କେନ୍ଦୁଝର,୨୫/୦୯: ରାଜ୍ୟ ରାଜକୋଷକୁ ସର୍ବାଧିକ ରାଜସ୍ବ ଦେଉଥିବା କେନ୍ଦୁଝର ଅବହେଳିତ । ସେହିପରି ଖୁବ ଶୀଘ୍ର ଓଡିଶା ପିସିସି ସଭାପତି ଘୋଷଣା ହେବ ବୋଲି ପିସିସି ପୂର୍ବତନ ସଭାପତି ଜୟଦେବ ଜେନା କହିଛନ୍ତି।

ସୂଚନା ମୁତାବକ, କେନ୍ଦୁଝର ଜିଲ୍ଲାର ପଥୁରିଦେଉରିରେ ୮୦ ବର୍ଷର ବୃଦ୍ଧ ୨ କିଲୋମିଟର ଗୁରୁଣ୍ଡି ଗୁରୁଣ୍ଡି ଯାଇ ଭତ୍ତା ଆଣୁଥିବା କଥା ଶ୍ରୀ ଜେନା ଏକ ଦାମ୍ବାଦିକ ସମ୍ମିଳନୀରେ କହିଛନ୍ତି । ଏନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି। ସରକାର ନିୟମ କରିଥିଲେ, ଦିବ୍ୟାଙ୍ଗ, ବୃଦ୍ଧ, ରୋଗୀଙ୍କୁ ଘରେ ଭତା ପହଞ୍ଚାଇ ଦିଆଯିବ। ଯେଉଁମାନେ ନ ଯାଇ ପାରିବେ ଘରେ ଦିଆଯିବ । ହେଲେ ଏଠି ଯାହା ଘଟିଛି, ତାହା ଓଡିଶାର ଛବିକୁ ଜାତୀୟ ସ୍ତରରେ ମଳିନ କରିଛି । ପୂର୍ବ ସରକାର ଭତ୍ତା ୫୦୦ରୁ ହଜାରେ କରିଥିଲେ। ମାତ୍ର ବିଜେପି ଏହାକୁ ୩ ହଜାର କରିବ ବୋଲି କ୍ଷମତାକୁ ଆସିଲା । ହେଲେ ଏବେ କେବଳ ୮୦ ବର୍ଷରୁ ଉର୍ଦ୍ଧ୍ୱ ଲୋକଙ୍କୁ ୩ ହଜାର ଦିଆଯିବ ବୋଲି କହୁଛନ୍ତି । ଏ ସରକାର ଭତ୍ତା ସମ୍ପୂର୍ଣ ବନ୍ଦ କରିବାକୁ ଚାହୁଁଛନ୍ତି । କେନ୍ଦୁଝରରେ ଅପପୃଷ୍ଟିରେ କରୁଡୀସାହି ନନ୍ଦୀ ମୁଣ୍ଡଙ୍କ ମୃତ୍ୟ ହୋଇଛି । କେନ୍ଦୁଝରରେ ଅପପୃଷ୍ଟିର ହାର ୪୧.୫ ପ୍ରତିଶତ ରହିଛି । 

କେନ୍ଦୁଝର ରତ୍ନଗର୍ଭରୁ  ୮୮୪୦ କୋଟି ଡିଏମଏଫ ପାଣ୍ଠି ସଂଗ୍ରହ ହୋଇଛି । ହେଲେ ସେହି ଜିଲ୍ଲାର ୮୦ ପ୍ରତିଶତ ପରିବାର ରାସନ କାର୍ଡ ଉପରେ ନିର୍ଭର କରୁଛନ୍ତି । ୮ ବର୍ଷ ଭିତରେ ୪୮୮୩  କୋଟି ମାତ୍ର ଖର୍ଚ୍ଚ ହୋଇଛି । ଯାହାର ହିସାବ ମିଳୁନି । କେବଳ ସେତିକି ନୁହେଁ, ୧୬ଶହ କୋଟି କେନ୍ଦୁଝରରୁ ନେଇ ଆସିଛନ୍ତି। ମୋହନ ବାବୁ କହିଛନ୍ତି, ସୁନାର କେନ୍ଦୁଝର କରିବେ । ସାରା ଓଡ଼ିଶାରେ ହୋଇଥିବା ମେଡିକାଲ କଲେଜ ରାଜ୍ୟ ସରକାର କରିଛନ୍ତି । ହେଲେ କେନ୍ଦୁଝରରେ ଡିଏମଏଫ ପାଣ୍ଠିରୁ ୩ ଶହ କୋଟି ଖର୍ଚ୍ଚ ହୋଇଛି । ୫୨ ଡାକ୍ତର ରହିବା କଥା, ହେଲେ ୨୩ ପଦବୀ ଖାଲି ପଡିଛି । 

କେନ୍ଦୁଝର ଜିଲ୍ଲା ପାଇଁ ୨୨୯ ଡାକ୍ତର ମଞ୍ଜୁରୀ ହୋଇଛି । ହେଲେ ୮୮ ଡାକ୍ତର ନାହାନ୍ତି। ଶିକ୍ଷା ବ୍ୟବସ୍ଥା ଭୁଶୁଡି ପଡିଛି । ୩୦ ଜଣ ଛାତ୍ରଛାତ୍ରୀରେ ଜଣେ ଶିକ୍ଷକ ରହିବା କଥା। ହେଲେ ୧୯ ଟି ସ୍କୁଲରେ ନାହାନ୍ତି ଆଦୌ ଶିକ୍ଷକ । ମୋହନ ମାଝୀଙ୍କର ଏହା ତୃତୀୟ ପାଳି । ଆଗରୁ ଥିବା ନେତା କିଛି କରି ନାହାନ୍ତି ବୋଲି କହୁଛନ୍ତି । ରତ୍ନଗର୍ଭ କେନ୍ଦୁଝର ଜିଲ୍ଲା ରାଜ୍ୟ ରାଜକୋଷକୁ ଭର୍ତି କରୁଛି । ହେଲେ ସେହି ଜିଲ୍ଲାର ହିଁ ଅବସ୍ଥା ଖରାପ । କେନ୍ଦୁଝର ଜିଲ୍ଲା ସମ୍ପୂର୍ଣ ଅବହେଳିତ । ପରିସ୍ଥିତି ନ ସୁଧୁରିଲେ ଆନ୍ଦୋଳନ ହେବ ବୋଲି ଶ୍ରୀ ଜେନା ଚେତାବନୀ ଦେଇଛନ୍ତି । କେବଳ ସେତିକି ନୁହେଁ, ଆଦିବାସୀ ଓ ଦଳିତ ଅବହେଳାରେ ଓଡିଶା ତୃତୀୟ ସ୍ଥାନରେ ରହିଛି ।