କୋଲକାତା,୩୧।୮: କୋଲକାତା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ଏବେ ଜେଲ୍ରେ ଅଛି ମୁଖ୍ୟ ଅଭିଯୁକ୍ତ ସଞ୍ଜୟ ରୟ। ହେଲେ ଜେଲ୍ରେ ବି ଚାଲିଛି ସଞ୍ଜୟର ମଉଜ। ତାକୁ ଆଉ ଏବେ ଜେଲ୍ର ରୁଟି ତରକାରୀ ପାଟିକୁ ଭଲ ଲାଗୁନି।ଚାଇନିଜ୍ ଫୁଡ୍ ଖାଇବ ବୋଲି ପୋଲିସକୁ ଦେଉଛି ଅର୍ଡର। ପ୍ରେସିଡେନ୍ସି ସୁଧାର ଗୃହରେ ଥିବା ସଞ୍ଜୟର ଡିମାଣ୍ଡ ଯେପରି ସରୁନି। ପୂର୍ବରୁ ମଟନ ଖାଇବାକୁ ଓ ଶୋଇବା ପାଇଁ ଏକ୍ସଟ୍ରା ଟାଇମ୍ ମାଗିଥିଲା ସଞ୍ଜୟ। ଏବେ ସେ ଅଣ୍ଡା ଚାଉମିନ୍ ଖାଇବ ବୋଲି ଅର୍ଡର ଦେଉଛି।ଆଉ କୋଲକାତା ପୋଲିସ ବି ତା’ର ସବୁ କଥା ମାନି ପୂର୍ବରୁ ମଟନ୍ ଖାଇବାକୁ ଦେଇସାରିଛି।
ପ୍ରେସିଡେନ୍ସି ଜେଲ୍ର ସେଲ୍ ନମ୍ବର ୨୧ରେ ଏବେ ଅଛି କୋଲକାତା ଟ୍ରେନିଂ ଡାକ୍ତରଙ୍କ ଦୁଷ୍କର୍ମ ଓ ହତ୍ୟା ଅଭିଯୁକ୍ତ ସଞ୍ଜୟ। ସଞ୍ଜୟକୁ ଜେଲ୍ରେ ମଟନ୍ ଦିଆଯାଇଥିବା ଖବର ନେଇ ପୋଲିସ କହିଛି ଏହା ଜେଲ୍ ମେନ୍ୟୁରେ ରହିଛି। କିନ୍ତୁ ଏବେ ସଞ୍ଜୟ ଜେଲ୍ ଅଧିକାରୀଙ୍କ ପାଖରେ ଅଣ୍ଡା ଚାଉମିନ୍ ଖାଇବାକୁ ଡିମାଣ୍ଡ କରିଛି। ଜେଲ୍ର ସାଧା ଖାଇବା ତାକୁ ଏବେ ଆଉ ଭଲ ଲାଗୁନି ବୋଲି କହିଛି। ତେବେ ଜେଲ୍ ପ୍ରଶାସନ ତାକୁ କଡା ଭର୍ତ୍ସନା କରିବା ସହ ଅଣ୍ଡା ଚାଉମିନ୍ ଦେବନି ବୋଲି ସ୍ପଷ୍ଟ ଭାବରେ ମନା କରିଦେଇଛି।
ଜେଲ ନିୟମ ଅନୁସାରେ, କଏଦୀଙ୍କୁ ସେହି ଖାଦ୍ୟ ଦିଆଯାଏ, ଯାହା ସବୁ କଏଦୀ ଖାଇଥାନ୍ତି। ଏପରିକି କେବେ କୌଣସି କଏଦୀଙ୍କୁ ଘରର ଖାଦ୍ୟ ଖାଇବାକୁ ଦିଆଯାଇନଥାଏ। କାରଣ ତାହା ଜେଲ୍ ନିୟମର ଉଲଂଘନ। ସଞ୍ଜୟର ପ୍ରତିଦିନ ଏଭଳି ଡିମାଣ୍ଡ ଦେଖି ଲାଗୁଛି ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା କରିବା ନେଇ ତା ମନରେ ଟିକେ ବି ପଶ୍ଚାତାପ ନାହିଁ। ସିବିଆଇ କଷ୍ଟଡିରୁ ସୁଧାର ଗୃହକୁ ଯିବା ପରେ ସଞ୍ଜୟ ଶୋଇବାକୁ ଅତିରିକ୍ତ ସମୟ ମାଗିଥିଲା।
