ଭୁବନେଶ୍ୱର ୦୧/୦୯: ଗୋପବନ୍ଧୁ କର୍ମଜୀବୀ ସାମ୍ବାଦିକ  ସ୍ୱାସ୍ଥ୍ୟବୀମା ଯୋଜନାର ନବୀକରଣ  ହୋଇଛି । ଅବଧି ବର୍ଷେ ବୃଦ୍ଧି  ହୋଇଛି । ମୁଖ୍ୟମନ୍ତ୍ରୀ ମୋହନ  ଚରଣ ମାଝୀଙ୍କ ଅନୁମୋଦନ କ୍ରମେ  ଓଡ଼ିଶା ସରକାରଙ୍କ ତରଫରୁ  ସାମ୍ବାଦିକମାନଙ୍କୁ ଦିଆଯାଉଥିବା ସ୍ୱାସ୍ଥ୍ୟବୀମା ଯୋଜନାର ଅବଧି ୨୦୨୪  ସେପ୍ଟେମ୍ବର ୧ରୁ ୨୦୨୫ ଅଗଷ୍ଟ ୩୧  ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି ।  ବାର୍ଷିକ ପ୍ରିମିୟମ୍‌ ବାବଦରେ ୮ କୋଟି  ୫୫ ଲକ୍ଷ ୭୬ ହଜାର ୩୧୪ ଟଙ୍କା  ଓରିଏଣ୍ଟାଲ୍‌ ଇନ୍‌ସ୍ୟୁରାନ୍ସ କମ୍ପାନୀକୁ  ପ୍ରଦାନ କରାଯିବ । ଏ ସଂକ୍ରାନ୍ତରେ  ବୀମା କମ୍ପାନୀ ଏବଂ ସୂଚନା ଓ  ଲୋକସମ୍ପର୍କ ବିଭାଗ ମଧ୍ୟରେ ଏକ  ଦ୍ୱିପାକ୍ଷିକ ଚୁକ୍ତି ସ୍ୱାକ୍ଷରିତ ହୋଇଛି ।  ପ୍ରାଥମିକ ଭାବେ ଏହି ବୀମା  ଯୋଜନାରେ ୭୦୪୧ ଜଣ ସାମ୍ବାଦିକ  ଆସନ୍ତା ଏକ ବର୍ଷ ପାଇଁ ଅନ୍ତର୍ଭୁକ୍ତ  ହୋଇଛନ୍ତି । 

ନୂତନ ଭାବେ ଏହି ଯୋଜନାରେ ପଞ୍ଜିକୃତ ହେବା ପାଇଁ  ଆବେଦନ କରୁଥିବା ସାମ୍ବାଦିକଙ୍କ  ଲାଗି ସୂଚନା ଓ ଲୋକସମ୍ପର୍କ  ବିଭାଗର ପୋର୍ଟାଲ୍‌ ସେପ୍ଟେମ୍ବର ମାସ ପ୍ରଥମ ସପ୍ତାହରେ ଖୋଲିବ । ଏଥିରେ ନୂତନ ଦରଖାସ୍ତ ଆହ୍ୱାନ  କରାଯିବ ଏବଂ ଏହି ପ୍ରକ୍ରିୟା ଏକ  ମାସ ପର୍ଯ୍ୟନ୍ତ ବଳବତ୍ତର ରହିବ।