ପ୍ରମୁଖ ଖବର
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଯେଉଁ ଚୋର ପାଖରୁ ମିଳିଲା ୨୦ ଲକ୍ଷ ଟଙ୍କାର ମୋବାଇଲ , ତାକୁ ମିଳୁଥିଲା ୨୫ ହଜାର ଦରମା

ଅହମ୍ମଦାବାଦ : ଗୁଜରାଟର ଅହମ୍ମଦାବାଦରେ ଲୋକାଲ କ୍ରାଇମ୍‌ ବ୍ରାଞ୍ଚକୁ ମିଳିଛି ବଡ଼ ସଫଳତା। ମୋବାଇଲ ଚୋରି ଅଭିଯୋଗରେ ଦୁଇ ଜଣ ଲୋକଙ୍କୁ କରିଛି ଗିରଫ। ପଚରାପଚରିରେ ଏହି ଚୋରମାନେ ଯେଉଁ ଖୁଲାସା କରିଛନ୍ତି , ତାହା ବି ଆଶ୍ଚର୍ଯ୍ୟ କରିବା ଭଳି। ଏହି ଦୁଇ ଜଣେ ଚୋର ଏହି ଚୋରି କାମ ମାସିକ ଦରମା ନେଇ କରୁଥିଲେ। ଝାଡ଼ଖଣ୍ଡରେ ରହୁଥିବା ଏହି ଦୁଇ ଯୁବକଙ୍କୁ ପ୍ରତି ମାସରେ ୨୫-୨୫ ହଜାର ଟଙ୍କା ଲେଖାଏଁ ଦରମା ମିଳୁଥିଲା। ତାଙ୍କ ପାଖରୁ ପାଖାପାଖି ୨୦ ଲକ୍ଷ ଟଙ୍କା ଦାମ୍‌ର ଫୋନ୍‌ ଜବତ କରିଛି ପୁଲିସ। 

କ୍ରାଇମ୍‌ ବ୍ରାଞ୍ଚ ଯେଉଁ ଦୁଇ ଅଭିଯୁକ୍ତଙ୍କୁ ଗିରଫ କରିଛି, ସେମାନେ ହେଲେ ଅବିନାଶ ମହତୋ (୧୯) ଓ ଶ୍ୟାମ୍‌ କୁର୍ମୀ (୨୬)। ଯିଏକି ଝାଡ଼ଖଣ୍ଡ ନିବାସୀ। ପଚରାପଚରିରେ ଜଣାପଡିଥିଲା କି, ଉଭୟଙ୍କୁ ଅବିନାଶର ବଡ଼ ଭାଇ ପିଣ୍ଟୁ ମହତୋ ଓ ରାହୁଲ ମହତୋ ଚୋରି କାମ ପାଇଁ ଚାକିରିରେ ରଖିଥିଲେ। ତାଙ୍କୁ ଫୋନ୍‌ ଚୋରି ପାଇଁ ନେପାଳ ଓ ବାଂଲାଦେଶ ଯାଏ ବି ପଠାଯାଉ ଥିଲା।

ଝାଡ଼ଖଣ୍ଡରେ ଶ୍ରମିକ ଭାବେ କାମ କରୁଥିବା ଶ୍ୟାମ ଓ ଅବିନାଶଙ୍କୁ ମୋବାଇଲ ଚୋରି କରିବାକୁ ୪୫ ଦିନର ଟ୍ରେନିଂ ମଧ୍ୟ ଦିଆଯାଇ ଥିଲା। ଦୁହେଁ ଏକା ସାଥିରେ ମିଶି ଜନ ଗହଳିପୂର୍ଣ୍ଣ ସ୍ଥାନରେ ଚୋରି କରୁଥିଲେ। ଏଥିରୁ ଜଣେ ଲୋକଙ୍କର ଧ୍ୟାନ ଭଙ୍ଗ କରୁଥିବା ବେଳେ , ଆଉ ଜଣେ ମୋବାଇଲ ଚୋରି କରି ଦୌଡ଼ି ଫେରାର ହୋଇ ଯାଉଥିଲା।

ଅଭିଯୁକ୍ତମାନେ ସ୍ୱୀକାର କରିଛନ୍ତି କି, ସେ ଅହମ୍ମଦାବାଦ , ଗାନ୍ଧୀନଗର , ବଦୋଦରା , ଆନନ୍ଦ ଓ ରାଜକୋଟରେ ମୋବାଇଲ ଫୋନ୍ ଚୋରି କରୁଥିଲେ। ପୁଲିସ ଏହି ଅଞ୍ଚଳରେ ମୋବାଇଲ ଚୋରିର ୧୯ଟି କେସ୍‌ ରୁଜୁ କରିଥିଲା। ଅଭିଯୁକ୍ତମାନେ କହିଛନ୍ତି ଯେ, ତାଙ୍କୁ ସୁରତରେ ରେଲୱେ ଷ୍ଟେସନ ପାଖରେ ରହୁଥିବା ଠିକଣା ଦିଆଯାଇ ଥିଲା। ଏହାସହ ତାଙ୍କୁ ପ୍ରତି ମାସରେ ୨୫ ହଜାର ଟଙ୍କା ଦରମା ଦିଆ ଯାଉ ଥିଲା। ସେ ଚୋରି କରି ସବୁ ମାଲ୍‌ ନିଜ ମାଲିକଙ୍କୁ ଦେଉ ଥିଲେ। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.