ପ୍ରମୁଖ ଖବର
  • ନୀଳଗିରିରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ମାରାଥନ ପ୍ରଚାର
  • ||
  • ଚିଲିକାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ପୁରୀ ଲୋକସଭା ପ୍ରାର୍ଥୀଙ୍କ ପାଇଁ ଭୋଟ୍ ଅପିଲ୍ କଲେ
  • ||
  • ଟିମ୍‌ ଇଣ୍ଡିଆ ମୁଖ୍ୟ କୋଚ୍‌ ରେସ୍, ମାହେଲା ଜୟବର୍ଦ୍ଧନେଙ୍କୁ ବିସିସିଆଇର ପ୍ରସ୍ତାବ
  • ||
  • ଜୁଲାଇ ୪ରେ ବ୍ରିଟେନରେ ସାଧାରଣ ନିର୍ବାଚନ, ଆସନ୍ତା ସପ୍ତାହରେ ଭଙ୍ଗ ହେବ ସଂସଦ
  • ||
  • ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ କାଉଣ୍ଟଡାଉନ୍ ଆରମ୍ଭ: ଗୁରୁବର ସନ୍ଧ୍ୟା ସରିବ ପ୍ରଚାର, ଶନିବାର ୫୮ ଆସନରେ ମତଦାନ
  • ||
  • କଣାସରେ ଘର ଭିତରକୁ ପଶିଗଲା ଟ୍ରାକ୍ଟର, ଦୁର୍ଘଟଣାରେ ଚାଲିଗଲା ଚାଳକଙ୍କ ଜୀବନ
  • ||
  • ମେ’ ୨୯ରେ ପୁଣି ଓଡ଼ିଶା ଆସିବେ ମୋଦି, ୨୬ରେଭଦ୍ରକରେ ଭୋଟ୍‌ ମାଗିବେ ରାହୁଲ, ବାଲେଶ୍ୱରକୁ ଖଡ୍‌ଗେ
  • ||
  • ରଥ ଖଳା ହାଲ୍‌ଚାଲ୍‌...ରଥ ଗୁଜରେ ନୃସିଂହ ମୁଖ ଅଙ୍କନ, ରୂପକାରଙ୍କ କାର୍ଯ୍ୟାରମ୍ଭ, ଅର ଅନୁକୂଳ କଲେ ବିଶ୍ୱକର୍ମା
  • ||
  • ସନ୍ଧ୍ୟାରେ ସରିବ ତୃତୀୟ ପର୍ଯ୍ୟାୟ ଭୋଟ୍‌ ପ୍ରଚାର, ଶନିବାର ୬ ଲୋକସଭା, ୪୨ ବିଧାନସଭାରେ ଭୋଟ୍‌
  • ||
  • ବଙ୍ଗୋପସାଗରରେ ଲଘୁଚାପ ସକ୍ରିୟ: ୨୪ ସୁଦ୍ଧା ଅବପାତ, ୨୫ରେ ଗଭୀର ଅବପାତ ସମ୍ଭାବନା, ଭଦ୍ରକ ଏବଂ ବାଲେଶ୍ୱରରେ ବର୍ଷିବ
  • ||

ମଣିପୁରରେ ୨ ମହିଳାଙ୍କୁ ଉଲଗ୍ନ ବୁଲାଇବା ଘଟଣା, ମହିଳାଙ୍କୁ ଭିଡ଼ ଭିତରେ ଛାଡ଼ିଥିଲା ପୁଲିସ

ନୂଆଦିଲ୍ଲୀ, ୧।୫: ମଣିପୁରରେ ଗତବର୍ଷ ହିଂସା ବେଳେ କୁକି-ଜୋ ସମୁଦାୟର ଦୁଇଜଣ ମହିଳାଙ୍କୁ ବିଚ୍‌ ରାସ୍ତାରେ ଉଲଗ୍ନ ବୁଲାଯାଇଥିଲା । ମେ’ରେ ଘଟିଥିବା ଏହି ଘଟଣାର ଭିଡିଓ ସୋସିଆଲ୍‌ ମିଡିଆରେ ଭାଇରାଲ୍‌ ହେବା ପରେ ଦେଶବ୍ୟାପୀ ଆଲୋଡ଼ନ ସୃଷ୍ଟି ହୋଇଥିଲା । ଏହି ଘଟଣାରେ ଏବେ ଏକ ନୂଆ କଥା ସାମ୍ନାକୁ ଆସିଛି । ଘଟଣା ଦିନ ମଣିପୁର ପୁଲିସ ହିଁ ପୀଡ଼ିତା ମହିଳାଦ୍ୱୟଙ୍କୁ ଆଣି କାଙ୍ଗପୋକପି ଜିଲ୍ଲାରେ ହଜାରେରୁ ଊର୍ଦ୍ଧ୍ୱ ବିକ୍ଷୋଭକାରୀଙ୍କ ଭିଡ଼ ମଧ୍ୟରେ ପହଞ୍ଚାଇଥିଲା । ସିବିଆଇ ଚାର୍ଜସିଟ୍‌ରେ ଏଭଳି ଦାବି କରାଯାଇଛି । ଚାର୍ଜସିଟ୍‌ରେ କୁହାଯାଇଛି ଯେ ମହିଳାଦ୍ୱୟ ପୁଲିସକୁ ଅଟକାଇ ସୁରକ୍ଷା ମାଗିଥିଲେ । ପୁଲିସ ଗାଡ଼ିରେ ବସିବାକୁ ଅନୁମତି ଦେବାକୁ କହିଥିଲେ । କିନ୍ତୁ ପୁଲିସ ଉଭୟଙ୍କୁ ନେଇ ଭିଡ଼ ମଧ୍ୟରେ ଛାଡ଼ିଦେଇଥିଲା । ଏହାପରେ ଉତ୍‌କ୍ଷିପ୍ତ ଭିଡ଼ ସେମାନଙ୍କୁ ସମସ୍ତଙ୍କ ସାମ୍ନାରେ ଉଲଗ୍ନ କରି ସେମାନଙ୍କର ପରେଡ୍‌ କରାଇଥିଲା ।

ଏହାପରେ ସେମାନଙ୍କୁ କିଛି ଲୋକ ବଳାତ୍କାର କରିଥିଲେ । ଏହି ମହିଳାଙ୍କ ମଧ୍ୟରୁ ଜଣେ କାର୍‌ଗିଲ୍‌ ଯୁଦ୍ଧ ଲଢ଼ିଥିବା ସୈନିକଙ୍କର ପତ୍ନୀ ଥିଲେ । ଚାର୍ଜସିଟ୍‌ ବାବଦରେ ସୂଚନା ଦେଇଥିବା ଅଧିକାରୀଙ୍କ ମୁତାବକ ପୀଡ଼ିତା ମହିଳାଦ୍ୱୟ ସୁରକ୍ଷିତ ସ୍ଥାନରେ ପହଞ୍ଚିବା ପାଇଁ ପୁଲିସର ସହାୟତା ଲୋଡ଼ିଥିଲେ । କିନ୍ତୁ ପୁଲିସ କର୍ମୀ କହିଥିଲେ କି ସେମାନଙ୍କ ପାଖରେ ଗାଡ଼ିର ଚାବି ନାହିଁ । ସେମାନେ କୌଣସି ସହାୟତା କରି ନ ଥିଲେ । ଏହି ମହିଳାଦ୍ୱୟ ଯେଉଁ ଗ୍ରାମରେ ରହୁଥିଲେ, ସେଠାରେ ମୈତେଇ ସମୁଦାୟର ଭିଡ଼ ଜୋର ଜବରଦସ୍ତ ପଶିଥିଲେ । ଏହାପରେ ଅନ୍ୟମାନଙ୍କ ସହ ପୀଡ଼ିତା ମହିଳାଦ୍ୱୟ ଭୟରେ ଜଙ୍ଗଲ ଆଡ଼କୁ ଦୌଡ଼ିଥିଲେ । କିନ୍ତୁ ଭିଡ଼ ସେମାନଙ୍କୁ ଦେଖିଦେଇଥିଲା । କୌଣସିମତେ ଉଭୟ ପୁଲିସ ଗାଡ଼ି ନିକଟରେ ପହଞ୍ଚି ସହାୟତା ମାଗିଥିଲେ । କିନ୍ତୁ ପୁଲିସ କର୍ମୀମାନେ ସେମାନଙ୍କୁ ଦେଖି ମଧ୍ୟ ଗାଡ଼ିରେ ବସିରହିଥିଲେ । ବହୁ କାକୁତିମିନତି ପରେ ପୁଲିସ ସେମାନଙ୍କ କଥାରେ ରାଜି ହୋଇଥିଲା । ଗାଡ଼ିରେ ଦୁଇ ମହିଳାଙ୍କ ସମେତ ୩ ଜଣ ପୀଡ଼ିତ ବସିଥିଲେ । 

ଏହାପରେ ପୁଲିସ କର୍ମୀମାନେ ଜିପ୍‌କୁ ନେଇ ଭିଡ଼ ମଧ୍ୟରେ ରଖିଦେଇଥିଲେ ଏବଂ ସେଠାରୁ ପଳାଇଥିଲେ । ଏହାପରେ ଲୋକମାନେ ଜିପ୍‌ ପାଖକୁ ଆସି ମହିଳାଙ୍କୁ ବାହାର କରି ଉଲଗ୍ନ କରିଦେଇଥିଲେ । ପରେ ସେମାନଙ୍କୁ ରାସ୍ତାରେ ଉଲଗ୍ନ ବୁଲାଇଥିଲେ ଓ ବଳାତ୍କାର କରିଥିଲେ । ସିବିଆଇ ଏହି ଚାର୍ଜସିଟ୍‌ ଗତବର୍ଷ ଅକ୍ଟୋବର ୧୬ରେ ଗୌହାଟୀସ୍ଥିତ ସିବିଆଇ କୋର୍ଟ ସ୍ୱତନ୍ତ୍ର ବିଚାରପତିଙ୍କ ନିକଟରେ ଦାଖଲ କରିଥିଲା । ଚାର୍ଜସିଟ୍‌ରେ ହୁଇରେମ୍‌ ହିରୋଦାସ ମୈତେଇ ସମେତ ୫ ଜଣଙ୍କୁ ଅଭିଯୁକ୍ତ କରାଯାଇଥିଲା । ଅଭିଯୁକ୍ତଙ୍କ ବିରୋଧରେ ମାମଲା ଦାୟର ହୋଇଥିଲା । ଭିଡିଓ ଭାଇରାଲ୍‌ ହେବା ପରେ ସୁପ୍ରିମକୋର୍ଟ କ୍ଷୋଭପ୍ରକାଶ କରିଥିଲେ । ସରକାର ତୁରନ୍ତ ପଦକ୍ଷେପ ନେବାକୁ ଅଦାଲତ କହିଥିଲେ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.