ନୂଆଦିଲ୍ଲୀ,୨୨/୦୩: ଲୋକସଭା ନିର୍ବାଚନ ଚର୍ଚ୍ଚା ଭିତରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କ ଗିରଫ ଆପ୍କୁ ବଡ଼ ଝଟ୍କା ଦେଇଛି। ଏପରି ସ୍ଥଳେ ଲୋକସଭା ନିର୍ବାଚନ ଅଭିଯାନର ଦାୟିତ୍ବ ଦଳ ଅନୁଭବୀ ନେତା ଭଗବନ୍ତ ମାନ୍, ଆତିଶୀ, ସୌରଭ ଭରଦ୍ବାଜ ନେବେ। ଆପ୍ ସାଂସଦ ରାଘବ ଚଡ୍ଡା ତାଙ୍କ ଆଖୀ ଅପରେସନ୍ ପାଇଁ ବ୍ରିଟେନ ଯାଇଥିଲେ। ଏଥର ମଧ୍ୟ ସେ ନିର୍ବାଚନୀ ରାଲିରେ ଯୋଗ ଦେଇପାରିବେ ନାହିଁ। ବିଧାନସଭା ନିର୍ବାଚନରେ ପଞ୍ଜାବରେ ପ୍ରଚାର ଅଭିଯାନର ଦାୟିତ୍ବ ରାଘବ ଚଡ୍ଡା ନିଭାଇଥିଲେ ଏବଂ ଦଳକୁ ଜୋରଦାର ବିଜୟ ଭେଟି ଦେଇଥିଲେ। ଏବେ ପଞ୍ଜାବରେ ଯଦି ଆପ୍ର କୌଣସି ବଡ଼ ନେତାଙ୍କ କଥା କହିବା ତେବେ କେବଳ ଭଗବତ ମାନ୍ ରହିଛନ୍ତି।
ତେବେ ଦିଲ୍ଲୀ ମଦନୀତି ମାମଲାରେ ଇଡି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ସୁପ୍ରିମୋ ଅରବିନ୍ଦ କେଜରିଓ୍ବାଲ ଗିରଫ ହେବା ପରେ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ୍ ତମାମ ଘଟଣାକୁ ନେଇ ବିଜେପି ଓ ଇଡି ଉପରେ ବର୍ଷିଛନ୍ତି। ସେ କହିଛନ୍ତି ଯେ, ଇଡି ବିଜେପିର ରାଜନୈତିକ ଟିମ୍ ଅଟେ। ବିଜେପି କେବେ ବି କେଜ୍ରିଓ୍ବାଲ ଓ ଆପ୍ର ବିଚାରଧାରାକୁ ବାନ୍ଧି ରଖିପାରିବନି।
ଏପଟେ ମାନ୍ ପୁଣି କହିଛନ୍ତି ଯେ, ଦଳ ଆଗାମୀ ୫ ଦିନ ମଧ୍ୟରେ ରାଜ୍ୟର ବାକି ୫ ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିବ। ଅଫିସିଆଲ ଏକ୍ସ ଆକାଉଣ୍ଟରେ ସେ ଏହି ସୂଚନା ଦେଇଛନ୍ତି। ସୂଚନାଥାଉକି ଆପ୍ ପ୍ରଥମ ପର୍ଯ୍ୟାୟରେ ୮ ଲୋକସଭା ଆସନ ପାଇଁ ପ୍ରର୍ଥୀ ଘୋଷଣା କରିସାରିଛି।
