ଢେଙ୍କାନାଳ, ୨୭।୨ : ଗହଣା ବ୍ୟବସାୟୀଙ୍କୁ ଗୁଳି ମାଡ଼ କରି ଲୁଟ। ଦୁର୍ବୁତ୍ତମାନେ ତାଙ୍କ ଠାରୁ ଏକ ଲକ୍ଷ ଟଙ୍କା, ସେ ପିନ୍ଧିଥିବା ଏକ ସୁନା ଚେନ ଓ କିଣି ନେଉଥିବା ସାଢ଼େ ୩ଲକ୍ଷ ଟଙ୍କାର ସୁନା ଗହଣା ଲୁଟି ନେଇଛନ୍ତି । ରାସୋଳ ଥାନା କଦଳୀ ପାଳ ନିକଟରେ ଘଟଣା ଘଟିଛି। ଗୁରୁତର ଗହଣା ବ୍ୟବସାୟୀ ଜଣକ ହେଲେ ଅନୁଗୁଳ ଖଲାରୀର ପ୍ରକାଶ ସାହୁ। ଗୁରୁତର ଅବସ୍ଥାରେ ପ୍ରକାଶଙ୍କୁ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।
ପ୍ରକାଶ ତାଙ୍କ ବାଇକ ଯୋଗେ କଟକରୁ ଗହଣା କିଣି ଅନୁଗୁଳ ଫେରୁଥିଲେ । ପଛରୁ ଏକ ବଜାଜ ପଲସର ଓ ଏକ ଆପାଚି ବାଇକ ଯୋଗେ ତାଙ୍କୁ ତିନିଜଣ ଦୁର୍ବୁତ୍ତ ଅନୁସରଣ କରି ଥିଲେ। ପୁରୁଣା କଟକ ସମ୍ବଲପୁର ରାସ୍ତାର ଢେଙ୍କାନା ଳ ଜିଲ୍ଲା ରାସୋଳ ଥାନା ଅନ୍ତର୍ଗତ କଦଳୀ ପାଳ ନିକଟରେ ତାଙ୍କୁ ଗୁଳିମାଡ଼ କରିଥିଲେ। ପ୍ରକାଶ ଙ୍କ ପଛ ଅଣ୍ଟାରେ ଗୁଳି ବାଜିଥିଲା।। ଦୁର୍ବୁତ୍ତ ମାନେ ତାଙ୍କ ଠାରୁ ଏକ ଲକ୍ଷ ଟଙ୍କା, ସେ ପିନ୍ଧିଥିବା ଏକ ସୁନା ଚେନ ଓ କିଣି ନେଉଥିବା ସାଢ଼େ ୩ଲକ୍ଷ ଟଙ୍କାର ସୁନା ଗହଣା ଲୁଟି ନେଇ ଫେରାର ହୋଇଯାଇଥିଲେ। ଖବର ପାଇଁ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ କରୁଛି।
ଆହୁରି ପଢନ୍ତୁ : ଯୁବକଙ୍କୁ ଲିଫ୍ଟ ମାଗି ବାଇକରେ ଯାଉଥିଲେ, ଦୁର୍ଘଟଣାରେ ଚାଲିଗଲା ଯୁବତୀଙ୍କ ଜୀବନ