ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ନିଜକୁ ୬୭ ବର୍ଷୀୟ ବୃଦ୍ଧ ସଜାଇ କାନାଡା ଯିବାକୁ ଚାହୁଁଥିଲେ ଯୁବକ, ମାଡ଼ି ବସିଲେ ଏୟାରପୋର୍ଟ କର୍ତ୍ତୃପକ୍ଷ

ନୂଆଦିଲ୍ଲୀ: ମୁହଁରେ ଧଳା ରଙ୍ଗର ଦାଢ଼ି ଏବଂ ମୁଣ୍ଡର ଚୁଟି ବି ଧଳା । ୨୪ ବର୍ଷୀୟ ଯୁବକ ୬୭ ବର୍ଷୀୟ ବୃଦ୍ଧଙ୍କ ବେଶ ଧାରଣ କରିଥିଲେ । ହେଲେ ଦିଲ୍ଲୀ ଏୟରପୋର୍ଟରେ ଧରାପଡ଼ିଗଲେ । ପରେ ପୋଲିସକୁ ହସ୍ତାନ୍ତ କରିଦେଲେ ଏୟାରପୋର୍ଟ କର୍ତ୍ତୃପକ୍ଷ ।  ଯୁବକଜଣକ ବୃଦ୍ଧ ବେଶରେ ଭାରତରୁ କାନାଡା ଯିବାକୁ ଉଦ୍ୟମ କରୁଥିଲେ ବୋଲି ଜଣାପଡ଼ିଛି ।

ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ପୋଲିସ ଅଟକ ରଖିଥିବା ଯୁବକଜଣକ ୨୪ ବର୍ଷୀୟ ଗୁରୁ ସେବକ ସିଂହ ବୋଲି ଜଣାପଡ଼ିଛି । ପାସପୋର୍ଟରେ ତାଙ୍କ ନାମ ରଶବିନ୍ଦର ସିଂହ ବୋଲି ଉଲ୍ଲେଖ କରାଯାଇଛି। କାନାଡ଼ା ଯିବା ନିମନ୍ତେ ସେ ଦିଲ୍ଲୀ ଏୟାରପୋର୍ଟରେ ପହଞ୍ଚିଥିଲେ।  ସେଠାରେ ଯାଞ୍ଚ ବେଳେ ସିକ୍ୟୁରିଟି ଅଧିକାରୀ ତାଙ୍କ ଉପରେ ସନ୍ଦେହ କରିଥିଲେ।

ଡକ୍ୟୁମେଣ୍ଟ ଯାଞ୍ଚ କରିବାରୁ ତାଙ୍କ ଜନ୍ମ ୧୯୫୭ ମସିହାରେ ହୋଇଥିବା ପାସପୋର୍ଟରେ ଲେଖା ଯାଇଥିଲା। ମାତ୍ର ଅନ୍ୟାନ୍ୟ ଡକ୍ୟୁମେଣ୍ଟ ଯାଞ୍ଚ କରିବାକୁ ତାଙ୍କ ବୟସ ମାତ୍ର ୨୪ ବର୍ଷ ବୋଲି ଜଣାପଡ଼ିଥିଲା। ଏହାପରେ ଯାଞ୍ଚରୁ ଯୁବକଜଣକ ନିଜ ଦାଢ଼ି ଓ ମୁଣ୍ଡର ଚୁଟିକୁ ଧଳା କରିବା ସହ ବୟସ୍କ ଲାଗିବା ପାଇଁ ଚଷମା ପିନ୍ଧିଥିବା ଜଣାପଡ଼ିଥିଲା।  ତୁରନ୍ତ ତାଙ୍କ ମୋବାଇଲକୁ ଜବତ କରି ତଲାସୀ ନିଆଯାଇଥିଲା। ସେ ଅନ୍ୟ ଏକ ପାସପୋର୍ଟର ସଫ୍ଟ କପି ହାସଲ କରି ନିଜର ଜାଲି ପାସପୋର୍ଟ କରିଥିବା ଜଣାପଡ଼ିଥିଲା।

ପରେ  ତାଙ୍କ ଅସଲି ନାମ ଗୁରୁ ସେବକ ସିଂହ ବୋଲି ଜଣାପଡ଼ିଥିଲା । ଏହା ଏକ ଜାଲି ପାସପୋର୍ଟ ମାମଲା ହୋଇଥିବାରୁ ଆଇନଗତ କାର୍ଯ୍ୟାନୁଷ୍ଠାନ ନିମନ୍ତେ ତାଙ୍କୁ ଦିଲ୍ଲୀ ପୋଲିସକୁ ହସ୍ତାନ୍ତର କରାଯାଇଛି। ଏହି ମାମଲାରେ ପୋଲିସ ଅଧିକ ତଦନ୍ତ କରୁଥିବା ବେଳେ ଯୁବକଙ୍କ ବିରୋଧରେ କଣ କାର୍ଯ୍ୟାନୁଷ୍ଠାନ ନିଆଯିବ ତାହା ସ୍ପଷ୍ଟ ହୋଇଯିବ ।

 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.