ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ନରେଶ ଗୋଏଲଙ୍କ ପତ୍ନୀଙ୍କ ଦେହାନ୍ତ, ଦୀର୍ଘ ଦିନ ଧରି କ୍ୟାନସର ସହ ଲଢ଼ୁଥିଲେ

Image Courtesy: freepressjournal

ନୂଆଦିଲ୍ଲୀ:  ଜେଟ୍‌ ଏୟାରଓ୍ୱେଜ୍‌ର ପ୍ରତିଷ୍ଠାତା ନରେଶ ଗୋଏଲ୍‌ଙ୍କ ପତ୍ନୀ ଅନୀତା ଗୋଏଲ୍‌ଙ୍କ ପରଲୋକ । ସେ ଦୀର୍ଘ ଦିନ ହେଲା କ୍ୟାନସରରେ ପୀଡ଼ିତ ଥିବା ବେଳେ ଆଜି ଭୋର ୩ଟାରେ ଆଖି ବୁଜିଛନ୍ତି । ପତ୍ନୀଙ୍କ ଶେଷ ସମୟରେ ନରେଶ ଗୋଏଲ୍‌ ତାଙ୍କ ନିକଟରେ ଥିଲେ। ଅନୀତାଙ୍କ ଶେଷକୃତ୍ୟ ଆଜି ମୁମ୍ବାଇରେ ସମ୍ପନ୍ନ ହେବ । ମନି ଲଣ୍ଡରିଂ ମାମଲାରେ ଗିରଫ ହୋଇଥିବା ନରେଶ ଗୋଏଲ୍‌ ନିଜର ଏବଂ ପତ୍ନୀଙ୍କ ଅସୁସ୍ଥତା ହେତୁ ଦୁଇ ମାସ ପାଇଁ ଅନ୍ତରୀଣ ଜାମିନରେ ବାହାରକୁ ଆସିଛନ୍ତି । ଏପରିକି ନରେଶ ଗୋଏଲ ମଧ୍ୟ କ୍ୟାନସରରେ ପୀଡ଼ିତ  । 

ବମ୍ବେ ହାଇକୋର୍ଟ ତାଙ୍କୁ ଏହି ଜାମିନ ମଞ୍ଜୁର କରିଛନ୍ତି । ପତ୍ନୀଙ୍କ ପାଖରେ ଖୁବ୍‌ କମ୍‌ ସମୟ ଥିବାରୁ ସେ ତାଙ୍କ ନିକଟରେ ଉପସ୍ଥିତ ରହିବାକୁ କୋର୍ଟଙ୍କୁ ଗୁହାରୀ କରିଥିଲେ। ଏହାପରେ ବିଭିନ୍ନ ସର୍ତ୍ତ ସହ କୋର୍ଟ ତାଙ୍କ ଜାମିନ ମଞ୍ଜୁର କରିଥିଲେ । ମୁମ୍ବାଇ ବାହାରକୁ ନ ଯିବା ଲାଗି ତଥା କୋର୍ଟରେ ପାସପୋର୍ଟ ଜମା କରିବା ସର୍ତ୍ତରେ ତାଙ୍କୁ ଏହି ଜାମିନ ପ୍ରଦାନ କରାଯାଇଛି।  

ସୂଚନାଯୋଗ୍ୟ, ୨୫ ବର୍ଷ ଧରି ସେବା ଯୋଗାଇବା ପରେ ଜେଟ୍‌ ଏୟାରୱେଜ୍ ବ୍ୟବସାୟରେ ବହୁତ କ୍ଷତି ସହିଥିଲା । ଏହାପରେ ୨୦୧୯ ମସିହାଠାରୁ ଏହି କମ୍ପାନି ବିମାନ ଚଳାଚଳ ବନ୍ଦ କରିଦେଇଥିଲା । କାନାରା ବ୍ୟାଙ୍କ ଜେଟ୍‌ ଏୟାରଓ୍ୱେଜ୍‌କୁ ୫୩୮.୬୨ କୋଟି ଟଙ୍କା ଋଣ ଦେଇଥିଲା । ଆଉ ଏଥିରେ ହେରଫେର କରିବା ଅଭିଯୋଗରେ ଗତବର୍ଷ ସେପ୍ଟେମ୍ବରରେ ଇଡି ନରେଶ ଗୋଏଲ୍‌ଙ୍କୁ ଗିରଫ କରିଥିଲା। ଏହି ମାମଲାରେ ଇଡି ଚାର୍ଜସିଟ୍‌ ଦାଖଲ କରିବା ପରେ ନଭେମ୍ବର ମାସରେ ନରେଶ ଗୋଏଲଙ୍କ ପତ୍ନୀ ଅନୀତା ଗୋଏଲଙ୍କୁ ଗିରଫ କରାଯାଇଥିଲା। ତେବେ ତାଙ୍କ ବୟସ ଓ ସ୍ୱାସ୍ଥ୍ୟାବସ୍ଥାକୁ ଦୃଷ୍ଟିରେ ରଖି ସ୍ୱତନ୍ତ୍ର କୋର୍ଟ ସେହିଦିନ ହିଁ ତାଙ୍କୁ ଜାମିନ ଦେଇଥିଲେ। କିନ୍ତୁ ଦୀର୍ଘ ଦିନ ହେଲା ଅସୁସ୍ଥ ଥିବା ଅନୀତା ଗୋଏଲଙ୍କ କ୍ୟାନସରରେ ମୃତ୍ୟୁ ହୋଇଛି ।

  • Jet Airways
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.