ପ୍ରମୂଖ ଖବର
  • ଟି-ଟ୍ୱେଣ୍ଟି କ୍ରିକେଟ୍ ବିଶ୍ୱକପ୍ ୨୦୨୪: ସେଣ୍ଟ୍‌ଭିନ୍‌ସେଣ୍ଟରେ ସାମ୍ନାସାମ୍ନି ହେବେ ବାଂଲାଦେଶ- ନେଦରଲାଣ୍ଡ୍‌ସ
  • ||
  • ଜୁନ୍ ୧୮ରେ ବାରାଣସୀ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତୃତୀୟ ପାଳିରେ ହେବ ପ୍ରଥମ ଗସ୍ତ
  • ||
  • ଅରୁଣାଚଳର ମୁଖ୍ୟମନ୍ତ୍ରୀ ଭାବେ ଶପଥ ନେବେ ପେମା ଖାଣ୍ଡୁ, ସମାରୋହରେ ସାମିଲ୍ ହେବେ ଜେପି ନଡ୍ଡା, ଅମିତ ଶାହ
  • ||
  • ବିଧାୟକ ପଦରୁ ସପା ମୁଖ୍ୟ ଅଖିଳେଶ ଯାଦବଙ୍କ ଇସ୍ତଫା
  • ||
  • ପୁରୀ : ଖୋଲିଲା ଶ୍ରୀମନ୍ଦିର ୪ ଦ୍ବାର, ମଙ୍ଗଳ ଆଳତି ଦର୍ଶନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
  • ||

ଗଣମାଧ୍ୟମ କର୍ମଚାରୀଙ୍କ ନାଁରେ ଋଣ ଠକେଇ ମାମଲା: ଇଓଡବ୍ଲୁରେ ହାଜର ହେଲେ ସମ୍ବାଦ ସିଓଓ, ଅଢ଼େଇଘଣ୍ଟା ଜେରା

ଭୁବନେଶ୍ୱର,୧୮/୦୯: ଗଣମାଧ୍ୟମ ସଂସ୍ଥା କର୍ମଚାରୀଙ୍କ ନାଁରେ ଋଣ ଠକେଇ ଓ ଜାଲିଆତି ଅଭିଯୋଗକ୍ରମେ କ୍ରାଇମ୍‌ବ୍ରାଞ୍ଚର ଅର୍ଥନୈତିକ ଅପରାଧ ଶାଖା (ଇଓଡବ୍ଲୁ) ତଦନ୍ତ ଆଗେଇଛି । ‘ସମ୍ବାଦ’ର ସିଓଓ କମଳାକାନ୍ତ ମହାପାତ୍ରଙ୍କୁ ଡକାଇ ଅଢ଼େଇଘଣ୍ଟା ଜେରା କରିଛି । ଇଓଡବ୍ଲୁ ସୂଚାଇଛି ଯେ ଠକେଇରେ ସମ୍ପୃକ୍ତ  ସବୁ ଅଭିଯୁକ୍ତଙ୍କୁ ପର୍ଯ୍ୟାୟକ୍ରମେ ଜେରା  କରାଯିବ । ଏଥିପାଇଁ ପ୍ରଥମେ ନୋଟିସ୍‌  ଦିଆଯିବ । 

ସନ୍ଧ୍ୟା ସାଢ଼େ ୬ଟାରେ ଶ୍ରୀ ମହାପାତ୍ର  ଇଓଡବ୍ଲୁ କାର୍ଯ୍ୟାଳୟକୁ ଯାଇଥିଲେ । ତାଙ୍କ  ସହ ୨ଜଣ ଆଇନଜୀବୀ ଥିଲେ । ଜଣେ  ଡିଏସ୍‌ପି ପାହ୍ୟା ଅଧିକାରୀ ଓ ଅନ୍ୟ ୨ଜଣ  ଅଧିକାରୀ ତାଙ୍କୁ ଜେରା କରିଥିଲେ । ରାତି  ପ୍ରାୟ ୧୦ଟା ବେଳେ ଶ୍ରୀ ମହାପାତ୍ର ଇଓଡବ୍ଲୁ  କାର୍ଯ୍ୟାଳୟରୁ ବାହାରିଲେ । ଇଓଡବ୍ଲୁର  ଜଣେ ବରିଷ୍ଠ ଅଧିକାରୀ କହିଛନ୍ତି,  ଜେରା ବେଳେ ଶ୍ରୀ ମହାପାତ୍ରଙ୍କଠାରୁ  ଅନେକ ତଥ୍ୟ ମିଳିଛି । ତେବେ ଖାଲି  ଗଣାମାଧ୍ୟମ ସଂସ୍ଥା ନୁହେଁ, ଆଗକୁ ଋଣ  ପ୍ରଦାନ କରିଥିବା ବ୍ୟାଙ୍କ ଅଧିକାରୀମାନେ  ମଧ୍ୟ ଜେରାର ସାମ୍ନା କରିବେ । ଇଓଡବ୍ଲୁ  ପକ୍ଷରୁ ସଂସ୍ଥାର ସମସ୍ତ ବ୍ୟାଙ୍କ ଆକାଉଣ୍ଟ  କାରବାରରେ ସମ୍ପର୍କରେ ତନାଘନା  କରାଯିବ । ସଂସ୍ଥାର ବ୍ୟାଙ୍କ ଆକାଉଣ୍ଟ  ସବିଶେଷ ତଥ୍ୟ ପାଇଁ ଭାରତୀୟ ରିଜର୍ଭ  ବ୍ୟାଙ୍କକୁ ଚିଠି ଲେଖାଯିବ । 

ଇଓଡବ୍ଲୁ  ରୁଜୁ କରିଥିବା ମାମଲାରେ ଖଣ୍ଡପଡ଼ା  ବିଧାୟକ ତଥା ‘ସମ୍ବାଦ’ ସମ୍ପାଦକ  ସୌମ୍ୟରଞ୍ଜନ ପଟ୍ଟନାୟକ ଓ ମାନବ  ସମ୍ବଳ ବିଭାଗ ମୁଖ୍ୟଙ୍କୁ ମୁଖ୍ୟ ଅଭିଯୁକ୍ତ  ବୋଲି ଦର୍ଶାଯାଇଛି । ଚଞ୍ଚକତା କରି ଋଣ  ମଞ୍ଜୁର କରିଥିବା ବ୍ୟାଙ୍କ କର୍ତ୍ତୃପକ୍ଷ ଓ ଅନ୍ୟ  ଅଧିକାରୀମାନଙ୍କୁ ମଧ୍ୟ ଅଭିଯୁକ୍ତ ଅଛନ୍ତି ।  ଏସବୁ ଅଭିଯୁକ୍ତମାନଙ୍କ ବିରୋଧରେ  ଭାରତୀୟ ଦଣ୍ଡ ସଂହିତା (ଆଇପିସି)  ଧାରା ୫୦୬(ଅପରାଧିକ ଭୟ  ପ୍ରଦର୍ଶନ), ୪୬୭(ଇଚ୍ଛାପତ୍ର ଜାଲିଆତି),  ୪୬୮(ଠକେଇ ଉଦ୍ଦେଶ୍ୟରେ ଜାଲିଆତି),  ୪୭୧(ଦଲିଲ୍‌ ଜାଲିଆତି), ୪୨୦(ସମ୍ପତ୍ତି  ଠକେଇ) ଏବଂ ୧୨୦ (ଖ)(ଅପରାଧିକ  ଷଡ଼ଯନ୍ତ୍ର) ଲଗାଯାଇଛି । ଆଗାମୀ  ତଦନ୍ତ ଆଧାରରେ ଅଭିଯୁକ୍ତମାନଙ୍କ  ବିରୋଧରେ ଅନ୍ୟାନ୍ୟ ଅପରାଧିକ  ଦଫା ଯୋଡ଼ାଯିବ ବୋଲି ଇଓଡବ୍ଲୁ ଜଣେ  ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।

  • PrameyaOdia
  • odisha news
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.