ସଠିପୁର,୧୧/୦୯: ପାନ ଦୋକାନରୁ ଚୋରି ଉଦ୍ୟମ ମାରିଲା ଫେଲ୍।  ଘଟଣାସ୍ଥଳରୁ ଖସି ପଳାଉଥିଲେ ତିନି ଚୋର। ଜଣକୁ ମାଡ଼ି ବସିଲେ ସ୍ଥାନୀୟ ଲୋକେ। ଖୁଣ୍ଟରେ ବାନ୍ଧି ମାଡ଼ ମାରିଲେ ପରେ ପୋଲିସକୁ ହସ୍ତାନ୍ତର କଲେ । ଏଭଳି ଚୋରି ଘଟଣା ପାଣିକୋଇଲି ଥାନା ଅନ୍ତର୍ଗତ ମାଳଆନ୍ଦପୁର ପଞ୍ଚାୟତର  ବ୍ରଜନଗର ଗ୍ରାମରେ ଘଟିଛି। ପୋଲିସ ଚୋରକୁ କାବୁ କରିବା ସହ ଅନ୍ୟ ସହଯୋଗିଙ୍କୁ ଧରିବା ପାଇଁ ଛାନ୍ ଭିନ୍ ଆରମ୍ଭ କରିଛି।

ସୂଚନା ମୁତାବିକ, ରବିବାର   ବିଳମ୍ବିତ ରାତିରେ ୩ ଜଣ ଦୁର୍ବୃତ୍ତ ବ୍ରଜନଗର ଗ୍ରାମ ଛକରେ ଥିବା ଏକ ପାନ ଦୋକାନରୁ ଚୋରି ଉଦ୍ୟମ କରିଥିଲେ। ଏହ ଏହି ସମୟରେ ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ଦେଖି ଅନ୍ୟମାନଙ୍କୁ ଡାକିଥିଲା l ଲୋକଙ୍କୁ ଦେଖି ଦୁଇଜଣ ଖସି ପଳାଇଥିଲେ l ଦିଲୀପକୁ ଧରି ଲୋକମାନେ ବାନ୍ଧି ଦେଇଥିଲେ । ପରେ ପୁଲିସକୁ ହସ୍ତାନ୍ତର କରିଥିବା ଜଣାପଡିଛି।  ଧରାପଡିଥିବା ଚୋର ଧାମନଗର ଥାନା ଅନ୍ତର୍ଗତ ରାଧାକାନ୍ତ ମାଝୀର ପୁଅ ଦିଲ୍ଳୀପ ମାଝୀ ବୋଲି ଜଣାପଡିଛି। ଅନ୍ୟ ଦୁର୍ବୃତ୍ତଙ୍କୁ ଧରିବା ପାଇଁ ପୋଲିସ ଛାନ୍‌ ଭିନ୍ ଆରମ୍ଭ କରିଛି।