନେତାମାନେ ସବୁ ଅଲଗା ଅଲଗା ରହିଛୁ। କିଛି କହୁଛନ୍ତି, ଚୌଧୁରୀ ଚରଣ ସିଂହ କେବଳ ଜାଟ୍ ଥିଲେ। ସେ କୃଷକଙ୍କ ପାଇଁ କାମ କରୁଥିଲେ। ଏଭଳି କିଛି ବି ନୁହେଁ, ଚୌଧୁରୀ ଚରଣ ବିଚାରକ ଥିଲେ ସେ କୌଣସି ପାର୍ଟିର ନୁହେଁ ବଂର ସମସ୍ତଙ୍କର ଥିଲେ।
ଜୟନ୍ତ କହିଛନ୍ତି, ମୋ ମତରେ ପ୍ରଧାନମନ୍ତ୍ରୀ ମୋଦି ଓ ଭାରତ ସରକାର ଚୌଧୁରୀ ଚରଣ ସିଂହଙ୍କୁ ଭାରତ ରତ୍ନ ଦେଇଛନ୍ତି। ଏଥିରୁ ଦୁଇଟି ବଡ କାମ ହୋଇଛି, ଗୋଟିଏ ଆମେ ଚୌଧୁରୀ ଚରଣ ସିଂହଙ୍କ ଉତ୍ତରାଧିକାରତ୍ବକୁ ପୁଣିଥରେ ସ୍ଥାପିତ କରୁଛୁ। ସେ କହିଛନ୍ତି, ମୋ ମତରେ ଏହା କେବଳ ଏକ ପୁରସ୍କାର ନୁହେଁ ସବୁଠାରୁ ବଡ ସମ୍ମାନ। ଏଭଳି ସରକାର ହିଁ ଚୌଧୁରୀ ଚରଣ ସିଂହଙ୍କୁ ଭାରତ ରତ୍ନ ଦେଇ ପାରନ୍ତି।