ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଆଜି ଜ୍ୟେଷ୍ଠ ପୂର୍ଣ୍ଣିମାର ପବିତ୍ର ବ୍ରତ, ଜାଣନ୍ତୁ ଏହାର ପୂଜାବିଧି, ଶୁଭ ମୁହୂର୍ତ୍ତ ଏବଂ ମହତ୍ତ୍ୱ

ଜ୍ୟେଷ୍ଠ ମାସର ପୂର୍ଣ୍ଣିମା ସବୁଠାରୁ ପବିତ୍ର ଏବଂ ଶୁଭ ହୋଇଥାଏ। ଚଳିତବର୍ଷ ଜ୍ୟେଷ୍ଠ ପୂର୍ଣ୍ଣିମାର ବ୍ରତ ୨୨ଜୁନ ଅର୍ଥାତ୍ ଆଜି କରାଯାଉଛି। ଏହି ପୂର୍ଣ୍ଣିମା ବଟ ସାବିତ୍ରୀ ପୂର୍ଣ୍ଣିମା ନାମରେ ମଧ୍ୟ ପରିଚିତ । ଏହି ଦିନ ଦାନ କରିବା ଅତ୍ୟନ୍ତ ଶୁଭ ଅଟେ । ଏଥି ସହିତ ଏହି ଦିନ ବରଗଛକୁ ପୂଜା କରାଯାଇଥାଏ। ଧାର୍ମିକ ମାନ୍ୟତା ଅନୁଯାୟୀ, ଯଦି କୌଣସି ବ୍ୟକ୍ତି ଏହି ଦିନ ଗଙ୍ଗାସ୍ନାନ କରି ପୂଜାଅର୍ଚ୍ଚନା କରିବା ପରେ ଦାନଦକ୍ଷିଣା ଦେଇଥାଏ ତେବେ ସେହି ବ୍ୟକ୍ତିର ସମସ୍ତ ମନୋସ୍କାମନା ପୂରଣ ହୋଇଥାଏ।

ଜ୍ୟେଷ୍ଠ ପୂର୍ଣ୍ଣିମାର ଶୁଭମୁହୂର୍ତ୍ତ- ଜ୍ୟେଷ୍ଠ ପୂର୍ଣ୍ଣିମାରତିଥି ୨୧ଜୁନ୍ ସକାଳ ୭:୩୧ ମିନିଟ୍ରୁ ଆରମ୍ଭ ହୋଇ ୨୨ ଜୁନ୍ ସକାଳ ୬:୩୭ ମିନିଟରେ ଶେଷ ହୋଇଛି। ଉଦୟାତିଥି ଅନୁଯାୟୀ ଜ୍ୟେଷ୍ଠ ପୂର୍ଣ୍ଣିମା ଆଜି ପାଳନ କରାଯାଉଛି। ସ୍ନାନ-ଦାନର ସମୟ ଆଜି ସକାଳ ୫ ଘଟିକାରୁ ଆରମ୍ଭ କରି ୬:୩୦ ମିନିଟ ପର୍ଯ୍ୟନ୍ତ ରହିଛି।

ଜ୍ୟେଷ୍ଠ ପୂର୍ଣ୍ଣିମାବ୍ରତର ବିଧି- ଏହି ଦିନ ମହିଳା ମାନେ ସକାଳୁ ଶୀଘ୍ର ଶଯ୍ୟାତ୍ୟାଗ କରି ସ୍ନାନକରି, ନୂତନ ବସ୍ତ୍ର ପରିଧାନ କରି ଶୃଙ୍ଗାର କରିବା ଉଚିତ୍। ସନ୍ଧ୍ୟାସମୟରେ ବଟ ସାବିତ୍ରୀ ପୂଜା ପାଇଁ ବରଗଛ ତଳେ ପୂର୍ଣ୍ଣ ଶ୍ରଦ୍ଧାର ସହ ସାବିତ୍ରୀଙ୍କର ପୂଜା କରିବା ଉଚିତ୍। ପୂଜାପାଇଁ ମହିଳା ମାନଙ୍କୁ ସମସ୍ତ ପୂଜା ସାମଗ୍ରୀ ନେଇ ଗଛ ତଳକୁ ଯିବାକୁ ହୋଇଥାଏ ଏବଂ ଗଛର ଚେରରେ ଜଳ ଚଢ଼ାଇବାକୁ ପଡ଼ିଥାଏ। ଏହା ପରେ ବୃକ୍ଷକୁ ଭୋଗ ଲଗାଇ ଧୂପଦୀପ ଦେଇ ପୂଜା କରାଯାଇଥାଏ।ଏହି ସମୟରେ ବିଞ୍ଚଣା ସାହାଯ୍ୟରେ ମା’ଙ୍କର ସେବା କରନ୍ତୁ। ମା’ଙ୍କୁ ସ୍ୱଚ୍ଛ ମନରେ ପୂଜା କରି ତାଙ୍କର ଆଶୀର୍ବାଦ ପ୍ରାପ୍ତି ପାଇଁ ଆରାଧନା କରିବା ଉଚିତ୍।

ଏହାପରେ ବିବାହିତ ମହିଳା ମାନେ ନିଜ ସ୍ୱାମୀଙ୍କର ଦୀର୍ଘ ଆୟୁଷ ଏବଂ ଉତ୍ତମ ସ୍ୱାସ୍ଥ୍ୟ ପାଇଁ କାମନାକରି ବରଗଛର ଚାରିପାଖରେ ଏକ ନାଲି ରଙ୍ଗର ସୂତାକୁ ୭ଥର ବାନ୍ଧିବା ଆବଶ୍ୟକ। ଶେଷରେ ବରଗଛ ତଳେ ବସି ସାବିତ୍ରୀ - ସତ୍ୟବାନଙ୍କର କଥା ଶୁଣନ୍ତୁ। ପରେ ଘରକୁ ଆସି ସେହି ବିଞ୍ଚଣା ଦ୍ୱାରା ସ୍ୱାମୀଙ୍କୁ ବିଞ୍ଚନ୍ତୁ ଏବଂ ତାଙ୍କର ଆଶୀର୍ବାଦ ନିଅନ୍ତୁ। ପରେ ପ୍ରସାଦରେ ଚଢ଼ାଇଥିବା ଫଳକୁ ଗ୍ରହଣ କରି ସଂଧ୍ୟାରେ ମିଠାଭୋଜନ କରି ବ୍ରତଖୋଲନ୍ତୁ ।

ଜ୍ୟେଷ୍ଠପୂର୍ଣ୍ଣିମାର ଉପାୟ

  ବିବାହରେ ବାଧା ଉପୁଜିଥିଲେ, ଜ୍ୟେଷ୍ଠ ପୂର୍ଣ୍ଣିମାଦିନ ଧଳା ରଙ୍ଗର ବସ୍ତ୍ର ପରିଧାନ କରି ଇଶ୍ୱରଙ୍କର ଅଭିଷେକ କରିବା ଉଚିତ ଏବଂ ପୂର୍ଣ୍ଣନିଷ୍ଠାରେ ଶିବଙ୍କର ପୂଜାଅର୍ଚ୍ଚନା କରିବା ଉଚିତ୍।

  ଅଟକି ରହିଥିବା ଧନ ପ୍ରାପ୍ତି ତଥା ବାଣିଜ୍ୟରେ ଲାଭ ପାଇବା ପାଇଁ ଏହି ଦିନ ଏକ ପାତ୍ରରେ ଜଳ ନେଇ ସେଥିରେ କଞ୍ଚା କ୍ଷୀର ଏବଂ ବତାସା ମିଶାଇ ଅଶ୍ୱତଥ୍ ଗଛ ଉପରେ ଚଢାନ୍ତୁ। କଥାରେଅଛି ଯେ ଏହି ବିଶେଷ ଦିନରେ ଅଶ୍ଵତଥ୍ ଗଛରେ ଭଗବାନ ବିଷ୍ଣୁଙ୍କ ସହ ମା’ଲକ୍ଷ୍ମୀ ବାସ କରିଥାନ୍ତି।

 ଭାଗ୍ୟରେ ଥିବା ଗ୍ରହଦୋଷକୁ ଦୂର କରିବାପାଇଁ ଜ୍ୟେଷ୍ଠପୂର୍ଣ୍ଣିମା ଦିନ ଆଶ୍ୱତଥ୍ ଏବଂ ନିମ୍ବଗଛର ତ୍ରିବେଣୀ ତଳେ ବିଷ୍ଣୁ ସହସ୍ରନାମ ବା ଶିବାଷ୍ଟକ ପାଠକରନ୍ତୁ।

 ଆର୍ଥିକ ସ୍ଥିତି ରେ ଉନ୍ନତି ଆଣିବା ପାଇଁ ଜ୍ୟେଷ୍ଠ ପୂର୍ଣ୍ଣିମା ଦିନ ମା ଲକ୍ଷ୍ମୀଙ୍କର ଚିତ୍ରରେ ୧୧ଟି କଉଡ଼ି ଚଢ଼ାନ୍ତୁ ଏବଂ ହଳଦୀର ତିଳକ ଲଗାନ୍ତୁ। ପରଦିନ ସକାଳୁ କଉଡ଼ି ଗୁଡ଼ିକୁ ଏକ ନାଲି ରଙ୍ଗର କପଡାରେ ବାନ୍ଧି ଘରର ଆଲମିରା ରେ ରଖନ୍ତୁ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.