ଭୁବନେଶ୍ଵର, ୦୯/୧୧ : ରାଜ୍ୟରେ ଖସୁଛି ପାରଦ। ବଢୁଛି ଶୀତ। କନ୍ଧମାଳ ଜିଲ୍ଲାରେ ୧୦ ଡିଗ୍ରୀ ତଳକୁ ଖସିଲା ପାରଦ। ସେହିପରି ଜି.ଉଦୟଗିରିରେ ରାତ୍ରି ତାପମାତ୍ରା ୯ ଡିଗ୍ରୀ ରେକର୍ଡ ହୋଇଛି। ଟ୍ଵିନ୍ ସିଟିରେ ମଧ୍ୟ ୨୦ ଡିଗ୍ରୀ ତଳକୁ ଖସିଲା ପାରଦ। କଟକରେ ତାପମାତ୍ରା ୧୯ ଓ ଭୁବନେଶ୍ଵରରେ ୧୮.୫ ଡିଗ୍ରୀ ରେକର୍ଡ ହୋଇଛି।
ସୂଚନାନୁଯାୟୀ, କୋରାପୁଟ ଜିଲ୍ଲାରେ ୧୧.୫ ଡିଗ୍ରୀ ରେକର୍ଡ ହୋଇଥିବା ବେଳେ ସେମିଳିଗୁଡ଼ାରେ ୧୧.୫ ଡିଗ୍ରୀ, ଫୁଲବାଣୀରେ ୧୨ ଡିଗ୍ରୀ, ଦାରିଙ୍ଗବାଡ଼ିରେ ୧୨.୫ ଡିଗ୍ରୀ, କିରେଇରେ ୧୩.୨ ଡିଗ୍ରୀ, କେନ୍ଦୁଝରରେ ୧୪.୮ ଡିଗ୍ରୀ, ଭବାନୀପାଟଣାରେ ୧୫ ଡିଗ୍ରୀ, ହୀରାକୁଦରେ ୧୫.୧ ଡିଗ୍ରୀ, ଝାରସୁଗୁଡ଼ାରେ ୧୫.୪ ଡିଗ୍ରୀ ରେକର୍ଡ ହୋଇଛି।
