ଦିଲ୍ଲୀ,୧୧/୦୮: ଦିଲ୍ଲୀର ଏକ ଫ୍ୟାସନ ସୋ’ରେ ସିଦ୍ଧାର୍ଥ ମଲହୋତ୍ରା ଶାନ୍ତନୁ ଏବଂ ନିଖିଲଙ୍କ ପାଇଁ ରନୱେ ଷ୍ଟାର୍ଟ କରିଥିଲେ । ଅଭିନେତା ଏକ ଭିନ୍ନ ଷ୍ଟାଇଲରେ ନଜର ଆସିଥିଲେ । ଏହି ସମୟରେ ସିଦ୍ଧାର୍ଥଙ୍କ କୋ ମଡେଲ୍ ଆଲିସିଆ ତାଙ୍କ ସହ ମଞ୍ଚରେ ଫ୍ଲର୍ଟ କରିଥଲେ । ପରେ ଇନଷ୍ଟାଗ୍ରାମରେ ସିଦ୍ଧାର୍ଥଙ୍କ ପତ୍ନୀ କିଆରା ଆଡଭାନୀଙ୍କୁ କ୍ଷମା ମାଗିଛନ୍ତି । 

ଫ୍ୟାସନ ସୋ’ରୁ ସିଦ୍ଧାର୍ଥ ଏବଂ ଆଲିସିଆଙ୍କର ଭିଡିଓ ଭାଇରାଲ ହୋଇଥିଲା । ସେହି ଭିଡିଓରେ ଆଲିସିଆ ସିଦ୍ଧାର୍ଥଙ୍କ ବ୍ଲେଜର୍‌ ଟାଣୁଥିବାର ଦେଖିବାକୁ ମିଳିଛି । କେବଳ ସେତିକି ନୁହେଁ, ଷ୍ଟେଜ୍‌ରେ ସେ ସିଦ୍ଧାର୍ଥଙ୍କୁ ଫ୍ଲର୍ଟ କରୁଥିବାର ମଧ୍ୟ ଦେଖାଯାଇଥିଲା । ସିଦ୍ଧାର୍ଥଙ୍କର ଏହି ସୋ’ ଦେଖିବାକୁ ତାଙ୍କ ମା' ଓ ଭାଇ ମଧ୍ୟ ଆସିଥିଲେ । 

ମଡେଲ ଆଲିସିଆ ନିଜ ଇନଷ୍ଟାଗ୍ରାମର ଷ୍ଟୋରୀରେ ସୋ’ର ଅନେକ ଫଟୋ ଓ ଭିଡିଓ ପୋଷ୍ଟ କରିଥିଲେ । ଷ୍ଟେଜ୍ ଉପରେ ସିଦ୍ଧାର୍ଥଙ୍କ ସହ ଏଭଳି ବ୍ୟବହାର କରିଥିବାରୁ ପରେ ଆଲିସିଆ କିଆରାଙ୍କୁ କ୍ଷମା ମାଗିବା ସହ #ସରିକିଆରା ଲେଖିଛନ୍ତି । ପରେ ଏକ ସାକ୍ଷାତକାରରେ ଏ ବାବଦରେ ଆଲିସିଆ କହିଛନ୍ତି ଯେ, ଯେହେତୁ ମୁଁ ଜଣେ ମଡେଲ ଏସବୁ ଆମ ପାଇଁ ସାଧାରଣ କଥା । ଆମ ପ୍ରଫେସନ୍ରେ‌ରେ ଏଭଳି କରିବାକୁ ପଡ଼େ । ଆଲିସିଆ ସିଦ୍ଧାର୍ଥଙ୍କ ସହ ‘୩୬୫ ଡେଜ୍’ ଫିଲ୍ମର ରିମେକ୍ ପାଇଁ ଇଚ୍ଛା ପ୍ରକାଶ କରିଥିବା ଏହି ସାକ୍ଷାତକାରରେ କହିଛନ୍ତି ।