କୋଲକାତା,୨।୯:  କୋଲକାତାର ଆର.ଜି କର ମେଡିକାଲ କଲେଜରେ ଟ୍ରେନି ଡାକ୍ତରଙ୍କୁ  ଦୁଷ୍କର୍ମ ଓ ହତ୍ୟା ମାମଲା ରାଜ୍ୟର ମେଡିକାଲ ଦୁନିଆରେ ପ୍ରଚଳିତ ଦୁର୍ନୀତିର ଖୁଲାସା କରିଛି। ବର୍ତ୍ତମାନ ପଶ୍ଚିମବଙ୍ଗରୁ ଏକ ଅଡିଓ କ୍ଲିପ୍ ସାମ୍ନାକୁ ଆସିଛି ଯାହା ଡାକ୍ତରୀ ବୃତ୍ତିରେ ‘ଥ୍ରେଟ୍ କଲଚର’କୁ ଦେଖାଏ। ଏହି କ୍ଲିପ୍ ସୋସିଆଲ ମିଡିଆରେ ଭାଇରାଲ ହେଉଛି |

ଦାବି ହେଉଛି ଯେ ଅଡିଓ କ୍ଲିପ୍‌ରେ ଡାକ୍ତର ବିରୁପାକ୍ଷ ବିଶ୍ବାସ  ଜଣେ ଇଣ୍ଟର୍ନ ଡାକ୍ତରଙ୍କୁ ଧମକ ଦେଉଛନ୍ତି। ଆର.ଜି କର ମେଡିକାଲ କଲେଜର ପୂର୍ବତନ ପ୍ରିନ୍ସିପାଲ ତଥା ଶାସକ ଦଳ ଟିଏମସି ଡାକ୍ତର ଘୋଷଙ୍କ ନିକଟତର ବୋଲି ବିବେଚନା କରାଯାଏ। ସେ ମଧ୍ୟ IMA ର ଏକ ଅଂଶ ଥିଲେ।

ଅଡିଓ କ୍ଲିପ୍‌ରେ ଡାକ୍ତର ବିଶ୍ବାସ ଜଣେ ଇଣ୍ଟର୍ନ  ଡାକ୍ତରଙ୍କୁ ଧମକ ଦେଉଛନ୍ତି ଏବଂ କହିଛନ୍ତି, ଯଦି ସେ ତାଙ୍କ କଲେଜରେ DSO କୁ ସମର୍ଥନ କରନ୍ତି, ତେବେ ତାଙ୍କର ରେଜିଷ୍ଟେ୍ରସନ୍ ବାତିଲ ହେବ। ତାଙ୍କୁ କଲେଜ ବାହାରେ ରାଜନୀତି କରିବାକୁ କହିଛନ୍ତି। ନିର୍ଦେଶ ପାଳନ ନକଲେ ଡାକ୍ତରଙ୍କୁ ହଇରାଣ କରାଯିବାର ଧମକ ମଧ୍ୟ ଦେଇଛନ୍ତି। ତେବେ ଏହି ଘଟଣା ଏକ ବର୍ଷ ପୂର୍ବର। ଡାକ୍ତର ବିରୁପାକ୍ଷ ନିଜ ବିରୋଧରେ ଅଣାଯାଇଥିବା ଅଭିଯୋଗକୁ ଖଣ୍ଡନ କରିଛନ୍ତି। ସେ କହିଛନ୍ତି, ଏହି ଭାଇରାଲ ଅଡିଓ ଏଆଇ ଦ୍ବାରା କରାଯାଇଛି।