ଭୁବନେଶ୍ୱର ୨୨/୦୮ : ବିଧାନସଭା ବଜେଟ ଅଧିବେଶନ ତୃତୀୟ ଦିନ। ପ୍ରଥମେ ପ୍ରଶ୍ନକାଳ ପରେ ଶୂନ୍ୟକାଳରେ ବିରୋଧୀଙ୍କ ହଙ୍ଗାମା। ବିଭିନ୍ନ ପ୍ରସଙ୍ଗକୁ ନେଇ ବିରୋଧି ଚଳାଇ ଦେଲେନି ଗୃହ।  ଅପରାହ୍ନ ୪ଟା ଯାଏଁ ବିଧାନସଭା ମୁଲତବୀ ଘୋଷଣା କଲେ ବାଚସ୍ପତି ସୁରମା ପାଢୀ ।

ଆଜି ଗୃହରେ ପ୍ରଶ୍ନକାଳ ଆରମ୍ଭ ହେବା ମାତ୍ରେ ହୋହାଲ୍ଲା କରିଥିଲେ ବିରୋଧୀ ସଦସ୍ୟ । କଂଗ୍ରେସ ଇଡି ରେଡ୍ ପ୍ରସଙ୍ଗରେ ନାରାବାଜି କରୁଥିବା ବେଳେ ବିଜେଡି ଚିକିଟି ମଦ ମୃତ୍ୟୁ ଘଟଣାରେ ଅବକାରୀ ମନ୍ତ୍ରୀଙ୍କ ଇସ୍ତଫା ଦାବି କରିଥିଲେ । ଯାହାଫଳରେ ଗୃହ କାର୍ଯ୍ୟ ଆରମ୍ଭ ହେବା ମାତ୍ର ଅଚଳ ହୋଇଥିଲା । ଏହା ପରେ ବାଚସ୍ପତି ପ୍ରଥମେ ଗୃହକୁ ୧୧ ଟା ୩୦ ଯାଏଁ ମୁଲତବୀ ଘୋଷଣା କରିଥିଲେ । ମୁଲତବୀ ସମୟ ପରେ ପୁଣି ଗୃହ କାର୍ଯ୍ୟ ଆରମ୍ଭ ହୋଇଥିଲା । ହେଲେ ବିରୋଧୀ ସଦସ୍ୟ ସମାନ ପ୍ରସଙ୍ଗ ନେଇ ହଟ୍ଟଗୋଳ ଜାରି ରଖିଥିଲେ । ଶେଷରେ ବାଚସ୍ପତି ଗୃହକୁ ଅପରାହ୍ନ ୪ଟା ଯାଏଁ ମୁଲତବୀ ଘୋଷଣା କରିଥିଲେ ।