ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

୩ରୁ ଯୁକ୍ତ ତିନି ନାମଲେଖା ଆବେଦନ:ସାମ୍‌ସରେ ଯୋଡ଼ିହେଲା ବିଏ ବିଏଡ୍‌, ବିଏସ୍‌ସିବିଏଡ୍‌ ଓ ଏଲ୍‌ଏଲ୍‌ବି

ଭୁବନେଶ୍ୱର,୩୦/୦୫: ୨୦୨୪- ୨୫ ଶିକ୍ଷାବର୍ଷର ଯୁକ୍ତ ତିନି ପାଇଁ ଆସନ୍ତା ଜୁନ ୩ରୁ ନାମଲେଖା ଆବେଦନ ଆରମ୍ଭ ହେବ । ଜୁନ୍‌ ୧୭ ସୁଦ୍ଧା ଛାତ୍ରଛାତ୍ରୀ ଏଥିପାଇଁ ଆବେଦନ କରିପାରିବେ । ଜୁନ୍‌ ୨୫ରେ ଆସିବ ପ୍ରଥମ ସିଟ୍‌  ଆଲଟମେଣ୍ଟ୍‌ । ୨୬ରୁ ୨୯ ତାରିଖ  ମଧ୍ୟରେ ପ୍ରଥମ ପର୍ଯ୍ୟାୟ ନାମଲେଖା  ହେବ । ସେହିପରି ଜୁଲାଇ ୫ରେ ଦ୍ୱିତୀୟ  ପର୍ଯ୍ୟାୟ ସିଟ୍‌ ଆଲଟମେଣ୍ଟ ଆସିବ ଓ  ନାମଲେଖା ଜୁଲାଇ ୬ରୁ ୯ ମଧ୍ୟରେ  ହେବ । ଜୁଲାଇ ୧୫ରେ ତୃତୀୟ ପର୍ଯ୍ୟାୟ  ସିଟ୍‌ ଆଲଟମେଣ୍ଟ୍‌ ଆସିବ । ଏ ନେଇ  ଆଜି ଉଚ୍ଚ ଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି  ଜାରି କରାଯାଇଛି । ସମସ୍ତ ସରକାରୀ ଓ  ବେସରକାରୀ ଅନୁଦାନପ୍ରାପ୍ତ କଲେଜ,  ଅଣ ଅନୁଦାନପ୍ରାପ୍ତ ଡିଗ୍ରୀ କଲେଜ,  ସଂସ୍କୃତ କଲେଜ ସହ ୟୁଜି କୋର୍ସ ଥିବା  ମହାବିଦ୍ୟାଳୟରେ ନାମଲେଖା ପାଇଁ  ଛାତ୍ରଛାତ୍ରୀ ସାମ୍‌ସ ୱେବସାଇଟ୍‌ରେ  ଆବେଦନ କରିବେ ।  

ପୂର୍ବରୁ ଇଣ୍ଟିଗ୍ରେଟେଡ୍‌ ବିଏ  ବିଏଡ୍‌, ବିଏସ୍‌ସି ବିଏଡ୍‌, ବିଏସ୍‌ସି  ଆଇଟିଏମ, ଏମ୍‌ବିଏ, ଏମ୍‌ସିଏ ଓ  ଏଲ୍‌ଏଲ୍‌ବି ପାଠ୍ୟକ୍ରମ ପାଇଁ ସ୍ୱତନ୍ତ୍ର  ଭାବେ ବିଭିନ୍ନ କଲେଜରେ ନାମଲେଖା  ହେଉଥିଲା । ହେଲେ ଚଳିତବର୍ଷ ସାମ୍‌ସ  ୱେବସାଇଟ୍‌ ଯୋଗେ ଛାତ୍ରଛାତ୍ରୀ ଏହି  ସମସ୍ତ ପାଠ୍ୟକ୍ରମରେ ନାମ ଲେଖାଇବେ ।  ଗଙ୍ଗାଧର ମେହେର ବିଶ୍ୱବିଦ୍ୟାଳୟ,  ଉତ୍କଳ ବିଶ୍ୱବିଦ୍ୟାଳୟ, ରେଭେନ୍ସା  ବିଶ୍ୱବିଦ୍ୟାଳୟ, ଏସ୍‌ସିଏସ୍‌(ସ୍ୱୟଂଶାସିତ)  କଲେଜ, ଏମ୍‌ପିସି (ସ୍ୱୟଂଶାସିତ)  କଲେଜ ଓ ଫକୀର ମୋହନ  (ସ୍ୱୟଂଶାସିତ) କଲେଜରେ ୪ବର୍ଷିଆ  ଇଣ୍ଟିଗ୍ରେଟେଡ୍‌ ବିଏବିଏଡ୍‌ ଓ ବିଏସ୍‌ସି  ବିଏଡ୍‌ ପାଇଁ ଇ-ଆଡମିଶନ ସୁବିଧା  ରହିଛି । 

ରେଭେନ୍ସା ବିଶ୍ୱବିଦ୍ୟାଳୟରେ  ବିଏସ୍‌ସି ଆଇଟିଏମ୍‌(ଇନଫର୍ମେସନ  ଟେକ୍ନୋଲୋଜି ଆଣ୍ଡ ମ୍ୟାନେଜମେଣ୍ଟ) ଓ  ଗଙ୍ଗାଧର ମେହେର ବିଶ୍ୱବିଦ୍ୟାଳୟରେ  ବିଏସ୍‌ସି ଆଇଏସଟି(ଇନଫର୍ମେସନ  ସାଇନ୍ସ ଆଣ୍ଡ ଟେଲିକମ୍ୟୁନିକେସନ)ର  ଆଡମିଶନ ହେବ । ଏଥିସହ ସରକାରୀ ଓ  ସରକାରୀ ଅନୁଦାନପ୍ରାପ୍ତ ଶିକ୍ଷାନୁଷ୍ଠାନରେ  ୩ ବର୍ଷିଆ ବିବିଏ ଓ ବିସିଏ ପାଠ୍ୟକ୍ରମ,  ଉତ୍କଳ ବିଶ୍ୱବିଦ୍ୟାଳୟରେ ୫ବର୍ଷିଆ  ଇଣ୍ଟିଗ୍ରେଟେଡ୍‌ ଏମବିଏ ଓ ଏମସିଏ,  ମଧୁସୂଦନ ଆଇନ ବିଶ୍ୱବିଦ୍ୟାଳୟରେ  ୫ବର୍ଷିଆ ଇଣ୍ଟିଗ୍ରେଟେଡ୍‌ ବିଏ ଏଲଏଲବି  କୋର୍ସ ପାଇଁ ଆଡମିଶନ ପ୍ରକ୍ରିୟା  ମଧ୍ୟ ସାମ୍‌ସ ପୋର୍ଟାଲରେ ହେବ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.