ଭୁବନେଶ୍ୱର,୦୩/୦୩: ଏକ ମୌଳିକ କାହାଣୀକୁ ନେଇ  ଲୁମ୍ବିନୀ ପ୍ରଡକ୍ସନ୍ସ ନିର୍ମିତ ଓଡ଼ିଆ ଚଳଚ୍ଚିତ୍ର "ଅପରେସନ୍‌ ୧୨/୧୭’  ଆସନ୍ତା ୮ ତାରିଖ ବିଶ୍ୱ ମହିଳା ଦିବସରେ ସାରା ଓଡ଼ିଶାର ବିଭିନ୍ନ ପ୍ରେକ୍ଷାଳୟାରେ ମୁକ୍ତିଲାଭ କରିବାକୁ ଯାଉଛି । ଏହି ଅବସରରେ ବିଭିନ୍ନ  ସ୍ଥାନରେ ସିନେମାରେ ପ୍ରଚାର, ପ୍ରସାର ଜାରି ରହିଛି । 

ଚଳଚ୍ଚିତ୍ରର ଅଭିନେତା ଶ୍ରେୟାନ, ଅଭିନେତ୍ରୀ ଭୂମିକା,  ଅଭିନେତା ଅମର, କାହାଣୀକାର ଦ୍ୱୀପାୟନ ପଟ୍ଟନାୟକ, କ୍ରିଏଟିଭ୍‌  ହେଡ୍‌ ପ୍ରଣୟ ଜେଠୀ ପ୍ରମୁଖ ବିଭିନ୍ନ କଲେଜରେ ପହଞ୍ଚି ଛାତ୍ରଛାତ୍ରୀଙ୍କ  ଗହଣରେ ନାଚ, ଗୀତ ଓ ସଂଳାପ ମାଧ୍ୟମରେ  ଚଳଚ୍ଚିତ୍ରର ପ୍ରଚାର, ପ୍ରସାର କରିଛନ୍ତି ।  ଏହି ଚଳଚ୍ଚିତ୍ରର ପ୍ରଯୋଜନା କରିଛନ୍ତି ଶୁଭ୍ରା  ପଟ୍ଟନାୟକ । କାହାଣୀ ଦ୍ୱୀପାୟନ ପଟ୍ଟନାୟକ, ସଂଳାପ ଦିଲ୍ଲୀପ ଚୌଧୁରୀ, ନିର୍ଦ୍ଦେଶନା ସୁଧାଂଶୁ  ମାହନ ସାହୁ ଓ ସଙ୍ଗୀତ ଦେଇଛନ୍ତି ବୈଦ୍ୟନାଥ ଦାଶ । ଚିତ୍ରତ୍ତୋଳନ ପ୍ରଶାନ୍ତନୁ ମହାପାତ୍ର, ସମ୍ପାଦନା ଓ ଲାଇନ ପ୍ରଡୁସର ଅମର ମହାପାତ୍ର ରହିଛନ୍ତି । ସିନେମାକୁ ଦର୍ଶକ ସମର୍ଥନ ଓ ଭଲପାଇବା ଦେଇ ହଲ୍‌ ଆସି ଦେଖିବେ । ପ୍ରତି  ଶୋ’ ହାଉସ୍‌ଫୁଲ୍‌ କରି ରେକର୍ଡ କରିବେ ବୋଲି ପ୍ରଯୋଜନା ସଂସ୍ଥା ନିବେଦନ ସହ ସିନେମାକୁ  ନେଇ ବହୁତ ଆଶା ରଖିଛି।