ପ୍ରମୁଖ ଖବର
  • ବୁଧବାର ଅରୁଣ ଗୋଭିଲ, ଗୁରୁବାର ପୁଣି ଓଡିଶା ଆସିବେ ଜେ.ପି ନଡ୍ଡା
  • ||
  • ପ୍ରଯୋଜକ ବିଜୟ ପଟ୍ଟନାୟକଙ୍କ ପରଲୋକ, ଚିକିତ୍ସାଧୀନ ଅବସ୍ଥାରେ ତ୍ୟାଗ କଲେ ଶେଷ ନିଶ୍ୱାସ
  • ||
  • ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଦୁର୍ଘଟଣା : ଜଣେ ଆହତ, ଅଳ୍ପକେ ବର୍ତ୍ତିଲେ ୨୦ ପୋଲିସ କର୍ମଚାରୀ
  • ||
  • ରଥଖଳା ହାଲ୍‌ଚାଲ୍‌...ଶ୍ରୀନୃସିଂହ ଚତୁର୍ଦ୍ଦଶୀ ତିଥିରେ ଗୁଜ ଅନୁକୂଳ, ଖୋଳା ହେବ ଯନ୍ତା ଗାଡ଼
  • ||
  • ସ୍ୱାତୀ ମାଲିୱାଲଙ୍କୁ ମାଡ଼ ମାମଲା: ସିଏମ୍‌ ହାଉସ୍‌ରେ ବିଭବଙ୍କୁ ନେଇ ସିନ୍‌ ରିକ୍ରିଏଟ୍‌
  • ||
  • ମଦ ନୀତି ଦୁର୍ନୀତି ମାମଲା: କେଜ୍‌ରିୱାଲଙ୍କୁ ପୁଣି ୧୪ ଦିନ ରିମାଣ୍ଡରେ ନେବାକୁ ଇଡିର ଆବେଦନ
  • ||
  • IPL ପ୍ରଥମ କ୍ୱାଲିଫାୟର ମ୍ୟାଚ୍‌ରେ ମୁହାଁମୁହିଁ ହେବେ କୋଲକାତା- ହାଇଦ୍ରାବାଦ, ରନ୍‌ ବର୍ଷା କରିବେ ବ୍ୟାଟିଂ ପାୱାର ହାଉସ୍‌
  • ||
  • ବାତ୍ୟା ହେବନି..ଅବପାତ ହୋଇ ମିଆଁମାର ଯିବ: ଜିଏଫଏସ୍
  • ||

ସକାଳ ନା ସନ୍ଧ୍ୟା? ଜାଣନ୍ତୁ ଗରମ ଦିନେ କେତେବେଳେ ୱାର୍କଆଉଟ୍‌ କରିବା ଜରୁରୀ

ଭୁବନେଶ୍ୱର ୧୨/୦୪: ସୁସ୍ଥ ରହିବା ପାଇଁ ବ୍ୟାୟାମ ଜରୁରି । ଫିଟ୍‌ ରହିବା ଦ୍ୱାରା ମେଟାବଲିଜିମ୍‌ ବଢିଥାଏ । କିନ୍ତୁ ଗରମରେ ୱାର୍କଆଉଟ୍‌କୁ ନେଇ ବହୁଲୋକ ଦ୍ୱନ୍ଦ୍ୱରେ । ବିଶେଷକରି ତାପମାତ୍ରା ୪୦ ଡିଗ୍ରୀ ଛୁଇଁବା ପରେ ଦୀର୍ଘ ସମୟ ୱାର୍କଆଉଟ୍‌ କରିବା କେତେଦୂର ଠିକ୍‌? ସବୁ ଋତୁରେ ବ୍ୟାୟାମ କରିବା ଆବଶ୍ୟକ । ଏହାଦ୍ୱାରା ବ୍ୟକ୍ତି କେବଳ ଶାରିରୀକ ଭାବେ ନୁହେଁ, ମାନସିକ ଭାବେ ମଧ୍ୟ ସୁସ୍ଥ ରହିଥାଏ । ତଥାପି ଗରମ ଦିନେ ସକାଳେ ନା ସନ୍ଧ୍ୟାରେ ୱାକ୍‌ଆଉଟ୍‌ କରିବା ସ୍ୱାସ୍ଥ୍ୟ ପାଇଁ ଲାଭଦାୟକ? 

ସକାଳେ ୱାର୍କଆଉଟ୍‌ 

ସକାଳେ ୱାର୍କଆଉଟ୍‌ କରିବା ଖୁବ୍‌ ଲାଭଦାୟକ । ଏହି ସମୟରେ ବାୟୁମଣ୍ଡଳରେ ଅଧିକ ମାତ୍ରାରେ ଶୁଦ୍ଧ ଅମ୍ଲଜାନ୍‌ ରହିଥାଏ । ମୁକ୍ତ ବାତାବରଣରେ ବୁଲିବା ଦ୍ୱାରା ମସ୍ତିଷ୍କ ଶାନ୍ତ ଓ ସତେଜ ରହିଥାଏ । କୁହାଯାଏ ସକାଳର ୱାର୍କଆଉଟ୍‌ ନିଦର ଗୁଣବତ୍ତାକୁ ସହ ମେଟାବଲିଜିମ୍‌କୁ ବଢାଇଥାଏ । 

ସନ୍ଧ୍ୟା ୱାର୍କଆଉଟ୍‌

କିଛିଲୋକ ସନ୍ଧ୍ୟାରେ ୱାର୍କଆଉଟ୍‌ କରିଥାନ୍ତି । ଯେଉଁ ଲୋକମାନେ ସକାଳ ଉଠିପାରନ୍ତି ନାହିଁ କିମ୍ବା ଅଫିସ୍‌ ବା କଲେଜ ଯିବାର ବ୍ୟସ୍ତତା ଭିତରେ ସମୟ ବାହାର କରିପାରି ନଥାନ୍ତି । ସେମାନଙ୍କ ପାଇଁ ଏହି ସମୟ ଭଲ ବିକଳ୍ପ । ଏହି ସମୟରେ ୱାର୍କଆଉଟ୍‌ କରିବା ଦ୍ୱାରା ମସ୍ତିଷ୍କରୁ କାର୍ଟିସୋଲ୍‌ ନାମକ ଷ୍ଟ୍ରେସ୍‌ ହର୍‌ମୋନ୍‌ କ୍ଷରଣ ହୋଇଥାଏ, ଯାହା ବ୍ୟକ୍ତିକୁ ରିଲାକ୍ସ ଅନୁଭବ କରାଇଥାଏ । 

ଗରମ ଦିନେ ୱାର୍କଆଉଟ୍‌ ପାଇଁ ଭଲ ସମୟ? 

ଗରମ ଦିନେ ୱାର୍କଆଉଟ୍‌ କରିବା ସମୟରେ କିଛି ଜିନିଷ ପ୍ରତି ବିଶେଷ ଧ୍ୟାନ ଦେବା ଜରୁରୀ । ବିଶେଷଜ୍ଞଙ୍କ ମତରେ ବ୍ୟାୟାମ ପାଇଁ ଶ୍ରେଷ୍ଠ ସମୟ ହେଉଛି ହାଲ୍‌କା ସୂର୍ଯ୍ୟକିରଣ । ଏହି ସମୟରେ କମ୍‌ ତାପମାତ୍ରା ସହ ବାୟୁ ଚଳାଚଳ ଭଲ ରହିଥାଏ । ଯେଉଁମାନେ ଅଧିକ ସମୟ ବ୍ୟାୟାମ କରିବାକୁ ଚାହାନ୍ତି, ସେମାନଙ୍କ ପାଇଁ ସକାଳ ପ୍ରକୃଷ୍ଠ ସମୟ । ଏହି ସମୟରେ ଶରୀରକୁ ଗରମ ସହ ହାଲ୍‌କା ଥଣ୍ଡାର ଅନୁଭବ ମିଳିଥାଏ । ଯଦି ସକାଳେ ସମୟ ମିଳିବା କଷ୍ଟକର, ତେବେ ସନ୍ଧ୍ୟାରେ କମ୍‌ ୱାର୍କଆଉଟ୍‌ କରିବା ପାଇଁ ଚେଷ୍ଟା କରନ୍ତୁ । ନଚେତ୍‌ ଗରମ ଯୋଗୁ ଅନ୍ୟାନ୍ୟ ବିଭିନ୍ନ ସମସ୍ୟା ସୃଷ୍ଟି ହୋଇପାରେ । ଅତ୍ୟଧିକ ଗରମ ଯୋଗୁ ଶରୀରରେ ପାଣିର ଅଭାବ, ହାର୍ଟ ଓ କିଡ୍‌ନୀ ଉପରେ ଚାପ ପଡିପାରେ, ଯାହା ଅନ୍ୟାନ୍ୟ ସମସ୍ୟାକୁ ନିମନ୍ତ୍ରଣ ଦେଇଥାଏ ।  ୱାର୍କଆଉଟ୍‌ ପୂର୍ବରୁ ଓ ପରେ ପାଣି ପିଇବାକୁ ଭୁଲନ୍ତୁ ନାହିଁ । ଅଧିକ ସମୟ ଯାଏ ଗଳାକୁ ଶୁଖିଲା ରହିବାକୁ ଦିଅନ୍ତୁ ନାହିଁ । ନଚେତ୍‌ ଶରୀରରେ ଜଳାଭାବ ଦେଖା ଦେଇପାରେ । ଏହି ସମୟରେ ହାଲ୍‌କା ସୂତା ପୋଷାକ ବ୍ୟବହାର କରନ୍ତୁ ।

 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.