ପ୍ରମୂଖ ଖବର
  • ଭୁବନେଶ୍ଵର : ୨୨ରୁ ବଜେଟ ଅଧିବେଶନ, ସରକାର ବନାମ ନବୀନଙ୍କ ଛାୟା ମନ୍ତ୍ରିମଣ୍ଡଳ ଲଢ଼େଇ
  • ||
  • ଆଜି ରସଗୋଲା ଦିବସ, ଜିଆଇର ୫ ବର୍ଷ ପରେ ବ୍ରାଣ୍ଡିଂ ନାହିଁ, ସରକାର ନିରବ
  • ||

ନେଦରଲାଣ୍ଡ୍‌ସ ପ୍ରଧାନମନ୍ତ୍ରୀ ମାର୍କ ରୁଟ୍ ହେବେ ନାଟୋ ମୁଖ୍ୟ, ଅକ୍ଟୋବର ୧ରୁ ଜେନ୍ସ ଷ୍ଟୋଲଟେନ୍‌ବର୍ଗଙ୍କ ସ୍ଥାନ ନେବେ

ବ୍ରୁସେଲ୍ସ,୨୭/୦୬: ନେଦରଲାଣ୍ଡ୍‌ସ ପ୍ରଧାନମନ୍ତ୍ରୀ ମାର୍କ ରୁଟ୍‌ ଦୁନିଆର ସବୁଠୁ ଶକ୍ତିଶାଳୀ ସାମରିକ ମେଣ୍ଟ ନର୍ଥ ଆଟ୍‌ଲାଣ୍ଟିକ୍‌ ଟ୍ରିଟି ଅର୍ଗାନାଇଜେଶନ(ନାଟୋ) ମହାନିର୍ଦ୍ଦେଶକ ହେବେ ବୋଲି ନର୍ଥ ଆଟଲାଣ୍ଟିକ୍‌ କାଉନସିଲ ନିଷ୍ପତ୍ତି  ନେଇଛି । ଅକ୍ଟୋବର ୧ରୁ ସେ ଜେନ୍ସ ଷ୍ଟୋଲଟେନ୍‌ବର୍ଗଙ୍କ ସ୍ଥାନ ନେବେ । ଷ୍ଟୋଲଟେନ୍‌ବର୍ଗଙ୍କ ୧୦ ବର୍ଷର କାର୍ଯ୍ୟକାଳ  ଏହି ଦିନ ଶେଷ ହେଉଛି । ଏହି ପଦ ଦୌଡ଼ରେ ରୋମାନିଆ  ରାଷ୍ଟ୍ରପତି କ୍ଲସ୍‌ ଇଓହାନିସ୍‌ ମଧ୍ୟ  ଥିଲେ । କିନ୍ତୁ ଗତ ସପ୍ତାହରେ  ସେ ଏହି ଦୌଡ଼ରୁ ନିଜ ନାଁ  ପ୍ରତ୍ୟାହାର କରି ନେଇଥିଲେ । ଫଳରେ ମାର୍କ ରୁଟ୍‌ ନାଟୋ  ମହାନିର୍ଦ୍ଦେଶକ ବନିବା ରାସ୍ତା  ସଫା ହୋଇଥିଲା । ଦେଖିବାକୁ  ଗଲେ ପ୍ରଧାନମନ୍ତ୍ରୀ ଭାବେ ମାର୍କ  ରୁଟ୍‌ଙ୍କ କାର୍ଯ୍ୟକାଳ ନିକଟରେ  ଶେଷ ହେବାକୁ ଯାଉଛି । 

ରୁଷ୍‌-ୟୁକ୍ରେନ୍‌ ଯୁଦ୍ଧ ଚାଲିଥିବା  ସମୟରେ ଏହି ଗୁରୁତ୍ୱପୂର୍ଣ୍ଣ ପଦବୀରେ ଦାୟିତ୍ୱ ନେବାକୁ  ଯାଉଛନ୍ତି । ୟୁକ୍ରେନ୍‌ ଯୁଦ୍ଧରେ ରୁଷ୍‌କୁ ରୋକିବା ତାଙ୍କ  ଆଗରେ ବଡ଼ ଚାଲେଞ୍ଜ ରହିଛି । ନାଟୋ ମହାନିର୍ଦ୍ଦେଶକ  ଅନ୍ତର୍ଜାତୀୟ ଜନସେବା ପ୍ରତିନିଧି । ସେ ନାଟୋର ସମସ୍ତ  ଗୁରୁତ୍ୱପୂର୍ଣ୍ଣ କମିଟିର ଅଧ୍ୟକ୍ଷ ହୋଇଥାନ୍ତି । ଏଥିସହ ନାଟୋର  ସବୁ ନିଷ୍ପତ୍ତିରେ ତାଙ୍କ ଭୂମିକା ମହତ୍ତ୍ୱପୂର୍ଣ୍ଣ । ଏବେ ନାଟୋକୁ  ଆହୁରି ମଜଭୁତ କରିବା ତାଙ୍କର ପ୍ରମୁଖ କାମ ହେବ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.