ଫିରିଙ୍ଗିଆ ୦୨/୦୯: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ସାଡୀଙ୍ଗିଆ ପଞ୍ଚାୟତ ମୁଖ୍ୟାଳୟ ହାଟପଦା ଠାରେ ଦୀର୍ଘ ଦିନ ଧରି ଚାଲୁଥିବା ଏକ ଜୁଆ ଅଡ୍ଡା ଉପରେ ଫିରିଙ୍ଗିଆ ପୋଲିସ ଅତର୍କିତ ଚଢ଼ାଉ କରିଛି । ଏହି ସମୟରେ ଘଟଣା ସ୍ଥଳରୁ ୯ ଟି ବାଇକ ସହ ୪ ହଜାର ୮ ଶହ ଟଙ୍କା ଓ କିଛି ତାସ ପତା ଜବତ କରିଛି । ଏହି ଘଟଣାରେ ୭ ଜଣ ପେସାଦାର ଯୁଆଡିଙ୍କୁ ଗିରଫ କରିବାରେ ପୋଲିସ ସଫଳ ହୋଇଛି I ସୂଚନା ଅନୁସାରେ ସାଡୀଙ୍ଗିଆ ହାଟପଦା ଠାରେ ଦୀର୍ଘଦିନ ଧରି ଜୁଆଖେଳ ଚାଲିଥିବା ଅଭିଯୋଗ ହୋଇ ଆସୁଥିଲା I ଅଭିଯୋଗ ଆଧାରରେ ରବିବାର ଥାନା ଅଧିକାରୀ ଗୋପୀନାଥ ପ୍ରଧାନଙ୍କ ନିର୍ଦେଶ କ୍ରମେ ଥାନାରେ କାର୍ଯରତ ଏସଆଇ ଦୀପକ କୁମାର ରାଉତଙ୍କ  ନେତୃତ୍ୱରେ ଥାନାରେ କାର୍ଯ୍ୟରତ ଏଏସଆଇ ଶ୍ରୀକାନ୍ତ ପାତ୍ର ଓ ଅନ୍ୟକିଛି କର୍ମଚାରୀ ହାଟପଦାରେ ଅତର୍କିତ ଚଢ଼ାଉ କରିଥିଲେ I ଚଢ଼ାଉ ସମୟରେ କିଛି ଯୁଆଡି ଘଟଣା ସ୍ଥଳରୁ ଫେରାର ହୋଇଯାଇଥିବା ବେଳେ ସାତ ଜଣ ଯୁଆଡିଙ୍କୁ ଗିରଫ କରିବାରେ ପୋଲିସ ଟିମ ସଫଳ ହୋଇଥିଲେ I ତେବେ ଗିରଫ ଯୁଆଡି ମାନଙ୍କ ମଧ୍ୟରେ ସାଡୀଙ୍ଗିଆ ଗାଁର ରମେଶ ମୁଖି, ସାଡୀଙ୍ଗିଆ ପଞ୍ଚାୟତ ସୁନାର ଦେଇ ଗାଁ ର ସଂଜୀବ ବିନ୍ଧାଣି, ସୁମେର ବନ୍ଧ ପଂଚାୟତ ଗାଗଡ଼ପଦର ଗାଁର ଭାଗ୍ୟଧର ସାହୁ, ଜାଜେସପାଙ୍ଗା ପଞ୍ଚାୟତ ରାଙ୍ଗାପାଙ୍ଗା ଗାଁର ପ୍ରଶାନ୍ତ କହଁର, ଲେଣ୍ଡ୍ରିଗାଁର ପ୍ରଦୀପ ହଂସ, ବୁଡ଼ାଗୂଦା ଗାଁର ଗଳିତ ମଳିକ ଓ ଫୁଲବାଣୀ ସଦର ଥାନା ବିଶିପଡ଼ା ପଂଚାୟତ ଡୁମୁରିଗୂଡା ଗାଁର ସାମନ୍ତ ଦିଗାଲ ବୋଲି ଜଣା ପଡିଛି I ଅନ୍ୟପଟେ ଏହି ଘଟଣାକୁ ନେଇ ଫିରିଙ୍ଗିଆ ଥାନାରେ 178/2024ରେ ଏକ ମାମଲା ରୁଜୁ କରାଯାଇ ଥିବା ବେଳେ ମଙ୍ଗଳବାର ଗିରଫ ଯୁଆଡି ମାନଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛନ୍ତି ଫିରିଙ୍ଗିଆ ଥାନା ଅଧିକାରୀ ଗୋପୀନାଥ ପ୍ରଧାନ I