ନୂଆଦିଲ୍ଲୀ,୧୫/୦୯: ବ୍ରୁସେଲ୍ସରେ ଆୟୋଜିତ ଡାଇମଣ୍ଡ ଲିଗ୍ ଫାଇନାଲରେ ଅଳ୍ପକେ ଚମ୍ପିଆନ ହେବାରୁ ବଞ୍ଚିତ ହେଲେ ନୀରଜ ଚୋପ୍ରା । ସେ ୮୭.୮୬ ମିଟର ଜାଭେଲିନରେ ଦ୍ବିତୀୟ ସ୍ଥାନରେ ରହିଛନ୍ତି । ମାତ୍ର ଗୋଟିଏ ପଏଣ୍ଟ ପଛରେ ରହିବାରୁ ପ୍ରଥମ ସ୍ଥାନରୁ ଗୋଟିଏ ପାଦ ପଛରେ ରହିଗଲେ ନୀରଜ । ପିଟରସନ ୮୭.୮୭ ମିଟର ଜାଭେଲିନ ଥ୍ରୋ କରି ପ୍ରଥମ ସ୍ଥାନରେ ରହିଥିଲେ । ଜୁଲିଆନ ଓ୍ବେବର ୮୫.୯୭ ମିଟର ଜାଭେଲିନ ଫିଙ୍ଗି ତୃତୀୟ ସ୍ଥାନରେ ରହିଛନ୍ତି । ତେବେ ୦.୦୧ ମିଟର ପ୍ରାର୍ଥକ୍ୟରେ ଅଳ୍ପକେ ଚମ୍ପିଆନ ହେବାରୁ ବଞ୍ଚିତ ହୋଇଗଲେ ନୀରଜ ଚୋପ୍ରା । ପିଟରସନଙ୍କ ମଧ୍ୟରେ ଜୋରଦାର ଟକ୍କର ଦେଖିବାକୁ ମିଳିଥିଲା । ନୀରଜ ପ୍ରଥମ ପ୍ରୟାସରେ ୮୬.୮୨ ମିଟର ଜାଭେଲିନ ଥ୍ରୋ କରିଥିଲେ । ଦ୍ବିତୀୟରେ ୮୩.୪୯, ତୃତୀୟରେ ୮୭.୮୬ ମିଟର ଜାଭେଲିନ ଥ୍ରୋ କରିଥିଲେ ।
ସେହିପରି ପିଟରସନ ପ୍ରଥମ ପ୍ରୟାସରେ ୮୭.୮୭ ମିଟର ଜାଭେଲିନ ଥ୍ରୋ କରି ପ୍ରଥମ ସ୍ଥାନରେ ରହିଥିଲେ । ଫଳରେ ୦.୦୧ ମିଟର ପଛରେ ରହି ନୀରଜ ଦ୍ବିତୀୟ ସ୍ଥାନ ଅଧିକାର କରିଥିଲେ । ଏହି ଦୁଇ ଜଣଙ୍କୁ ଛାଡି ଦେଲେ ଅନ୍ୟ କେହି ଜାଭେଲିନ ଫିଙ୍ଗାଳୀ ୮୬ମିଟର ଅତିକ୍ରମ କରିପାରିନଥିଲେ । ତେବେ ପ୍ରଥମ ଭାରତୀୟ ଭାବେ ୨୦୨୨ରେ ଡାଇମଣ୍ଡ ଲିଗ ଜିତିଥିଲେ ନୀରଜ । ସେହିପରି ୨୦୨୩ରେ ମଧ୍ୟ ଦ୍ବିତୀୟ ସ୍ଥାନରେ ରହିଥିଲେ । ପଞ୍ଚମ ଥର ପାଇଁ ଡାଇମଣ୍ଡ ଲିଗ୍ର ଫାଇନାଲରେ ପହଞ୍ଚିଥିଲେ ନୀରଜ । ୨୦୧୭ରେ ପ୍ରଥମେ ଖେଳି ସପ୍ତମ ସ୍ଥାନରେ ରହିଥିଲେ । ଚଳିତ ମାସ ମେରେ ଖେଳାଯାଇଥିବା ଦୋହା ଲିଗ୍ରେ ଦ୍ବିତୀୟ ଓ ଅଗଷ୍ଟ ମାସରେ ଖେଳାଯାଇଥିବା ଲୁସାନେ ଡାଇମଣ୍ଡ ଲିଗରେ ଚତୁର୍ଥ ସ୍ଥାନରେ ରହିଥିଲେ ନୀରଜ ।
