ପ୍ରମୂଖ ଖବର
  • ଅପେକ୍ଷାର ହେଲା ଅନ୍ତ, ଖୋଲିଲା ଶ୍ରୀମନ୍ଦିର ବାହାର ରତ୍ନଭଣ୍ଡାର, ଭିତର ଭଣ୍ଡାର ଖୋଲିବାକୁ ଚାଲିଛି ପକ୍ରିୟା
  • ||
  • ଶ୍ରୀମନ୍ଦିରକୁ ପ୍ରବେଶ କଲେ ୧୧ ଜଣ ସଦସ୍ୟ, ଦିନ ୧ଟା ୨୮ରେ ଶୁଭ ମୁହୂର୍ତ୍ତରେ ଫିଟିବ ଭିତର ଭଣ୍ଡାର ତାଲା
  • ||
  • ଶ୍ରୀଲୋକନାଥଙ୍କ ସ୍ୱତନ୍ତ୍ର ପୂଜାର୍ଚ୍ଚନା ସମ୍ପନ୍ନ, ରତ୍ନଭଣ୍ଡାର ଖୋଲିବାକୁ ଆସିଲା ଆଜ୍ଞାମାଳ
  • ||
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ପଦ୍ମକେଶରପୁରରେ ବୋମାମାଡ଼ ମାମଲା: ଗିରଫ ଭୟରେ ଗାଁ ପୁରୁଷ ଶୂନ୍ୟ, ୩ ଅଟକ, ୨ ପ୍ଲାଟୁନ ଫୋର୍ସ ମୁତୟନ

ଚନ୍ଦ୍ରଶେଖରପୁର ୦୮/୦୭: ସୁଧ କାରବାରକୁ ନେଇ ମଞ୍ଚେଶ୍ୱର ଥାନା ପଦ୍ମକେଶରପୁରରେ ବୋମାମାଡ଼ ଓ ବୋତଲ ଫିଙ୍ଗା ମାମଲାରେ ଗ୍ରାମବାସୀଙ୍କୁ ଘାରିଛି ଗିରଫ ଭୟ । ରବିବାର ରାତିର ଘଟଣା ପରେ ଗାଁ ପୁରୁଷ ଶୂନ୍ୟ ହୋଇଯାଇଛି ।  ପୁଲିସ ବିଭିନ୍ନ ସ୍ଥାନରେ ଚଢ଼ଉ କରି ୩  ଜଣଙ୍କୁ ଉଠାଇ ଆଣିଛି । ଅନ୍ୟମାନଙ୍କୁ  ଗିରଫ କରିବାକୁ ବିଭିନ୍ନ ସ୍ଥାନରେ ଚଢାଉ  ଜାରି ରଖିଛି । 

ରବିବାର ସକାଳେ ପୁଲିସ  ଗାଁରେ ପଇଁତରା ମାରିବା ସହ ଶାନ୍ତି  ଶୃଙ୍ଖଳା ବଜାୟ ରଖିବାକୁ ମହିଳାମାନଙ୍କୁ  ନିବେଦନ କରିଛି । ଗାଁରେ ଉତ୍ତେଜନା  ଥମି ନଥିବାରୁ ୨ ପ୍ଲାଟୁନ୍‌ ପୁଲିସ ଫୋର୍ସ  ମୁତୟନ କରାଯାଇଛି । ଘରୁ ନବାହାରିବାକୁ  ଡାକବାଜି ଯନ୍ତ୍ରରେ ପ୍ରଚାର କରୁଛି ପୁଲିସ । 

ସୂଚନା ଥାଉକି, ସୁଧ କାରବାର ଓ  ରାଜନୀତିକୁ ନେଇ ଦୁଇଗୋଷ୍ଠୀ ଦୀର୍ଘ ୬ ମାସ  ହେବ ମୁହାଁମୁହିଁ ହୋଇଆସୁଛନ୍ତି । ଶନିବାର  ବିଳମ୍ବିତ ରାତିରେ ପୂର୍ବ କଥାକୁ ନେଇ ଆରମ୍ଭ  ହୋଇଥିଲା ବଚସା । ଗାଁର ତଳ ସାହି ଓ ମଝି  ସାହି ମଧ୍ୟରେ ଗଣ୍ଡଗୋଳ ଆରମ୍ଭ ହୋଇଥିଲା ।  ପରେ ପଥର, କାଚ ବୋତଲ ଓ ଘନଘନ  ବୋମା ମାଡ଼ ହୋଇଥିଲା । ଖାଲି ସେତିକି  ନୁହେଁ ହେଲ୍‌ମେଟ୍‌ ପିନ୍ଧି ଖଣ୍ଡା ଓ ଭୁଜାଲି  ଧରି ଗଳି କନ୍ଦିରେ ବୁଲି ଆତଙ୍କ ରଚିଥିଲେ  ଦୁଇ ଗୋଷ୍ଠୀ । ଅନ୍ଧାର ଭିତରେ ବୋମାମାଡ଼  ହେଉଥିବା ଦେଖି ପୁଲିସ ଭିତରକୁ ପଶି  ପାରିନଥିଲା । ପୁଲିସ ପଟିଆ ଓ କଳାରାହାଙ୍ଗର  କିଛି ମୁରବି ଶ୍ରେଣୀୟ ଲୋକଙ୍କ ସହଯୋଗରେ  ପଟିଆ ରେଳଷ୍ଟେସନ ପଟୁ ଗାଁକୁ ପଶିଥିଲା । ଏହାଦେଖି ଉଭୟ ପକ୍ଷର ଲୋକେ ଛତ୍ରଭଙ୍ଗ  ଦେଇଥିଲେ । ବୋମା ମାଡ଼ରେ ୧୫ ଜଣ  ପାଖାପାଖି ଆହାତ ହୋଇଥିଲେ । ରବିବାର  ରାତିରେ ମଧ୍ୟ ପୁଲିସ ପକ୍ଷରୁ ଗାଁରେ କଡ଼ା  ପାଟ୍ରୋଲିଂ କରାଯାଇଛି । ଏଥିସହ ଫେରାର୍‌  ଆକ୍ରମଣକାରୀଙ୍କୁ ଗିରଫ କରିବା ପାଇଁ ପୁଲିସ  ବିଭିନ୍ନ ସ୍ଥାନରେ ଚଢା଼ଉ କରୁଥିବା ଜଣାପଡ଼ିଛି । 

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.