ନୂଆଦିଲ୍ଲୀ, ୩୦।୧୧: ସୁନା ଭାବି ରଖିଥିଲେ । କିନ୍ତୁ, ଏହା ସୁନାଠାରୁ ବି ଅଧିକ ମୂଲ୍ୟବାନ ବୋଲି ଜାଣିବାକୁ ପାଇଲେ । ଅଷ୍ଟ୍ରେଲିଆର ଜଣେ ବ୍ୟକ୍ତି ଏକ ପଥର ପାଇଥିଲେ । ଯାହାକୁ ସେ ସୁନା ବୋଲି ଭାବି ବର୍ଷ ବର୍ଷ ଧରି ପାଖରେ ସୁରକ୍ଷିତ ଭାବେ ରଖିଥିଲେ । କିନ୍ତୁ, ଯେତେବେଳେ ସେହି ପଥରର ସତ ସାମ୍ନାକୁ ଆସିଥିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା । ଏହି ପଥରଟି ଥିଲା ୪୬୦ କୋଟି ବର୍ଷ ପୁରୁଣା । ପଥର ପାଇଥିବା ବ୍ୟକ୍ତିଙ୍କ ନାଁ ଡେଭିଡ୍ ହୋଲ୍ । ସେ ଅଷ୍ଟ୍ରେଲିଆ ମେଲବୋର୍ଣ୍ଣର ବାସିନ୍ଦା । 

୨୦୧୫ରେ ମେଲବୋର୍ଣ୍ଣର ମେରିବୋରୋ ଆଞ୍ଚଳିକ ପାର୍କରେ ସେ ଏକ ଲାଲ ରଙ୍ଗର ଧାତୁ ପାଇଥିଲେ । କିଛି ବର୍ଷ ପରେ ୨୦୧୯ରେ ସେ ଜାଣିବାକୁ ପାଇଲେ ଯେ, ପଥରଟି ପ୍ରକୃତରେ ଏକ ଉଲକାପିଣ୍ଡ । ସେ ଏହି ପଥରକୁ ମେଲବୋର୍ଣ୍ଣ ସଂଗ୍ରହାଳୟକୁ ନେଇ ଯାଇଥିଲେ । ଏହି ପଥରର ନାଁ ମେରିବୋରୋ ରଖାଯାଇଛି । ରିସର୍ଚ୍ଚଙ୍କ ପକ୍ଷରୁ କୁହାଯାଇଛି କି, ଏହି ପଥରର ଓଜନ ୧୭ କିଲୋଗ୍ରାମ । ଏହି ଉଲକ୍କାପିଣ୍ଡ ସାହାଯ୍ୟରେ ମହାକାଶ ସହ ଜଡ଼ିତ ଅନେକ ରହସ୍ୟର ଖୁଲାସା ହୋଇପାରିବ ଏବଂ ଅତୀତ ଯୁଗ ବିଷୟରେ ଅନେକ କିଛି ଜାଣିହେବ ବୋଲି ବିଶେଷଜ୍ଞ କହିଛନ୍ତି । ଏହି କାରଣରୁ ପଥରଟି ସୁନାଠାରୁ ଅଧିକ ମୂଲ୍ୟବାନ ।