ନୂଆଦିଲ୍ଲୀ,୧୫।୪: ଲୋକସଭା ନିର୍ବାଚନ ୨୦୨୪ ଭିତରେ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ବିଜେପି ନେତାଙ୍କୁ ଦେଇଛନ୍ତି ଚେତାବନୀ । ଲାଲୁ କହିଛନ୍ତି ବିଜେପି ନେତା ଲଗାତାର ସମ୍ବିଧାନକୁ ବଦଳାଇବାକୁ ଚେଷ୍ଟା କରୁଛନ୍ତି।ଯଦି ଏଭଳି କରନ୍ତି ତେବେ ଦେଶର ଗରିବ ଜନତା ତାଙ୍କ ଆଖି କାଢି ବାହାର କରିଦେବେ। ଜନତା ତାଙ୍କୁ କ୍ଷମା କରିବୋନି। ସେ ଅଭିଯୋଗ କରିଛନ୍ତି ଯେ, ବିଜେପି ଦେଶରେ ନିଜର ଏକଛତ୍ରବାଦୀ ଶାସନ ଲାଗୁ କରିବାକୁ ଚାହେଁ। ସମ୍ବିଧାନକ ବଦଳାଇବା ଅର୍ଥାତ ଲୋକତନ୍ତ୍ରକୁ ଶେଷ କରିବାକୁ ଚାହାନ୍ତି। ଲାଲୁ ବିଜେପିର ୪୦୦ ପାର ସ୍ଲୋଗାନକୁ ନେଇ ମଧ୍ୟ କଟାକ୍ଷ କରିଛନ୍ତି।
ଆରଜେଡିର ରାଷ୍ଟ୍ରୀୟ ଅଧ୍ୟକ୍ଷ ଲାଲୁ ପ୍ରସାଦବ ଯାଦବ ସୋମବାର ଗଣମାଧ୍ୟମ ସହ ଆଲୋଚନା କରିଥିଲେ। ଏହି ସମୟରେ ସେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ବିଜେପି ନେତା ଚିନ୍ତାରେ ଅଛନ୍ତି। ସେମାନେ ଭାବିନେଇଛନ୍ତି ଯେ, ଲୋକସଭା ନିର୍ବାଚନରେ ହାରୁଛନ୍ତି। ତେଣୁ ସେମାନେ ୪୦୦ ପାର ସିଟ୍ ଆଣିବା କଥା କହୁଛନ୍ତି। ସେମାନେ ଜନତାଙ୍କ ଭିତରେ ଯାଇ ଲୋକଙ୍କୁ ବହୁ ମତ ଦାବି କରୁଛନ୍ତି, ଫଳରେ ସମ୍ବିଧାନକୁ ବଦଳାଇ ପାରିବେ।
ସେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମନେଥିବ, ଆରଏସଏସ୍ ମୁଖ୍ୟ ମୋହନ ଭାଗବତ ଦେଶରେ ସଂରକ୍ଷଣ ଉପରେ ପୁନଃବିଚାର କରିବା କଥା କହିଥିଲେ। ସେତେବେଳେ ଜନତା ତାଙ୍କ ଉଦେଶ୍ୟ ବିଷୟରେ ସମ୍ପୂର୍ଣ୍ଣ ଭାବରେ ବିଫଳ କିରିଥିଲେ। ସେଭଳି ଏଥର ମଧ୍ୟ ହେବ। ବିଜେପି ପୁଣିଥରେ ପୁରୁଣା ସ୍ଥିତିରେ ପହଁଞ୍ଚି ଯିବ। ଲାଲୁ କହିଛନ୍ତି, ବିଜେପି ନେତା ଖୋଲାଖୋଲି ଭାବରେ କହୁଛନ୍ତି, ସମ୍ବିଧାନ ବଦଳାଇ ଦେବେ। ସେ କହିଛନ୍ତି, ଏହା ବାବା ସାହେବ ଭୀମରାଓ ଆମ୍ବେଦକରଙ୍କ ଦ୍ବାରା ତିଆରି ହୋଇଥିବା ସମ୍ବିଧାନ। ଏହା ଯେ କୌଣସି ସାଧାରର ବାବାଙ୍କର ନୁହେଁ। ଖବରଦାର ଯଦି ଏଭଳି ସାହାସ କର, ତେବେ ଜନତା ଚୁପ୍ ରହିବେନି। ସମ୍ବିଧାନକୁ ବଦଳାଇ ଦେଶରୁ ଲୋକତନ୍ତ୍ରକୁ ନଷ୍ଟ କରିବାକୁ ଚାହାନ୍ତି।’
