ନୂଆଦିଲ୍ଲୀ,୧୪/୧୧: ଦିନିକିଆ ବିଶ୍ୱକପ୍ରେ ପାକିସ୍ତାନ ଦଳର ଅଭିଯାନ ଶେଷ ହେବାର ୨ଦିନ ପରେ ମର୍ଣ୍ଣ ମୋର୍କେଲ ବୋଲିଂ କୋଚ୍ ପଦରୁ ଇସ୍ତଫା ଦେଇଛନ୍ତି । ପାକିସ୍ତାନ କ୍ରିକେଟ୍ ବୋର୍ଡ଼ (ପିସିବି) ଗତ ଜୁନ୍ରେ ତାଙ୍କୁ ୬ ମାସ ପାଇଁ ବୋଲିଂ କୋଚ୍ ନିଯୁକ୍ତ କରିଥିଲା । ବିଶ୍ୱକପ୍ରେ ପାକିସ୍ତାନର ନୈରାଶ୍ୟଜନକ ପ୍ରଦର୍ଶନ ପାଇଁ ମୋର୍କେଲ କୋଚ୍ ପଦ ଛାଡ଼ିଥିବା ଜଣାପଡ଼ିଛି । ଲିଗ୍ ପର୍ଯ୍ୟାୟରେ ଦଳ ୯ଟି ମ୍ୟାଚ୍ରୁ ୪ ବିଜୟ ସହ ମୋଟ ୮ପଏଣ୍ଟ ପାଇ ସେମି ଦୌଡ଼ରୁ ବାଦ୍ ପଡ଼ିଥିଲା ।
ପିସିବି ପକ୍ଷରୁ କୁହାଯାଇଛି ଯେ, ପାକିସ୍ତାନ ଦଳ ଆଗାମୀ ଡିସେମ୍ବରରେ ଘରୋଇ ଅଷ୍ଟ୍ରେଲିଆ ବିପକ୍ଷ ୩ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ ଖେଳିବ । ଏହି ସିରିଜ ପୂର୍ବରୁ ନୂଆ ବୋଲିଂ କୋଚ୍ ନିଯୁକ୍ତ କରାଯିବ ।’ ବିଶ୍ୱକପ୍ରେ ବାବର ବାହିନୀଙ୍କ ଖରାପ ପ୍ରଦର୍ଶନକୁ ନେଇ ପାକିସ୍ତାନରେ କଡ଼ା ସମାଲୋଚନା କରାଯାଇଥିଲା । ଅନେକ ପୂର୍ବତନ କ୍ରିକେଟର ଚୟନ କମିଟି ସମେତ ବାବରଙ୍କୁ ଅଧିନାୟକ ପଦରୁ ବିତାଡ଼ିତ କରିବା ପାଇଁ ପରାମର୍ଶ ଦେଇଥିଲେ ।
ସୂଚନାଯୋଗ୍ୟ, ଦକ୍ଷିଣ ଆଫ୍ରିକାର ପୂର୍ବତନ ପେସ୍ ବୋଲର ମୋର୍କେଲ ଗତ ଆଇପିଏଲ୍ରେ ଲକ୍ଷେ୍ନø ସୁପର ଜାଏଣ୍ଟ୍ସ ଦଳର ବୋଲିଂ କୋଚ୍ ଦାୟିତ୍ୱ ତୁଲାଇଥିଲେ ।
