ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ବିଶ୍ବରେ ବଢ଼ୁଛି ଭାରତୀୟ ମଦର ଚାହିଦା, ବଜାରକୁ ଆସୁ ଆସୁ ସରିଯାଉଛି

ନୂଆଦିଲ୍ଲୀ: ଭାରତରେ ପ୍ରସ୍ତୁତ ମଦ ବିଶ୍ବ ବଜାରରେ ଧମାଲ କରୁଛି । ଡ୍ରିଙ୍କସ୍‌ ଇଣ୍ଟରନ୍ୟାସନାଲ୍‌ର ରିପୋର୍ଟ ଅନୁସାରେ, ବିଶ୍ବରେ ସବୁଠୁ ଅଧିକ ବିକ୍ରି ହେଉଥିବା ୩୦ଟି ମଦ (ସ୍ପିରିଟ୍‌) ବ୍ରାଣ୍ଡ ମଧ୍ୟରେ ଏକ ତୃତୀୟାଂଶ କେବଳ ଭାରତୀୟ ବ୍ରାଣ୍ଡ । ଭାରତରେ ମୋଟ ମଦ ବଜାରର ଦୁଇ ତୃତୀୟାଂଶ ହ୍ବିସ୍କ ।ହ୍ବିସ୍କ ସମେତ ଭାରତର ବ୍ରାଣ୍ଡି, ଭୋଦକା ଏବଂ ରମ ବ୍ରାଣ୍ଡସ୍‌କୁ ମଧ୍ୟ ଖୁବ ପସନ୍ଦ କରୁଛନ୍ତି ଲୋକେ । 

 ଭାରତ ଦୁନିଆର ଦ୍ବିତୀୟ ସବୁଠୁ ଅଧିକ ଲୋକସଂଖ୍ୟା ଥିବା ଦେଶ ଏବଂ ଆଗାମୀ ୫ ବର୍ଷ ମଧ୍ୟରେ ୧୦ କୋଟି ଲୋକ ମଦ୍ୟପାନ କରିବାର ଲିଗାଲ୍ ଏଜ୍‌ (ଆଇନଗତ ବୟସ)ରେ ପଦାର୍ପଣ କରିବେ । ଏଥିପାଇଁ ଦୁନିଆର ସବୁଠୁ ବଡ଼ ବଡ଼ ମଦ କମ୍ପାନି ଭାରତ ଉପରେ ଫୋକସ୍‌ କରୁଛନ୍ତି । ମିଲେନିୟର୍ସ କ୍ଲବ୍‌ର ରିପୋର୍ଟ ଅନୁସାରେ, ସର୍ବାଧିକ ଲୋକସଂଖ୍ୟାର ଦେଶ ହେବା ସହ ଭାରତ ସ୍ପିରିଟ୍‌ ବଜାରରେ ଏକ ଅଗ୍ରଣୀ ଦେଶ ଭାବରେ ପରିଚୟ ଲାଭ କରିଛି । 

 ଭାରତରେ ଏବେ ବି ଏମିତି ଅବକାରୀ ନିମୟ ରହିଛି ଯେଉଁଥିପାଇଁ ଏଠରେ ବେପାର କରିବା କଷ୍ଟ ହୋଇପଡ଼ୁଛି । ତତାପି ଏଠାରେ ସମ୍ଭାବନାର ଭଣ୍ଡାର ରହିଛି । ଆଲାଏଡ୍‌ ବ୍ଲେଣ୍ଡର୍ସ ଆଣ୍ଡ ଡିଷ୍ଟିଲର୍ସର ଆଇକୋନିକ୍‌ ହ୍ବାଇଟ୍‌ ହ୍ବିସ୍କର ବ୍ୟବସାୟ ୧୫ ହଜାର ପ୍ରତିଶତ ହାରରେ ବୃଦ୍ଧି ପାଇଛି । ଏହା ବ୍ୟତୀତ ବ୍ରାଣ୍ଡି ଏବଂ ରମ୍‌ ମଧ୍ୟ ଭଲ ବ୍ୟବସାୟ କରୁଛି । ତିଲକନଗର ଇଣ୍ଡଷ୍ଟ୍ରିଜ୍‌ର ନେପୋଲିୟନ୍‌ ଏବଂ ମ୍ୟାନସନ ହାଉସ୍‌ ବ୍ରାଣ୍ଡି, ରୋଡକି ଖେତାନର ବ୍ରାଣ୍ଡି ମୋର୍ଫିୟସ୍‌, ଭୋଦକା ମ୍ୟାଜିକ୍‌ ମୁମେଣ୍ଟସ୍‌ର ବ୍ୟବସାୟ ଜୋର ସୋରରେ ଜାରି ରହିଛି । ପରିମାଣ ହିସାବରେ ବିଶ୍ବରେ ଦ୍ରୁତ ହାରରେ ବିକ୍ରି ହେଉଥିବା ୩୦ଟି ହ୍ବିସ୍କ ବ୍ରାଣ୍ଡ ମଧ୍ୟରୁ ୧୩ଟି ବ୍ରାଣ୍ଡ ଭାରତର ବୋଲି ଜଣାପଡ଼ିଛି । 

ସୂଚନାଯୋଗ୍ୟ, ଆମେ ମଦ୍ୟପାନକୁ ପ୍ରୋତ୍ସାହନ କରୁନାହୁଁ ବରଂ ଏହା କେତେକ ରିପୋର୍ଟରୁ ସଂଗୃହୀତ ଏକ ଖବର । ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ଖବରକୁ ନେଇ ଏହାକୁ ଲେଖାହୋଇଛି । ମଦ୍ୟପାନ ସାସ୍ଥ୍ୟ ପକ୍ଷେ କ୍ଷତିକାରକ ।  

 

 

  • liquor
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.