ନୂଆଦିଲ୍ଲୀ: କେନିଆର ବିଭିନ୍ନ ସ୍ଥାନରେ ପ୍ରବଳ ବର୍ଷା ଓ ବନ୍ୟା ଯୋଗୁଁ ପରିସ୍ଥିତି ନିୟନ୍ତ୍ରଣହୀନ ହୋଇପଡିଛି । ବନ୍ୟା କାରଣରୁ ୧୩ ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୧୫ ହଜାର ଲୋକ ବିସ୍ଥାପିତ ହୋଇଛନ୍ତି । କେତେକ ସ୍ଥାନରେ ରାସ୍ତାରେ ପାଣି ଜମି ରହିଥିବାରୁ ଗାଡି ଗୁଡିକ ଫସି ରହିଛି ଏବଂ ଘରେ ପାଣି ପଶି ଯାଇଛି । ଏପରିକି ରିଲିଫ୍ ଅନେକ ଲୋକଙ୍କ ପାଖରେ ପହଞ୍ଚି ପାରୁନାହିଁ । ଜୁନ୍ ମାସ ପର୍ଯ୍ୟନ୍ତ ଅଧିକ ବର୍ଷା ହେବ ବୋଲି ପାଣିପାଗ ବିଜ୍ଞାନୀମାନେ ପୂର୍ବାନୁମାନ କରିଛନ୍ତି।

ଜାତିସଂଘର ମାନବ ସମ୍ବଳ ସମନ୍ୱୟ କାର୍ଯ୍ୟାଳୟ କେନିଆ ରେଡ କ୍ରସ୍ ସୋସାଇଟି ଦ୍ବାରା କହିଛି ଯେ, ବର୍ଷା ଦ୍ୱାରା ପ୍ରାୟ ୨୦ ହଜାର ଲୋକ ପ୍ରଭାବିତ ହୋଇଛନ୍ତି । ମାର୍ଚ୍ଚ ମଧ୍ୟଭାଗରୁ ସାରା ଦେଶରେ ପ୍ରବଳ ବର୍ଷା ଏବଂ ଅଚାନକ ଆସିଥିବା ବନ୍ୟା ଯୋଗୁଁ ପ୍ରାୟ ୧୫ ହଜାର ଲୋକ ବିସ୍ଥାପିତ ହୋଇଛନ୍ତି । ଏହି ପୂର୍ବ ଆଫ୍ରିକୀୟ ଦେଶରେ ଗତ ବର୍ଷା ରୁତୁରେ ବନ୍ୟା ଯୋଗୁଁ ହଜାର ହଜାର ଲୋକ ପ୍ରାଣ ହରାଇଥିଲେ ।

କେନିଆ ରେଡକ୍ରସ ସୋସାଇଟି କହିଛି ଯେ, ବନ୍ୟା ଯୋଗୁଁ ଉତ୍ତର କେନିଆର ଗାରିସା ରୋଡ ସମେତ ଦେଶର ପାଞ୍ଚଟି ପ୍ରମୁଖ ରାସ୍ତା ସଂଯୋଗହୀନ ହୋଇଛି । ଯେଉଁଠାରେ ମଙ୍ଗଳବାର ଦିନ ୫୧ ଜଣ ଯାତ୍ରୀଙ୍କୁ ନେଇ ଯାଉଥିବା ଏକ ବସ୍ ଭାସି ଯାଇଥିଲା । ସମସ୍ତ ଯାତ୍ରୀ ଉଦ୍ଧାର ହୋଇଥିଲେ ।