ଭୁବନେଶ୍ବର, ୪।୫ ରାଜ୍ୟରେ ଗ୍ରୀଷ୍ମର ପ୍ରକୋପ ବଢିବାରେ ଲାଗିଛି। ପାରଦ ଦିନକୁ ଦିନ ବଢିବାରେ ଲାଗିଛି। ତାତିର ପ୍ରବାହରେ ଜଳୁଛି ସହର । ଦିନକୁ ଦିନ ସହର ଗୁଡିକରେ ତାପମାତ୍ରା ବୃଦ୍ଧି ପାଉଛି । ଟାଣ ଖରା ସହ ଝାଞ୍ଜି ପବନ ଜନଜୀବନକୁ ଅସ୍ତବ୍ୟସ୍ତ କରି ପକାଉଛି। ସୋମବାର ୧୯ଟି ସହରରେ ତାପମାତ୍ରା ୪୦ ଡିଗ୍ରୀ ଉପରେ ରହିଥିଲା। ବଲାଙ୍ଗୀରରେ ସର୍ବାଧିକ ତାପମାତ୍ରା ରେକର୍ଡ କରାଯାଇଥିଲା। ବଲାଙ୍ଗୀରରେ ପାରଦ ୪୪.୫ ଡିଗ୍ରୀରେ ପହଞ୍ଚିଥିଲା।
ସେହିପରି ଟିଟିଲାଗଡରେ ୪୪ ଡିଗ୍ରୀ, ବୌଦ୍ଧ ୪୩.୫, ଝାରସୁଗୁଡା ୪୩.୪, ଭବାନୀପାଟଣା ଓ ବରଗଡ ୪୩ ଡିଗ୍ରୀ, ସୁନ୍ଦରଗଡ ୪୨.୯ ଡିଗ୍ରୀ, ରାଉରକେଲା ୪୨.୬ ଡିଗ୍ରୀ, ମାଲକାନଗିରି ୪୨.୫, ସୋନପୁର ୪୨.୩, ଅନୁଗୁଳ ୪୨.୧ ଓ ହୀରାକୁଦ ୪୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି।
