ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ଗତି ଅବରୋଧକ ସାଜିଛି ମରଣ ଯନ୍ତା: ଠିକ୍‌ ନାହିଁ ଆକାର କି ଆୟତନ, ଗଛ ଆଢ଼ୁଆଳରେ ଦିଶୁନି ସୂଚନା ଫଳକ

ଭୁବନେଶ୍ୱର,୧୯/୦୩: ହମ୍ପସ୍‌ ବା ଗତି ଅବରୋଧକ ନୁହେଁ ତ ମରଣ ଯନ୍ତା । ରାସ୍ତାରେ ଛକି ବସିଛି ଏ ମରଣଯନ୍ତା । ହଠାତ୍‌ ରାସ୍ତାରେ ଯାଉଥିବେ ଜାଣିପାରିବେନି କାଚି ହେଇପଡ଼ିବେ । ପଡ଼ିଲା ପରେ ଜାଣିବେ ଏଠି ଗୋଟିଏ ହମ୍ପସ୍‌ ଥିଲା । ଯେହେତୁ ସ୍ମାର୍ଟସିଟି ତେଣୁ ହମ୍ପସ୍‌ ସବୁ ସ୍ମାର୍ଟ । ସହରର ମୁଖ୍ୟ ରାସ୍ତାରୁ ଗଳି କନ୍ଦି ପର୍ଯ୍ୟନ୍ତ ସବୁଠି ଏ ସମସ୍ୟା । 

ମାତ୍ର ଏଠି ଉଦାହରଣ ଭାବେ କିଛି ନିର୍ଦ୍ଦିଷ୍ଟ ଅଞ୍ଚଳର କଥା କହୁଛୁ । ଖଣ୍ଡଗିରି-ପାଦଦେଶ ଚାରିଛକରୁ କୋଳଥିଆ ଦେଇ ଜାତୀୟ ରାଜପଥକୁ ଯିବା ଭିତରେ ୫ଟି ସ୍ଥାନରେ ସଂଖ୍ୟାଧିକ ହମ୍ପସ୍‌ ପାଇବେ । ଗୋଟିଏ ଗୋଟିଏ ସ୍ଥାନରେ ଗୋଟିଏ ତ ଅନ୍ୟଠି ଲଗାତର ୫-୬ଟି ହମ୍ପସ୍‌ ଏକାଠି ପାଇବେ । କିନ୍ତୁ କାହାର ଆକାର ଆୟତନ ଠିକ୍‌ ନାହିଁ । କେଉଁଠି ପୂର୍ବରୁ ହମ୍ପସ୍‌ ଥିଲା, ପୁଣି ତା’ପରେ ପିଚୁ ଢ଼ାଳି ଦିଆଯାଇଛି ତ କେଉଁଠି ନୂଆ ହମ୍ପସ୍‌ ନିର୍ମାଣ ହୋଇଯାଇଛି । ଜୟଦେବ ବାଟିକା ମୋଡ଼ ଦୁର୍ଘଟଣା ପ୍ରବଣ ଅଞ୍ଚଳ, ତେଣୁ ସୁରକ୍ଷା ଦୃଷ୍ଟିରୁ ହମ୍ପସ୍‌ ହେବା ଭଲ କଥା କିନ୍ତୁ ମନଇଚ୍ଛା ଶୈଳୀରେ ନିର୍ମାଣ ହେବା ଠିକ୍‌ ନୁହେଁ । ସରକାରଙ୍କ ପ୍ରତ୍ୟେକ ନିର୍ମାଣର ସ୍ୱତନ୍ତ୍ର ଆକାର, ଆୟତନ ଅଛି, ହେଲେ ଏହି ହମ୍ପସ୍‌ର ନାହିଁ । ମନ ଇଚ୍ଛା ଯେଉଁଠି ଯେମିତି ପାରୁଛନ୍ତି ସେହିଭଳି ହମ୍ପସ୍‌ ନିର୍ମାଣ କରିଛନ୍ତି । କିଛି ସ୍ଥାନରେ ପ୍ଲାଷ୍ଟିକ୍‌ ହମ୍ପସ୍‌ ନିର୍ମାଣ ହୋଇଛି, ତା’ର ଆକାର, ଆୟତନ ସମାନ । ମାତ୍ର ଏହା କ୍ଷଣସ୍ଥାୟୀ । ଏସବୁ ଭାଙ୍ଗିଗଲା ପରେ ରାସ୍ତାରେ କେବଳ ନଟବୋଲ୍ଟ ରହୁଛି, ଯାହା ଦୁର୍ଘଟଣାର ପ୍ରମୁଖ କାରଣ ହେଉଛି । ସେଥିପାଇଁ ସବୁଠି ପିଚୁ ଢ଼ାଳିଦିଅ । ସେ ଯେମିତି ଯାହା ଆକାର ନେଉ । ୩-୪ ଥର ଭାରି ଗାଡ଼ି ଗଡ଼ିଗଲେ ଆପେ ଆପେ ହମ୍ପସ୍‌ ହେଇଯିବ । ସେହି ନ୍ୟାୟରେ ରାସ୍ତାରେ ମନଇଚ୍ଛା ହମ୍ପସ୍‌ ନିର୍ମାଣ ଚାଲିଛି । 

ବଡ଼ କଥା ହେଲା, ପଥଚାରୀଙ୍କୁ ଏହି ହମ୍ପସ୍‌ ଦେଖାଯାଉନି । ଚିହ୍ନାଇବା ଲାଗି ରାସ୍ତାରେ ସୂଚନା ଫଳକ ଲାଗିଛି । ହେଲେ କାହା ପାଇଁ ଲାଗିଛି ବୁଝା ପଡ଼ୁନି । କାରଣ କାହା ଉପରେ ଗଛ ମାଡ଼ି ଆଢ଼ୁଆଳ କଲାଣି ତ ଆଉ କେଉଁଠି ଧୂଳି, ଶିଉଳି ଲାଗି ଲିଭିଗଲାଣି । କିଛି ଦିଶୁନି । ଅନେକ ସ୍ଥାନରେ ସୂଚନାଫଳକ ଗୁଡ଼ିକ ବୁଲି ବିପରୀତ ପାଶ୍ୱର୍ରାସ୍ତାକୁ ଅନାଇଛନ୍ତି । ଲୋକ ଦେଖିଲେ ତ ଗାଡ଼ି ଧୀର କରିବେ । 

କିଛିମାସ ପୂର୍ବରୁ ଜୟଦେବ ବାଟିକା ମୋଡ଼ ହମ୍ପସ୍‌ ପାଖରେ ବିଳମ୍ବିତ ରାତିରେ ଏକ କାର୍‌ ଦୁର୍ଘଟଣା ଘଟିଥିଲା । କାର୍‌ର ଗତି ଥିବାରୁ ଚାଳକ ହମ୍ପସ୍‌ ଜାଣି ନପାରି ମାଡ଼ି ଚାଲିଥିଲେ । ଫଳରେ ଡିଭାଇଡର ଭାଙ୍ଗି ବିପରୀତ ପାଶ୍ୱର୍ ରାସ୍ତା ଡେଇଁ ପାଖ ଶିଶୁ ଯତ୍ନଗୃହ ପାଚେରୀ ଭାଙ୍ଗି କାର୍‌ ତଳେ ପଡ଼ିଥିଲା । କାର୍‌ରେ ଥିବା ୪ଜଣ ଗୁରୁତର ଆହତ ହୋଇଥିଲେ । ଏହାପରେ ହମ୍ପସ୍‌ ପାଖରେ ସୂଚନା ଫଳକ ଲଗାଗଲା କିନ୍ତୁ ଧଳା ରଙ୍ଗର ମାର୍କ ଦିଆଗଲାନି । ଏବେ ପିଚୁଢ଼ାଳି ଆହୁରି ଉଚ୍ଚା କରାଯାଇଛି । ଫୁଟ୍‌ପାଥ୍‌ ରଙ୍ଗ ହେଉଛି, ରାସ୍ତା କଡ଼ରେ ଧଳା ରଙ୍ଗ ଚିହ୍ନ ଦିଆଯାଉଛି କିନ୍ତୁ ହମ୍ପସ୍‌ରେ ହାତ ମରାଯାଉନି । କିଛି ଜୀବନ ଗଲେ ବୋଧେ ସରକାର ଓ ପ୍ରଶାସନ ଚେତିବ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.