ବ୍ରହ୍ମପୁର,୨୮/୦୫: ମାଓନେତା ସବ୍ୟସାଚୀ ପଣ୍ଡା (୫୭) ଅସୁସ୍ଥ ଥିବା ସୂଚନା ମିଳିଛି । ସୋମବାର ଅପରାହ୍ନରେ ସେ ଅସୁସ୍ଥତା ଅନୁଭବ କରିବାରୁ ତାଙ୍କୁ ଜେଲ୍‌ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଡାକ୍ତରଙ୍କ  ପରାମର୍ଶ ପ୍ରକାରେ ସେଠାରୁ ତାଙ୍କୁ ବ୍ରହ୍ମପୁର ବଡ଼ ଡାକ୍ତରଖାନାକୁ ପଠାଯାଇଥିଲା । ସବ୍ୟସାଚୀଙ୍କୁ  ଏମ୍‌କେସିଜି ମେଡିସିନ୍‌ ବିଭାଗରେ କଡ଼ା ସୁରକ୍ଷା  ମଧ୍ୟରେ ଭର୍ତ୍ତି କରାଯାଇଛି । ଚିକିତ୍ସା ପରେ ସେ ସାମାନ୍ୟ ସୁସ୍ଥ ହୋଇଥିବା ମେଡିକାଲ ସୂତ୍ରରୁ  ପ୍ରକାଶ । ଉଚ୍ଚ ରକ୍ତଚାପ ଓ ବାନ୍ତି ହେବା କାରଣରୁ ତାଙ୍କୁ ଡାକ୍ତରଖାନାରେ ଭର୍ତ୍ତି  କରାଯାଇଛି ବୋଲି ଜେଲର୍‌ ସତ୍ୟନାରାୟଣ ବେହେରା କହିଛନ୍ତି । ତାଙ୍କ ପାଇଁ  ଏମ୍‌କେସିଜିରେ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା କରାଯାଇଛ