ଉମରକୋଟ,୩୦/୦୯: ପାହାଡ଼ ଉପରେ ପୁଣି ବୁଲିଲା ୩ଟି କଲରାପତରିଆ ବାଘ ଏବଂ ଗୋଟିଏ ଭାଲୁ । ସୋସ୍ଆଲ ମିଡିଆରେ ଭିଡିଓ ଭାଇରାଲ । ଛତିଶଗଡ ରାଜ୍ୟ ଓଡିଶା ସୀମାନ୍ତ କାଁକେର ଜିଲ୍ଲା ସଦର ଠାରୁ ମାତ୍ର ପାଞ୍ଚ କିଲୋମିଟର ଦୁରରେ ଥିବା ଡୁମାଲି ଗାଁରେ ଏଭଳି ଦୃଶ୍ୟ ଦେଖିବାକୁ ମିଳିଛି ।
ସୂଚନା ମୁତାବକ, ଡୁମାଲି ଗାଁରେ ରବିବାର ପାହାଡରେ ପୁଣି ଦେଖିବାକୁ ମିଳିଛି ୩ଟି କଲରାପତରିଆ ବାଘ ଏବଂ ଗୋଟାଏ ଭାଲୁ । ଫଳରେ ଏହି ଅଞ୍ଚଳରେ ଲୋକେ ଭୟଭୀତ ହୋଇଛନ୍ତି l ଏହା ଦେଖି ସ୍ଥାନୀୟଲୋକେ ବନବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗ ଟିମ୍ ଆଲର୍ଟ ରହିଥିବା ଜଣାପଡ଼ିଛି । ପାହାଡ ଉପରେ ତିନୋଟି କଲରାପତରିଆ ବାଘ ଏବଂ ତଳେ ଗୋଟାଏ ଭାଲୁ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କାଁକେର ସହରଠାରୁ ମାତ୍ର ପାଞ୍ଚ କିଲୋମିଟର ଦୂରରେ ଥିବା ଯୋଗୁଁ ଲୋକେ ଭୟଭୀତ ହୋଇ ରହିଛନ୍ତି ।
ତେବେ କିଛିଦିନ ପୂର୍ବରୁ ଦୁଇ ଶିଶୁଙ୍କୁ ଘର ଅଗଣାରୁ ଟେକି ନେଇ ଯାଇଥିଲା ବଣ୍ୟଜନ୍ତୁ । ତେବେ ପ୍ରଥମ ଥର ପାଇଁ ଏତେ ସଂଖ୍ୟାରେ ବାଘ ଦେଖିବା କାରଣରୁ ଏହି ଅଞ୍ଚଳରେ ଆତଙ୍କ ଖେଳିଯାଇଛି।
