ଭୁବନେଶ୍ୱର,୦୩/୦୬: ଯୁକ୍ତ ୩ ନାମଲେଖା ଆବେଦନ ସୋମବାର ଠାରୁ ଆରମ୍ଭ ହେବ । ଉଚ୍ଚଶିକ୍ଷା ବିଭାଗର ବିଜ୍ଞପ୍ତି ଅନୁଯାୟୀ, ସାମ୍ସ ୱେବ୍ସାଇଟ୍ରେ ଜୁନ୍ ୧୭ ତାରିଖ ଯାଏ ଆବେଦନ କରିବେ ଛାତ୍ରଛାତ୍ରୀ । ୧୮ ଓ ୧୯ ତାରିଖ ଦିନ ଫର୍ମ ସଂଶୋଧନ ସୁଯୋଗ ଦିଆଯିବ। ୨୫ ତାରିଖରେ ପ୍ରଥମ ରାଉଣ୍ଡ ଚୟନ ତାଲିକା ପ୍ରକାଶ ପାଇବ । ୨୬ରୁ ୨୯ ତାରିଖ ପର୍ଯ୍ୟନ୍ତ ଏହି ରାଉଣ୍ଡରେ ଚୟନ ହୋଇଥିବା ପିଲାମାନେ ନାମ ଲେଖାଇବେ ।
ସେହିପରି ଆସନ୍ତା ଜୁଲାଇ ୫ରେ ଦ୍ୱିତୀୟ ରାଉଣ୍ଡ ନାମଲେଖା ପାଇଁ ଚୟନ ତାଲିକା ପ୍ରକାଶ ପାଇବ । ୬ରୁ ୯ ତାରିଖ ମଧ୍ୟରେ ନାମଲେଖା ହେବ । ଜୁଲାଇ ୧୫ରେ ତୃତୀୟ ରାଉଣ୍ଡ ନାମଲେଖା ପାଇଁ ଚୟନ ତାଲିକା ପ୍ରକାଶ ପାଇବ । ୧୮ ତାରିଖ ମଧ୍ୟରେ ନାମ ଲେଖାଇବେ ଚୟନ ହୋଇଥିବା ଶିକ୍ଷାର୍ଥୀ । ଏନେଇ ସମସ୍ତ ସୂଚନା ସାମ୍ସ ୱେବ୍ସାଇଟ୍ www.samsodisha.gov.in ରେ ରହିଛି । ସୂଚନାଯୋଗ୍ୟ ଦୁଇଟି ପର୍ଯ୍ୟାୟରେ ନାମଲେଖା ହେବ । କଳା, ବାଣିଜ୍ୟ, ବିଜ୍ଞାନରେ ସ୍ନାତକ ନାମଲେଖା ସହ ୪ ବର୍ଷିଆ ଇଣ୍ଟିଗ୍ରେଟେଡ୍ ବିଏଡ୍, ଏମ୍ଏଡ୍ ଆଦି କରାଯିବ ।