ଭୁବନେଶ୍ୱର,୧୭/୦୯: ଆସନ୍ତା ୨୩ ତାରିଖରେ ଏକ  ଦେଶ ଏକ ନିର୍ବାଚନ ନେଇ ଗଠିତ  କମିଟିର ପ୍ରଥମ ବୈଠକ ବସିବ । କମିଟିର ମୁଖ୍ୟ ତଥା ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଏହି  ସୂଚନା ଦେଇଛନ୍ତି । ଏକ ଘରୋଇ ଇଞ୍ଜିନିୟରିଂ କଲେଜ କାର୍ଯ୍ୟକ୍ରମରେ ଯୋଗ ଦେବାକୁ ଭୁବନେଶ୍ୱର ଆସିବା ଅବସରରେ ସାମ୍ବାଦିକଙ୍କୁ  ସୂଚନା ଦେଇ ସେ ଏହା କହିଛନ୍ତି । 

ଦେଶରେ ଏକକ ନିର୍ବାଚନ  ପାଇଁ କେନ୍ଦ୍ର ସରକାର ଏକ କମିଟି  ଗଠନ କରିଛନ୍ତି । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ କମିଟିର ଅଧ୍ୟକ୍ଷ ନିଯୁକ୍ତି ଦେଇଛନ୍ତି କେନ୍ଦ୍ର ସରକାର । ଏହି କମିଟି ଗୋଟିଏ ଦେଶ, ଗୋଟିଏ  ନିର୍ବାଚନକୁ ନେଇ ସରକାରଙ୍କୁ ରିପୋର୍ଟ ଦେବେ । ବିଭିନ୍ନ ରାଜନୈତିକ  ଦଳମାନଙ୍କ ସହ ବୈଠକ କରି କମିଟି  ଏହି ରିପୋର୍ଟ ପ୍ରସ୍ତୁତ କରିବ ।