ଭୁବନେଶ୍ଵର, ୨୭/୦୮ : ମହିଳା ଏସଆଇଙ୍କ ବିରୋଧରେ ସାଙ୍ଘାତିକ ଅଭିଯୋଗ। ଥାନାକୁ ଅଭିଯୋଗ କରିବାକୁ ଯାଇଥିବା ବେଳେ ମହିଳାଙ୍କୁ ଲାଠି ମାଡ଼ କରିଥିବା ଅଭିଯୋଗ। ଖଣ୍ଡଗିରି ଥାନାରେ ଘଟିଛି ଏଭଳି ଘଟଣା। ନ୍ୟାୟ ପାଇଁ ଡିସିପିଙ୍କ ଦ୍ଵାରସ୍ଥ ହେଲେ ଅଭିଯୋଗକାରିଣୀ।

ସୂଚନାନୁଯାୟୀ, ଖଣ୍ଡଗିରି ଥାନା ଅଞ୍ଚଳର ଲକ୍ଷ୍ମୀ ଡାକୁଆ ନାମକ ଜଣେ ମହିଳାଙ୍କର ତାଙ୍କ ପଡୋଶୀଙ୍କ ସହ ଝଗଡ଼ା ହୋଇଥିଲା। ଗାଡି ପାର୍କିଂକୁ ନେଇ ବଚସା ହୋଇଥିଲା। ଏଥିପାଇଁ ଲକ୍ଷ୍ମୀ ଡାକୁଆ ଖଣ୍ଡଗିରି ଥାନାକୁ ଅଭିଯୋଗ କରିବାକୁ ଯାଇଥିଲେ। ହେଲେ ଜଣେ ମହିଳା ଏସଆଇ ଘଟଣାର ସମାଧାନ କରିବା ବଦଳରେ ଥାନା ଭିତରେ ତାଙ୍କୁ ଓଲଟା ଲାଠି ମାଡ଼ କରିଥିଲେ। ଯାହାଫଳରେ ଅଭିଯୋଗକାରିଣୀ ଜଣଙ୍କ ଏନେଇ ଡିସିପିଙ୍କ ଦ୍ଵାରସ୍ଥ ହୋଇଛନ୍ତି। ସମ୍ପୃକ୍ତ ମହିଳା ଏସଆଇଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି।