ଦାରିଙ୍ଗବାଡ଼ି,୩/୩: ଦାରିଙ୍ଗବାଡ଼ି ଥାନା ଭ୍ରମରବାଡ଼ି ପଞ୍ଚାୟତ ମ୍ଲାହୁପାଙ୍ଗା ସାହିର ସଦାନନ୍ଦ ପ୍ରଧାନ ଏବଂ ପ୍ରମୋଦ ପ୍ରଧାନ ଙ୍କ ଘର ବିଦ୍ୟୁତ ସଟସର୍କିଟ ଯୋଗୁଁ ପୋଡ଼ି ଯାଇଛି । ଫଳରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହେବା ସହ ଜରୁରୀ ଆସବାବ ପତ୍ର ମଧ୍ୟ ପୋଡ଼ି ନଷ୍ଟ ହୋଇଯାଇଛି।
ସୂଚନା ଅନୁଯାୟୀ ,ଘରେ କେହି ନଥିବା ସମୟରେ ମଧ୍ୟାହ୍ନରେ ସଦାନନ୍ଦ ଏବଂ ପ୍ରମୋଦ ପ୍ରଧାନଙ୍କ ଘରେ ଧୂଆ ବାହାରୁଥିଲା। ଏହା ଦେଖି ଘର ବାହାରେ ଏକାକୀ ବସିଥିବା ବୁଢ଼ୀ ମାଆ ଆଖପାଖ ଘର ଲୋକଙ୍କୁ ଜଣେଇ ଥିଲା । ସରପଞ୍ଚ ନରୋତ୍ତମ ପ୍ରଧାନ ତୁରନ୍ତ ଅଗ୍ନିଶମ ବିଭାଗ କୁ ଜଣାଇଥିଲେ । ଖବର ପାଇ ଅଗ୍ନିଶମ ବିଭାଗ ଆସି ନିଆଁକୁ ଆୟତ୍ତ କରିଥିଲେ ହେଲେ ସେତେବେଳେ ଘରର ଜିନିଷ ପତ୍ର ସମ୍ପୂର୍ଣ୍ଣ ପଡ଼ି ଯାଇଥିଲା। ନଗଦ ୮୦ ହଜାର ରୁ ଉର୍ଦ୍ଧ ଟଙ୍କା, ଧାନ,ଚାଉଳ ସହ ମୂଲ୍ୟବାନ ଜିନିଷ ପୋଡ଼ି ଯାଇଥିବା ଜଣାପଡ଼ିଛି । ପରେ ଖବର ପାଇ ବିଡ଼ିଓ ଗଦାଧର ପାତ୍ର ଙ୍କ ସହିତ ଅତିରିକ୍ତ ତହସିଲଦାର କୃଷ୍ଣଚନ୍ଦ୍ର ନାୟକ ଏବଂ ଆରଆଇ ସୁବ୍ରତ ମଲ୍ଲିକ ଘଟଣା ସ୍ଥଳରେ ପହଞ୍ଚି ଚାଉଳ, ଡାଲି, ଆଳୁ ସହିତ ଅନ୍ୟାନ୍ୟ ଜିନିଷ ପ୍ରଦାନ କରିଥିଲେ।
