କୋଲକାତା: କୋଲକାତାର ଆରଜି କର ମେଡିକାଲ କଲେଜରେ ଜଣେ ମହିଳା ଡାକ୍ତରଙ୍କୁ ଦୁଃଷ୍କର୍ମ ଓ ହତ୍ୟା ମାମଲାରେ ରାଜନୀତି ଜୋର ଧରିଛି। ରାଜ୍ୟରେ ଆଇନ ଶୃଙ୍ଖଳାକୁ ନେଇ ମମତା ସରକାରଙ୍କୁ ଘେରିଛି ବିରୋଧୀ। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯଦି ରବିବାର ଅର୍ଥାତ ଅଗଷ୍ଟ ୧୮ ସୁଦ୍ଧା ସମସ୍ତ ଅଭିଯୁକ୍ତ ଧରାନପଡନ୍ତି, ତେବେ ସେ ମାମଲା ସିବିଆଇକୁ ହସ୍ତାନ୍ତର କରିବେ।

ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଆହୁରି କହିଛନ୍ତି, 'ସିବିଆଇର ସଫଳତା ହାର ବହୁତ କମ୍। କିନ୍ତୁ ଯଦି ଏହି ମାମଲା ଖୁଲାସା ନହୁଏ ତେବେ ସିବିଆଇକୁ ହସ୍ତାନ୍ତର କରାଯିବ।

ଆରଜି କର ମେଡିକାଲ କଲେଜ ଏବଂ ହସ୍ପିଟାଲରେ ଘଟିଥିବା ଏହି ଘଟଣାରେ ଡିସିପି ଉତ୍ତର ଅଭିଷେକ ଗୁପ୍ତା କହିଛନ୍ତି, "ଡାକ୍ତରଖାନାରେ ପ୍ରବେଶ କରୁଥିବା ଲୋକଙ୍କ ନାମ ବର୍ତ୍ତମାନ ଏକ ରେଜିଷ୍ଟରରେ ଲେଖାଯିବ। କୌଣସି ଅସାମାଜିକ ଓ ସନ୍ଦେହଜନକ ବ୍ୟକ୍ତି ପ୍ରବେଶ କରିପାରିବେନି। ଡାକ୍ତରଖାନାରେ ଡାକ୍ତରଙ୍କ ସୁରକ୍ଷାକୁ ଦୃଷ୍ଟିରେ ରଖି ସୁରକ୍ଷାକର୍ମୀଙ୍କୁ ପରିଚୟ ପତ୍ର ଦିଆଯାଇଛି, ଯାହାକି ସେମାନେ ସର୍ବଦା ଡ୍ୟୁଟିରେ ପିନ୍ଧିବେ।

ପଶ୍ଚିମବଙ୍ଗର କୋଲକାତା ଆରଜି କର ମେଡିକାଲ କଲେଜ ଏବଂ ହସ୍ପିଟାଲର ପ୍ରିନ୍ସପାଲ ସୋମବାର ଇସ୍ତଫା ଦେଇଛନ୍ତି। କୋଲକାତାର ଜଣେ ମହିଳା ଡାକ୍ତରଙ୍କୁ ଦୁଷ୍କର୍ମ ହତ୍ୟା ମାମଲାରେ ଆର.ଜି କର ମେଡିକାଲ କଲେଜ ଏବଂ ହସ୍ପିଟାଲର ପ୍ରିନ୍ସିପାଲ ଡ. ସନ୍ଦୀପ ଘୋଷ ତାଙ୍କ ପଦରୁ ଇସ୍ତଫା ଦେଇ କହିଛନ୍ତି ଯେ ସୋସିଆଲ ମିଡିଆରେ ମୋତେ ବଦନାମ କରାଯାଉଛି। ମୃତ ଡାକ୍ତର ମୋ ଝିଅ ପରି ଥିଲେ, ମୁଁ ଭବିଷ୍ୟତରେ ଏହା କାହା ସହିତ ଘଟିବାକୁ ଚାହେଁ ନାହିଁ।