ମାଲକାନଗିରି,୨୪/୨ ଆଜି ମାଲକାନଗିରି ଜିଲ୍ଲା ସଦରରେ ଥିବା ନୋଡାଲ ଉଚ୍ଚ ବିଦ୍ୟାଳୟ ପରିସରରେ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଯେଉଁଥିରେ ଜିଲ୍ଲାକୁ ମିଳିଲା ୧୦୪୭ ପୁରସ୍କାର। ଭାରପ୍ରାପ୍ତ ଜିଲ୍ଲା ଶିକ୍ଷା ଅଧିକାରୀ ତଥା ସହକାରୀ ଜିଲ୍ଲାପାଳ ଉମା ପ୍ରସାଦ ଦାସଙ୍କ ଅଧକ୍ଷତାରେ ଏହି ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ବେଦବର ପ୍ରଧାନ, ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ତ୍ରିନାଥ ମାଝି, ଉପ ଜିଲ୍ଲାପାଳ ଦୁର୍ଯୋଧନ ଭୋଇ ଏବଂ ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡ.ଧନେଶ୍ଵର ମହାପାତ୍ର ପ୍ରମୁଖ ମଞ୍ଚାସୀନ ଥିଲେ । ଏହି ଅବସରରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଚିତ୍ତରଞ୍ଜନ ପାଣ୍ଡେ କାର୍ଯ୍ୟକ୍ରମ ପରିଚାଳନା କରିଥିଲେ । ଏହି ଅବସରରେ ୪୭ଜଣ ଛାତ୍ରଛାତ୍ରୀଙ୍କୁ ଜିଲ୍ଲାସ୍ତରୀୟ ଓ ୭୦୮ ଜଣ ଛାତ୍ର ଛାତ୍ରୀଙ୍କୁ ବ୍ଲକ ସ୍ତରୀୟ ଏକାଡେମି ପୁରସ୍କାର ପ୍ରାଦାନ କରଯାଇଥିଲା । ସେହିପରି ୨୧୬ ଜଣଙ୍କୁ ଛାତ୍ର ନେତୃତ୍ଵ ପୁରସ୍କାର ପ୍ରଦାନ କରଯାଇଥିଲା । ଜିଲ୍ଲାର ବିଭିନ୍ନ ସ୍ତରରେ ୪୯ଟି ବିଦ୍ୟାଳୟକୁ ପୁରସ୍କାର, ୭ଟି ବିଦ୍ୟାଳୟକୁ ଆଳୁମୁନି ପୁରସ୍କାର, ୭ଟି ବିଦ୍ୟାଳୟ ପରିଚାଳନା କମିଟିକୁ ଉତ୍ତମ ପ୍ରଦର୍ଶନ ପାଇଁ ପୁରସ୍କାର, ଜିଲ୍ଲାର ବିଭିନ୍ନ ବିଦ୍ୟାଳୟର ୧୪ଜଣଙ୍କୁ ଉତ୍ତମ କାର୍ଯ୍ୟ ପାଇଁ ପୁରସ୍କାର ପ୍ରଦାନ କରଯାଇଥିଲା । ଏହି ପୁରସ୍କାର ମଧ୍ୟରେ ବିଶେଷ କରି ଜିଲ୍ଲା ସଦର ବ୍ଲକସ୍ତ ଏମଭି ୭ ଜଗନ୍ନାଥପାଲି ଉଚ୍ଚ ବିଦ୍ୟାଳୟକୁ ସର୍ବାଧୀକ ମୋଟ ୮୦ଟି ବିଭିନ୍ନ ବିଭାଗର ପୁରସ୍କାର ମିଳିଛି । ଯେଉଁଥିରେ ଜିଲ୍ଲା ସ୍ତରୀୟ ୨୦ଟି ଓ ବ୍ଲକ ସ୍ତରରେ ୬୦ଟି ପୁରସ୍କାର ମିଳିଛି ।ଏହି ଅବସରରେ ବିଭିନ୍ନ ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିବା ବେଳେ ଜିଲ୍ଲାର ପ୍ରାୟ ୨୦୦୦ରୁ ରୁଧ୍ଵ ଛାତ୍ର ଛାତ୍ରୀ, ଅଭିଭାବକ ଓ ବିଦ୍ୟାଳୟ ପରିଚଳନା କମିଟିର ସଦସ୍ୟ ଯୋଗ ଦେଇଥିଲେ ।