ଭୁବନେଶ୍ୱର,୩୧/୦୫: ନିର୍ବାଚନ ପୂର୍ବରୁ ଅଶାନ୍ତ ହୋଇଛି ଭଦ୍ରକ । ବିଜେପି ରାଜ୍ୟ ଯୁବମୋର୍ଚ୍ଚା ସଭାପତି ଅଭିଳାଷ ପଣ୍ଡାଙ୍କୁ ମରଣାନ୍ତ ଆକ୍ରମଣ ଅଭିଯୋଗ। ଦୁର୍ବୃତ୍ତଙ୍କ ଆକ୍ରମଣରେ ଅଭିଳାଷଙ୍କ ମଣ୍ଡ ଫାଟିଥିବା ବେଳେ କାର ଭାଙ୍ଗିଛି। ଏହି ଘଟଣାରେ ଥାନରେ ଅଭିଯୋଗ ପରେ ୫ ଜଣଙ୍କୁ ଗିରଫ କରିଛି ବାଂଶଡ଼ା ପୋଲିସ।

ସୂଚନା ମୁତାବିକ,ଗୁରୁବାର ସଂଧ୍ୟାରେ ପ୍ରଚାର ସରିଥିଲା । ଏହାପରେ  ବିଜେପି ରାଜ୍ୟ ଯୁବମୋର୍ଚ୍ଚା ସଭାପତି ଶ୍ରୀ ପଣ୍ଡା କେତେକ ସହଯୋଗୀଙ୍କୁ ଧରି  କରଞ୍ଜମାଳ ପଞ୍ଚାୟତରେ ଅଭିମୁଖେ ଗାଡିରେ ଯାଉଥିଲେ। ଦୁର୍ବୃତ୍ତମାନେ ଆସି ଅଭିଳାଷ ପଣ୍ଡା ଓ ତାଙ୍କ ସହଯୋଗୀ ମରଣାନ୍ତ ଆକ୍ରମଣ କରିଥିଲେ ।ଯେଉଁଥିରେ ଅଭିଳାଷଙ୍କ ମୁଣ୍ଡ ଫାଟି ଯାଇଥିଲା। ଏଥି ସହିତ ତାଙ୍କ କାର କାଚ ମଧ୍ୟ ଭାଙ୍ଗାରୁଜା କରିିଥିଲେ ଦୁର୍ବୃତ୍ତ। ଅଭିଳାଷଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ବାସୁଦେବପୁର ମେଡିକାଲରେ ଭର୍ତ୍ତି କରାଯାଇଥିଲେ। ପରେ ଏନେଇ ବିଜେପି ପକ୍ଷରୁ ବାଂଶଡ଼ା ଥାନରେ ଅଭିଯୋଗ କରାଯାଇଥିଲା। ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ବିଭିନ୍ନ ସ୍ଥାନରେ ଚଢ଼ାଉ କରି ୫ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ।