ଚଣ୍ଡିଗଡ଼,୧୩/୦୪: ଆଇପିଏଲ୍ ୨୦୨୪ର ୨୭ତମ ମ୍ୟାଚ୍ ଚଣ୍ଡିଗଡ଼ର ମହାରାଜା ୟଜବିନ୍ଦ୍ର ସିଂ ଆନ୍ତର୍ଜାତୀୟ ଷ୍ଟାଡିୟମରେ ପଞ୍ଜାବ କିଙ୍ଗ୍ସ ଓ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଇଛି। ତେବେ ପ୍ରଥମ ଇନିଂସରେ ପଞ୍ଜାବ ରାଜସ୍ଥାନ ରୟାଲ୍ସକୁ ବିଜୟ ପାଇଁ ୧୪୮ ରନ୍ ଲକ୍ଷ୍ୟ ରଖିଛି। ପଞ୍ଜାବ ପକ୍ଷରୁ ଆଶୁତୋଷ ଶର୍ମା ଭଲ ପ୍ରଦର୍ଶନ କରିଥିଲେ। ସେ ୧୬ ଟି ବଲରେ ୩୧ ରନ୍ ସଂଗ୍ରହ କରିଥିଲେ। ଆଶୁତୋଷଙ୍କ ଏହି ଇନିଂସରେ ୩ ଟି ଛକା ଏବଂ ଗୋଟିଏ ଚାରିଟି ରହିଛି। ଜିତେଶ ଶର୍ମା ୨୪ ବଲରେ ୨୯ ରନ୍ ସଂଗ୍ରହ କରିଥିଲେ। ସେ ୨ ଟି ଛକା ଓ ଗୋଟିଏ ଚାରି ମାରିଥିଲେ।
ପଞ୍ଜାବର ଆରମ୍ଭ ଭଲ ନଥିଲା। ଓପନର୍ ଅଥର୍ବ ତାୟଡେ ୧୫ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ବେୟାରଷ୍ଟୋ ମଧ୍ୟ ୧୫ ରନ୍ କରି ପାଭିଲିୟନ ଚାଲି ଯାଇଥିଲେ। ପ୍ରବୀଣ ସିଂ ୧୦ ରନ ସ୍କୋର କରିଥିଲେ। କ୍ୟାପଟେନ ସାମ କୁରେନ ୬ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଏହିପରି ପଞ୍ଜାବ ୨୦ ଓଭରରେ ୮ ୱିକେଟ୍ ହରାଇ ୧୪୭ ରନ୍ ସଂଗ୍ରହ କରିଥିଲା।
ରାଜସ୍ଥାନ ପକ୍ଷରୁ କେଶବ ମହାରାଜ ଏବଂ ଅଓ୍ବେଶ ଖାନ ୨ଟି ଲେଖାଏଁ ୱିକେଟ୍ ନେଇଥିଲେ। ମହାରାଜ ୪ ଓଭରରେ ୨୩ ରନ୍ ଦେଇଥିଲେ। ଟ୍ରେଣ୍ଟ ବୋଲ୍ଟ ଏବଂ କୁଲଦୀପ ସେନ୍ ଗୋଟିଏ ଲେଖାଏଁ ୱିକେଟ୍ ନେଇଥିଲେ। ୟୁଜବେନ୍ଦ୍ର ଚହଲଙ୍କୁ ମଧ୍ୟ ଗୋଟିଏ ସଫଳତା ପାଇଥିଲେ।
